रोमी 3:5 - मध्‍य पुरविया थारू

⁵ महज कतहेक लोकसबके बिचारमे, हम यहुदीसबके करल पापसे परमेस्‍वर औरो बेसी धरमी देखाइछै त हम कथि करबै? कि लोकसबके दन्‍ड देनाइ परमेस्‍वरके गल्‍ती छेलै त?

रोमी 3:5 ပူးပေါင်းရင်းမြစ်များ

रोमी 12:19

हमर पिरिय भाइ-भैयासब, आपनेसे ककरो बदला नै ले महज परमेस्‍वरके करोधमे छोइरदहै। कथिलेत पबितर धरमसास्‍तरमे परमपरभु एहेन कहैछै, “बदला लैबला काम हमर चियै, हम्‍ही बदला लेबौ।”

रोमी 2:5

महज तु जिद्‍द कैरके पस्‍चाताप करैले नै चाहलिही। ओहैसे तु परमेस्‍वरके नियाय हैबला दिनमे बरका दन्‍डके लेल करोध समैटके राखनेचिही, जै दिनमे परमेस्‍वर ठिकसे नियाय करतै।

रोमी 3:19

बेबस्‍थाके बात त बेबस्‍थाके अधिनमे रहैबला लोकसबके लेल चियै कैहके हमरासबके थाहछै। ओहैसे परमेस्‍वर सन्‍सारके नियाय करैतखिना हम पाप नै करनेचियै कैहके बहाना बनाबे नै सक्‍तै।

रोमी 3:7

कोइ कोइ अहिनो बिचार करैछै, “यदि हमर झुठसे परमेस्‍वरके सतके औरो आदर हैछै त, कथिले हमरा पापके दोसी ठहराइछै?”

रोमी 4:1

आब अपनासबके पुरखा अबराहमके बारेमे देख। कोन कारनसे धरमी ठहरलै त?

रोमी 5:8

महज अपनासब पापी भेल बखत खिरिस्‍टके अपनासबके लेल बलिदान द्‍याके परमेस्‍वर अपनासबके लेल महान परेम देखेल्‍कै।

रोमी 6:1

परमेस्‍वर अपनासबके पापसब छमा करैछै आ अपनासबके उपर अनुगरह देखाबैछै। तैल्‍याके अपनासब पाप कैरते रह कहबै त?

रोमी 6:19

तोरासबके मानबिय स्‍वभाबके कमजोरीके कारनसे हम तोरासबके बुझैबला हिसाबसे मालिक आ दासके उदाहरन देके कहैचियौ। एक समयमे खराब इक्‍छासे बहुत घिनलागैबला पाप आ दुस्‍ट काम करैले तुसब आपन जिबनके दास जखा सोपने छेल्‍ही। आब पबितर हैले तोरासबके जिबन परमेस्‍वरके लेल असल काम करैबला दास जखा सोप।

रोमी 7:7

ओनङ चियै त हमसब आब कथि कहबै? कि बेबस्‍था पाप चियै त? ओनङ नै चियै। बेबस्‍था नै रहतियै त पाप कथि चियै से हम थाहे नै पाबतियै, कथिलेत “तु लोभ नै कर” कैहके बेबस्‍था नै कहने रहतियै त लोभ नै करैके हैछै कैहके हम थाहे नै पाबतियै।

रोमी 8:31

परमेस्‍वरके करल कामसबके बिसयमे अपनासब कथि कहबै त? यदि परमेस्‍वर अपनासबके पक्‍छमेछै त, अपनासबके बिरोधमे के खरा हेतै?

रोमी 9:30

हमर कहैके बात यि चियै कि, गैर-यहुदीसब बेबस्‍था पालन कैरके परमेस्‍वरके नजरमे धरमी ठहरैले कोसिस नै करल्‍कै तैयो बिस्‍बास दुवारा धरमी ठहरलै।

१ कोरन्‍थी 15:32

लोकसबके हिसाबसे कहैचियौ त, एफिसस सहरमे हम जङली जानबरसब जखा लोकसबसङे लराइ कैरके हमरा कि फैदा भेलै? यदि मरल लोक जीके नै उठैछै त “खो आ पि, कथिलेत हमसब त काइल मैर जेबै।”

१ कोरन्‍थी 9:8

कि यि बात हम लोकके हिसाबसे कहैचियौ से? कि बेबस्‍था सेहो एहेन बात नै कहैछै से?

२ कोरन्‍थी 6:4

महज हरतरहसे हमसब आपनेके परमेस्‍वरके सेबकसब चियै कैहके देखाइचियै। सब कठिनाइ, बिपत, सङकट आ दुखमे धिरजसे सहन करैचियै।

२ कोरन्‍थी 7:11

परमेस्‍वरसे एल दुखसे तोरासबमे केहेन उत्‍साह जगाइल्‍कौ, ओइके याद कर। आपनेके निरदोस साबित कराइके लेल केहेन उत्‍सुकता छौ। केहेन डाह, केहेन डर, केहेन पियास, केहेन जोस, नियाय हैकेलेल केहेन चाह छौ! सब बातमे तुसब आपनेके निरदोस साबित करनेचिही।

गलाती 2:18

यदि हम पहिनेसे इन्‍कार करल बेबस्‍था फेनसे पालन करबै त, हम आपने आपके पापी साबित करैचियै।

गलाती 3:15

हे हमर पिरिय भाइ-भैयासब, आब हम तोरासबके दिनदिनके जिबनसे एकटा उदाहरन द्‍यारहलचियौ। लोकसबके बिचमे कोनो करार एकबेर पक्‍का भेलाकेबाद कोइने एकरा रद कैरसकैछै आ नै त अइमे किछो थप-घट कैरसकैछै।

परकास 15:3

उसब अनङ कैहके परमेस्‍वरके दास मोसाके भजन आ थुमाके भजन गाबैछेलै, “हे सरबसक्‍तिमान परभु परमेस्‍वर! अहाँके काम कतेक महान आ अदभुत छै, हे जाती जातीके रजा! अहाँके बाट धारमिक आ सत छै।

परकास 18:20

हे स्‍वरगमे भेल्‍हासब, उ सहर नास भेलासे खुस हो। हे परमेस्‍वरके पबितर जनसब, परेरितसब आ अगमबक्‍तासब सबकोइ आनन्‍द मना! कथिलेत तोरासबके सताबैके कारन परमेस्‍वर ओकर नियाय करने छै।