रोमी 3:8 - मध्‍य पुरविया थारू

⁸ कोइ कोइ यह्‍या दोस हमरासबके लगाइछै, “हमसब जतहेक पाप करबै ततहेक बेसिसे परमेस्‍वरके आदर हेतै।” एहेन दोस लगाइबला लोकसबके परमेस्‍वरसे दन्‍ड मिलनाइ उचित छै।

रोमी 3:8 ပူးပေါင်းရင်းမြစ်များ

मतीके लिखल सुसमाचार 5:11

“धैनके चिही तुसब, जब लोकसब हमर खातिर तोरासबके अपमान करतौ, सताइतौ आ झुठ बाइज-बाइजके तोरासबके बिरोधमे सब तरहके अधलाह बात कहतौ।

रोमी 5:20

लोकसब अपना कतहेक पाप करनेचियै से जानैके लेल परमेस्‍वर ओकरासबके बेबस्‍था देल्‍कै। लोकसबके पाप जतहेक बरहैत गेलै परमेस्‍वरके अनुगरह ओतहेक बेसिसे बरहैत गेलै।

रोमी 6:1

परमेस्‍वर अपनासबके पापसब छमा करैछै आ अपनासबके उपर अनुगरह देखाबैछै। तैल्‍याके अपनासब पाप कैरते रह कहबै त?

रोमी 6:15

माइनले हमसब बेबस्‍थाके अधिनमे नै चियै, महज परमेस्‍वरके अनुगरहके अधिनमे चियै त, कि पाप करबै? कदापी नै।

रोमी 7:7

ओनङ चियै त हमसब आब कथि कहबै? कि बेबस्‍था पाप चियै त? ओनङ नै चियै। बेबस्‍था नै रहतियै त पाप कथि चियै से हम थाहे नै पाबतियै, कथिलेत “तु लोभ नै कर” कैहके बेबस्‍था नै कहने रहतियै त लोभ नै करैके हैछै कैहके हम थाहे नै पाबतियै।

२ कोरन्‍थी 11:15

ओहैसे सैतानोके सेबकसब परमेस्‍वरके अगा धरमी सेबक जखा देखा परनाइ कोनो अचमके बात नै चियै। आखिरमे उसब आपनेसे करल कामके सजाय पाबतै।

२ कोरन्‍थी 6:8

लोकसब हमरासबके आदर करतै तैयो अनादर करतै तैयो, जस करतै तैयो अबजस करतै तैयो हमसब परमेस्‍वरके सेबा करैचियै। हमसब इमानदार चियै महज लोकसब ठगहा कहैछै।

यहुदा 1:4

कथिलेकी परमेस्‍वरके आदर नै करैबला कोइ-कोइ पैहनिए दोसी ठहरल लोकसब तोरासबके बिचमे ककरो थाह नै द्‍याके ढुकल छौ। उसब परमेस्‍वरके नै मानैछै। परमेस्‍वरके देल अनुगरहके अधलाह कामसब करैले हथियार बनाइनेछै तब येसु खिरिस्‍टके एक मातरे परभु आ मालिक चियै सेहो कहैले इन्‍कार करैछै।