रोमी 3:30 - मध्‍य पुरविया थारू

³⁰ कथिलेत परमेस्‍वर एकेटा छै। उ यहुदी आ गैर-यहुदी दुनुके बिस्‍बास दुवारा धरमी ठहराइछै।

रोमी 3:30 ပူးပေါင်းရင်းမြစ်များ

रोमी 2:26

यदि खतना नै करैबला लोक बेबस्‍था पालन करैछै त कि ओकरासबके खतना करल लोकसबके जखा परमेस्‍वर नै मान्‍तै से?

रोमी 2:27

तु यहुदीसबसङे लिखल बेबस्‍थाछौ आ तोरासबके खतना भेलछौ तैयो तुसब बेबस्‍था पालन नै करैचिही महज गैर-यहुदीसब खतनो नै कैरके बेबस्‍था पालन करैछै त तुसब स्‍वतह दोसी ठहरल जेब्‍ही।

रोमी 3:22

अहिनङ कैरके, येसु खिरिस्‍टमे बिस्‍बास करैबला सबके परमेस्‍वर धरमी ठहराइनेछै, कथिलेत उ ककरो भेदभाव नै करैछै।

रोमी 3:28

बेबस्‍था पालन कैरके नै महज खिरिस्‍टमे बिस्‍बास कैरके मातरे परमेस्‍वरके अगा धरमी ठहराबैछै से बात हमसब जानैचियै।

रोमी 4:16

ओहैसे परमेस्‍वरके परतिग्‍या बिस्‍बास दुवारा पाबैबलाके यि ओकर अनुगरहमे भर परैछै। यि परतिग्‍या बेबस्‍था पालन करैबला अबराहमके सन्‍तानसबके लेल मातरे नै महज अबराहम जखा बिस्‍बास कैरके जियैबलासबके लेल चियै, कथिलेत अबराहम सबके पुरखा चियै।

रोमी 4:9

दाउदके कहल यि आसिस खतना भेल यहुदी लोकसबके लेल मातरे चियै कि खतना नै भेल गैर-यहुदी लोकसबके लेल सेहो चियै? पबितर धरमसास्‍तर अनुसार अपनासब कहलियै कि, “अबराहम त परमेस्‍वरमे बिस्‍बास करल्‍कै आ ओकर वह्‍या बिस्‍बाससे परमेस्‍वर ओकरा धरमी ठहरेल्‍कै।”

गलाती 3:20

मिलाप हैकेलेल दुनु पक्‍छ चाही महज परमेस्‍वर एक पक्‍छ मातरे छै।

गलाती 3:28

आबसे नै त यहुदी, नै त गैर-यहुदी, नै दास, नै स्‍वतन्‍तर, नै पुरुख, नै जनी छै, कथिलेत तुसब खिरिस्‍ट येसुमे सबकोइ एक चियै।

गलाती 3:8

परमेस्‍वर अबराहमके कहल्‍कै, “तोरेसे पिरथिबीके सब जातिके लोकसब आसिस पाबतै।” अनङ परमेस्‍वर गैर-यहुदीसबके बिस्‍बाससे धरमी ठहराइतै कैहके पबितर धरमसास्‍तर पहिनेसे असल समाचार सुनाइने छेलै।

गलाती 5:6

खिरिस्‍ट येसुमे नै त खतनाके नै त बेखतना कोनो मोल छै। महज एकेटा बातके मोल छै, उ यि चियै, अपनासब बिस्‍बासके कारन एक-दोसरके परेम करैचियै।

गलाती 6:15

नै त खतनाके कोनो महत्‍व छै, नै त बेखतनाके, महज मुल बात यि चियै कि परमेस्‍वर अपनासबके नया लोक बनाइनेछै।

फिलिप्‍पी 3:3

सत हिसाबसे खतना करैबला त हम्‍हीसब चियै कथिलेत पबितर आत्‍मासे परमेस्‍वरके आराधना करैचियै आ खिरिस्‍ट येसुमे हमसब गर्‌ब करैचियै। हमसब बाहरके कोनो रितिथितीमे भरोसा नै करैचियै।

१ तिमोथी 2:5

कथिलेकी परमेस्‍वर एकेटा छै। परमेस्‍वर आ लोकसबके बिचमे मिलाप कराइबला एकेटा लोक छै। उ लोक येसु खिरिस्‍ट चियै।