रोमी 4:18 - मध्‍य पुरविया थारू

¹⁸ सन्‍तानके आसे नै भेल बखत “तोहर सन्‍तान अकासके तरा जतहेक बहुत हेतौ” कैहके परमेस्‍वरके देल परतिग्‍यामे अबराहम आसा आ बिस्‍बास करैले नै छोरने रहलै। तब पाछु बहुतो जातीके पुरखा बन्‍लै।

रोमी 4:18 ပူးပေါင်းရင်းမြစ်များ

लुका 1:18

तब जकरिया स्‍वरगदुतके कहल्‍कै, “यि साँचोके हेतै से हम कनङके जान्‍बौ? हम आ हमर घरबालीयो बुढ भ्‍यागेलियै।”

परेरित 27:25

अहै खातिर हे हमर भाइ-भैयारीसब साहस कर। कथिलेत परमेस्‍वरमे हम पुरा बिस्‍बास करैचियै कि जनङ हमरा कहनेछै तैहनङ हेबे करतै।

रोमी 4:17

पबितर धरमसास्‍तरमे एहेन लिखलछै “हम तोरा सन्‍सारके सब जातीके पुरखा बनाइने चियौ।” मरलसबके जिबन दैबला आ असतित्‍वमे नै भेल चिजके असतित्‍वमे लाबैबला परमेस्‍वरमे अबराहम बिस्‍बास करल्‍कै।

रोमी 4:19

अबराहमके उमेर लगभग सय बरिस पुगल छेलै आ उ जानैत रहलै कि हमर यि देहसे आब किछो नै हेतै आ उ यिहो जानैछेलै कि साराके बच्‍चा जलमाइले असम्‍भवछै। तैयो उ बिस्‍बासमे कमजोर नै भेलै।

रोमी 5:5

अहै आसाके कारन हमसब निरास नै हेबै कथिलेत परमेस्‍वर अपनासबके पबितर आत्‍मा देने छै आ पबितर आत्‍मासे परमेस्‍वर अपनासबके हिरदयमे आपन परेम भरनेछै।

रोमी 8:24

कथिलेत अहै बरका आसाके लेल परमेस्‍वर अपनासबके बचेल्‍कै आ हमसब अहै आसामे बाचल चियै। आसा त अपनासबके नै देखल चिज पाबैले असिएनाइ चियै। लोक पहिने पाबलहा चिजके आसा नै करैछै।

हिबरु 6:19

जनङ एकटा लङगर जहाजके अस्‍थिर राखैछै तहिनङ यि आसा अपनासबके सुरक्‍छीत आ अस्‍थिर राखैछै। उ आसा येसु चियै। उहे अपनासबके स्‍वरगिय मन्‍दिरके परदा भितर महापबितर ठाममे गेलै।