रोमी 3:10 - मध्‍य पुरविया थारू

¹⁰ पबितर धरमसास्‍तरमे एहेन लिखलछै, “धरमी कोइ नै छै, एकोटा नै छै।

रोमी 3:10 ပူးပေါင်းရင်းမြစ်များ

मतीके लिखल सुसमाचार 15:19

कथिलेत हिरदयेसे खराब बिचार, हतिया, पर-इस्‍तरी गमन, अनैतिक देहके समबन्‍ध, चोरी, झुठा गबाही आ निन्‍दा करैबला बातसब बाहर निकलैछै।

मरकुस 10:18

येसु ओकरा कहल्‍कै, “हमरा कथिले असल गुरु कहैचिही? परमेस्‍वर बाहेक कोइ नै असल छै।

रोमी 11:8

पबितर धरमसास्‍तरमे एहेन लिखल छै, “परमेस्‍वर ओकरासबके मन सुस्‍त बन्‍यादेल्‍कै। एहेन आँख देल्‍कै कि उसब देखैले नै सकैछै आ एहेन कान देनेछै कि उसब सुनैले नै सकैछै। उसब अखुन्‍तो ओहिनङे दसामे छै।”

रोमी 3:11

परमेस्‍वरके बात बुझैबला लोक कोइ नै छै, परमेस्‍वरके खोजैबला कोइ नै छै।

रोमी 3:23

कथिलेत सबलोक पाप करने छै आ परमेस्‍वरके महिमा तक पुगैले चुकल छै।

रोमी 3:4

पक्‍का पुरा करतै, सब लोक आपन बचन पुरा नै करतै तैयो परमेस्‍वर आपन बचनके पुरा करतै। जनङ पबितर धरमसास्‍तरमे लिखल छै, “बोलि-बचनमे अहाँ ठिक ठहरलचियै, नियाय हेतै त अहाँके जित हेतै।”

तितस 3:3

कथिलेकी अपनोसब एकबेर मुरुख, ककरो कहल नै मानैबला आ भुलमे परल छेलियै। बहुतो तरहके देहके खराब इक्‍छासब आ भोगबिलासमे फसल छेलियै। अपनासब दुस्‍ट आ डाहके जिबन बिताबै छेलियै। अपनासब दोसरके घिरना करैत रहियै त उहोसब अपनासबके घिरना करैछेलै।

१ पतरुस 1:16

पबितर धरमसास्‍तरमे एहेन लिखलछै, “तुसब पबितर हो, कथिलेत हम पबितर चियै।”

परकास 21:8

महज डरपोकसब, बिस्‍बास नै करैबलासब, घिनलागैबला काम करैबलासब, हतियारासब, बेबिचारीसब, जादु-टोना करैबलासब, मुरती पुजा करैबलासब आ झुठ बोलैबलासबके ठाम त आइग आ गन्‍धक बरैबला भठिमे हेतै। यि दोसर मिरतु चियै।”

परकास 22:15

महज कुतासब जखा खराब लोकसब, जादु-टोना करैबलासब, बेबिचारीसब, हतियारासब, मुरती पुजा करैबलासब, झुठ मन पराइबला आ तै अनुसार जिबन बिताइबलासब सहरसे बाहरे रहतै।