रोमी 5:17 - मध्‍य पुरविया थारू

¹⁷ एकेटा लोक आदमके करल पापके कारन सब लोकसब मरैछै। महज असल बात यि चियै कि, परमेस्‍वर परसस्‍त अनुगरह आ धारमिकताके बरदानसे लोकसबके धरमी ठहराइल्‍कै। अनङ उसब एकेटा लोक येसु खिरिस्‍ट दुवारा जिबन पाबतै।

रोमी 5:17 ပူးပေါင်းရင်းမြစ်များ

मतीके लिखल सुसमाचार 25:34

तकरबाद रजा आपन देहना कात ठारभेल लोकसबके कहतै, ‘हे हमर पितासे आसिरबाद पाबल लोकसब! ओइ राजके भोगबिलास करु, जकरा सन्‍सारके उतपतीएसे तोरासबके लेल तैयार करने छै।

युहन्‍ना 10:10

चोर त चोराइले, मारैले आ नास करैके लेल मातरे आबैछै। महज हम त लोक जिबन पाबे आ उ भरपुर कैरके पाबे कैहके एलियै।

रोमी 5:12

सिरिस्‍टीके पहिन्‍का लोक आदम दुवारा सन्‍सारमे पाप एलै आ ओकरे पापसे मिरतु एलै। अहिनङ कैरके लोकसबमे मिरतु फैलगेलै कथिलेत सबकोइ पाप करने छेलै।

रोमी 5:15

परमेस्‍वरके फोक्‍टेके बरदान आदमके पाप जखा नै चियै। कथिलेत एकटा लोक आदमके पापके कारनसे बहुत लोक मरलै। महज एकटा लोक येसु खिरिस्‍टके बरदान दुवारा परमेस्‍वर बहुतो लोकके औरो बेसिसे अनुगरह देल्‍कै।

रोमी 5:20

लोकसब अपना कतहेक पाप करनेचियै से जानैके लेल परमेस्‍वर ओकरासबके बेबस्‍था देल्‍कै। लोकसबके पाप जतहेक बरहैत गेलै परमेस्‍वरके अनुगरह ओतहेक बेसिसे बरहैत गेलै।

रोमी 6:14

पाप तोरासबमे अधिन नै करे, कथिलेकी तुसब बेबस्‍थाके अधिनमे नै, महज परमेस्‍वरके अनुगरहमे बचल चिही।

रोमी 6:23

कथिलेत पाप करैबलाके बैन मिरतु चियै, महज फोक्‍टेमे देल परमेस्‍वरके बरदान त अनन्‍त जिबन चियै जे अपनासबके परभु येसु खिरिस्‍टमे देनेछै।

रोमी 8:39

नै त अकास, नै त पताल, सिरिस्‍टीके कोनो सक्‍ती अपनासबके परमेस्‍वरके परेमसे अलग करैले नै सक्‍तै। कथिलेत खिरिस्‍ट दुवारा परमेस्‍वर अपनासबके परेम करने छै।

१ कोरन्‍थी 15:49

जहिनङे हमसब अखुन माटीसे बनल लोकके रुपमे धारन करनेचियै, तहिनङे एक दिन हमसब स्‍वरगके लोकके रुपमे धारन करबै।

१ कोरन्‍थी 4:8

तुसब सोचैचिही कि पहिने सबकुछ पाइबलेने चियै, पहिने धनिक भेलचियै। बिना हमरासबसे तुसब रजा बइनगेल चिही। साँचोके तुसब राज करतिही त, हम्‍हुसब तोरासबसङे राज करतियौ!

फिलिप्‍पी 3:9

ताकी पुरा रुपसे हम ओकरमे एक भ्‍यासकी। बेबस्‍था पालन कैरके परमेस्‍वरके अगा हम धरमी हैले नै सक्‍बै महज आब खिरिस्‍टमे बिस्‍बास करलासे परमेस्‍वरे हमरा धरमी ठहराइल्‍कै। यि धारमिकता बिस्‍बासमे अरल छै।

१ तिमोथी 1:14

आब देख, अपनासबके परभु येसुके अनुगरह हमर उपर कतहेक बहौत छै कि उ आपन बिस्‍बाससे आ परेमसे हमरा भरल्‍कै।

२ तिमोथी 2:12

यदी हमसब ओकरसङे दुख भोग्‍बै त, हमरौरके ओकरेसङे राज करबै। हमसब ओकरा इन्‍कार करबै त, ओहो हमरौरके इन्‍कार करतै।

याकुब 2:5

हे हमर पिरिय भाइ-भैयासब, सुन। कि परमेस्‍वर सन्‍सारके गरिबसबके बिस्‍बासमे धनिक बनाके ओइ राजके हकदार हैकेलेल नै चुन्‍ने छै? ओह्‍या राज ओकरा परेम करैबलासबके उ दैले परतिग्‍या करनेचियै नै?

१ पतरुस 2:9

महज तुसब त परमेस्‍वरके छानल जन, राजकिय पुजारी, पबितर जाती, निजी परजा चिही। उ तोरासबके अन्‍हारसे ओकर अचमके इजोतमे आनल्‍कौ, ताकी तुसब ओकर आस्‍चरजके कामसबके घोसना करैले सक।

परकास 1:6

उ अपनासबके राज अरथात आपन परमेस्‍वर आ पिताके सेबा करैके लेल पुजारी बनाइनेछै। येसु खिरिस्‍टके महिमा आ सक्‍ती सबदिन रहे। आमेन!

परकास 20:4

तब हम सिंहासनसब आ ओइमे बैठलसबके देखलियै, जकरा नियाइ करैके अधिकार परमेस्‍वर देनेछेलै। तकरबाद हम येसुके गबाही आ परमेस्‍वरके बचन परचार करलासे मुरी कटलहासबके आत्‍मासब देखलियै। उसब जानबर या मुरतिके पुजा नै करनेरहै, नै त आपन कपार या हाथमे ओकर चेन्‍हा बनाइनेरहै। उसब फेरसे जिबित भेलै आ खिरिस्‍टसङे एक हजार बरिसतक राज करल्‍कै।

परकास 20:6

उसब धैनके आ पबितर चियै, जेसब पहिन्‍का पुनरुथानमे जिबित भ्‍याके उठलै। ओइसबके दोसर मिरतुके सक्‍ती किछो करैले नै सक्‍तै महज उसब परमेस्‍वर आ खिरिस्‍टके पुजारी भ्‍याके खिरिस्‍टसङे एक हजार बरिसतक राज करतै।

परकास 22:5

ओते कहियो रात नै हेतै, ओते दिया या रौदके जरुरत नै परतै कथिलेत परभु परमेस्‍वरे ओइसबके लेल इजोत हेतै आ उसब सबदिन राज करतै।

परकास 3:21

जे जित्‍तै, हम ओकरा हमर सिंहासनमे हमरसङे बैठैले हक देबै, जनङ हम जितलियै आ आपन पितासङे ओकर सिंहासनमे बैठल चियै।’