रोमी 5:1 - मध्‍य पुरविया थारू

¹ ओहैसे हमसब खिरिस्‍टमे बिस्‍बास करलाके कारन परमेस्‍वरके अगा धरमी ठहरलचियै आ अपनासबके परभु येसु खिरिस्‍ट दुवारा परमेस्‍वरसङे अपनासबके मिलाप भेलछै।

रोमी 5:1 ပူးပေါင်းရင်းမြစ်များ

लुका 19:38

“परभु परमेस्‍वरके नाममे आबैबला रजा धैनके चियै। स्‍वरगमे सान्‍ती आ परमेस्‍वरके महिमा हेबे।”

लुका 19:42

“कनङके सान्‍ती आबैछै से बात तु आइयोके जाइन लेतिही त हेतियौ! महज आबसे सब बात तोहर नजरसे दुर छौ।

लुका 2:14

“स्‍वरगमे परमेस्‍वरके महिमा आ पिरथिबीमे जै लोकसबसे परमेस्‍वर खुसीछै, ओकरासबके सान्‍ती।”

युहन्‍ना 14:27

“हम सान्‍ती तोरासबके छोइरदैचियौ, हम आपन सान्‍ती तोरासबके दैचियौ। सन्‍सारके देल जखा हम तोरासबके नै देबौ। तोरासबके मन बेचैन नै हेबे आ तुसब नै डरा।

युहन्‍ना 16:33

“हम तोरासबके यि बात अहै खातिर कहनेचियौ, कि हमरमे रैहके तोरासबके सान्‍ती हेबे। सन्‍सारमे तोरासबके सङकट हेतौ, महज साहस कर, हम सन्‍सारके जितलेने चियै।”

युहन्‍ना 20:31

येसु परमेस्‍वरके बेटा, मुक्‍ती दैबला खिरिस्‍ट चियै कैहके बिस्‍बास कर आ बिस्‍बासके कारन ओकर नाममे तुसब जिबन पाबबिही कैहके यि सब बात अइ किताबमे लिखलगेल छै।

युहन्‍ना 5:24

“हम साँचोके तोरासबके कहैचियौ, जे हमर बचन सुनैछै आ हमरा पठाइबलाके उपर बिस्‍बास करैछै, ओकरसङे अनन्‍त जिबन छै। उ नियाइमे नै परतै, महज मिरतुसे पार भ्‍याके उ जिबनमे परबेस करने छै।

परेरित 10:36

तोरा थाह छौ कि येसु सबके परभु चियै। परमेस्‍वर येसु खिरिस्‍टके मारफतसे सान्‍तीके सुसमाचार इजराएली लोकसबके पठेल्‍कै।

रोमी 1:17

कथिलेत सुसमाचारसे लोकके परमेस्‍वर कनङके धरमी बनाइतै से बात परकट करने छै। परमेस्‍वरके अगा धरमी ठहरैबला बात बिस्‍बाससे सुरु हैछै आ बिस्‍बासेमे पुरा हैछै। जनङ कि पबितर धरमसास्‍तरमे लिखलछै, “जे लोक बिस्‍बास दुवारा परमेस्‍वरके अगा धरमी ठहरतै, उ लोक जिबन पाबतै।”

रोमी 1:7

तुसब रोम सहरमे भेल सब लोकसबके परमेस्‍वर परेम करैछै, जे परमेस्‍वरके पबितर लोक हैकेलेल बोल्‍यालगेलछै। अपनासबके परमेस्‍वर पिता आ परभु येसु खिरिस्‍टसे तोरासबके अनुगरह आ सान्‍ती मिले।

रोमी 10:10

कथिलेत लोक आपन हिरदयसे बिस्‍बास कैरके परमेस्‍वरके अगा धरमी ठहरैछै आ बिस्‍बास करल बात आपन मुहसे सुइकार कैरके उधार पाबैछै।

रोमी 10:15

सुनाइबला लोकके नै पठाइतै उ कनङके परचार करतै? जनङ पबितर धरमसास्‍तरमे लिखल छै कि, “सुसमाचार परचार करैबलाके टाङ कतहेक सुन्‍दर!”

रोमी 14:17

कथिलेत परमेस्‍वरके राज खाइ-पियैबला चिज नै, महज पबितर आत्‍मासे आबैबला धारमिकता, सान्‍ती आ आनन्‍द चियै।

रोमी 15:13

तुसब आसा दैबला परमेस्‍वरमे बिस्‍बास करनेचिही। ओह्‍या तोरासबके आनन्‍द आ सान्‍तीसे भैरदेबे। तहिनङे पबितर आत्‍माके सक्‍तिसे तोरासबके आसा बैढते जाय।

रोमी 15:33

सान्‍ती दैबला परमेस्‍वर तोरासबसङे रहे। आमेन।

रोमी 3:22

अहिनङ कैरके, येसु खिरिस्‍टमे बिस्‍बास करैबला सबके परमेस्‍वर धरमी ठहराइनेछै, कथिलेत उ ककरो भेदभाव नै करैछै।

रोमी 3:30

कथिलेत परमेस्‍वर एकेटा छै। उ यहुदी आ गैर-यहुदी दुनुके बिस्‍बास दुवारा धरमी ठहराइछै।

रोमी 4:5

कोनो लोक धरम-करममे नै महज पापी लोकसबके छमादैबला परमेस्‍वरमे बिस्‍बास करैछै त वह्‍या बिस्‍बासके कारन परमेस्‍वर ओकरा धरमी ठहराइछै। यि त परमेस्‍वरके दान चियै।

रोमी 5:11

अतबेक नै, महज अपनासबके परभु खिरिस्‍ट दुवारा अपनासब परमेस्‍वरमे आनन्‍द मनाबैचियै कथिलेत ओकरे दुवारा अपनासबके परमेस्‍वरसङे मिलाप भेलछै।

रोमी 5:18

अहिनङ कैरके हमसब देखैचियै कि, जनङ आदमके एकेटा पापसे सब लोकसब मिरतुदन्‍डके भागिदार भेलै, ओहिनङे खिरिस्‍टके एकेटा धारमिक कामसे परमेस्‍वरके सामने सबलोक धरमी ठहरतै आ जिबन पाबतै।

रोमी 6:23

कथिलेत पाप करैबलाके बैन मिरतु चियै, महज फोक्‍टेमे देल परमेस्‍वरके बरदान त अनन्‍त जिबन चियै जे अपनासबके परभु येसु खिरिस्‍टमे देनेछै।

रोमी 9:30

हमर कहैके बात यि चियै कि, गैर-यहुदीसब बेबस्‍था पालन कैरके परमेस्‍वरके नजरमे धरमी ठहरैले कोसिस नै करल्‍कै तैयो बिस्‍बास दुवारा धरमी ठहरलै।

गलाती 2:16

तैयो लोक बेबस्‍था पालन कैरके धरमी नै ठहरैछै महज खिरिस्‍ट येसुमे भेल बिस्‍बास दुवारा धरमी ठहरैछै कहैबला बात जाइनके हमसब आपनेसे सेहो बेबस्‍थाके काम दुवारा नै बरु खिरिस्‍टके बिस्‍बास दुवारा धरमी ठहरलचियै कैहके येसु खिरिस्‍टमे बिस्‍बास करलियै कथिलेकी बेबस्‍थाके काम दुवारा कोइयो नै धरमी ठहरल जेतै।

गलाती 3:25

महज आब खिरिस्‍टमे बिस्‍बास करैबला समय चैलएलाके कारन हमरासबके बेबस्‍थाके अधिनमे रहैले नै परतै।

गलाती 5:22

महज पबितर आत्‍माके फलसब- परेम, आनन्‍द, सान्‍ती, धिरज, दया, भलाइ, बिस्‍वस्‍तता,

एफिसी 2:7

यि काम परमेस्‍वर अपनासबके येसु खिरिस्‍टमे करल असिम अनुगरह कतेक महान छै कैहके आबैबला सब दिनमे देखाइके लेल करल्‍कै।

फिलिप्‍पी 3:9

ताकी पुरा रुपसे हम ओकरमे एक भ्‍यासकी। बेबस्‍था पालन कैरके परमेस्‍वरके अगा हम धरमी हैले नै सक्‍बै महज आब खिरिस्‍टमे बिस्‍बास करलासे परमेस्‍वरे हमरा धरमी ठहराइल्‍कै। यि धारमिकता बिस्‍बासमे अरल छै।

कलस्‍सी 1:20

कुरूसमे बलिदान भेल खिरिस्‍टके लहुसे परमेस्‍वर स्‍वरग आ पिरथिबीमे भेल सब चिजके फेनसे आपनसङे मेलमिलाप आनल्‍कै।

कलस्‍सी 3:15

खिरिस्‍टके सान्‍तीके तुसब आपन हिरदयमे राज करैले दहै। एह्‍या सान्‍तीके खातिर परमेस्‍वर तोरासबके एके देहमे बोलाइनेछौ। यि बातमे तुसब धन्‍यबादी बन।

१ थेसलोनिकी 5:23

अपनासबके सान्‍ती दैबला परमेस्‍वर आपनेसे हरतरहसे तोरासबके पबितर राखे आ अपनासबके परभु येसु खिरिस्‍ट नै आबैतक तोरासबके आत्‍मा, परान, देह निरदोस रहे से हमर आसा चियै।

२ थेसलोनिकी 3:16

आब सान्‍ती दैबला परभु आपनेसे हरघरी आ हरतरहसे तोरासबके सान्‍ती देबे। परभु तोरासबगोरा सङे रहे।

हिबरु 13:20

भेंरासबके महान चरबाहा अपनासबके परभु येसु आपन लहु बहाके सबदिन रहैबला करार बान्‍हनेछै। ओहै लहुके आधारमे सान्‍ती दैबला परमेस्‍वर ओकरा मिरतुसे फेनसे जियाइल्‍कै।