रोमी 2:7 - मध्‍य पुरविया थारू

⁷ जे लोकसब निरन्‍तर भलाइके काम कैरके आदर, इज्‍जत आ अनन्‍त जिबनके खोजी करैछै, ओइसबके परमेस्‍वर अनन्‍त जिबन देतै।

रोमी 2:7 ပူးပေါင်းရင်းမြစ်များ

मतीके लिखल सुसमाचार 25:46

तब उसब दन्‍डके भागिदार हेतै, महज धरमीसब अनन्‍त जिबन पाबतै।”

लुका 21:19

कथिलेत तोरासबके आपन धिरजके कारन जिबन मिल्‍तौ।”

लुका 8:15

महज हलगर माटीमे परैबला उसब चियै, जे कोइ परमेस्‍वरके बचन सुनैछै आ आग्‍याकारी भ्‍याके मनेमे राखैछै आ दुख सहियोके बहौतरा फल फराइछै।”

युहन्‍ना 4:36

अखनियो बाली काटैबलाके बैन भेटैछै आ अनन्‍त जिबनके खातिर अन जमा करैछै, तब छिटैबला आ काटैबला दुनु सङे-सङे खुसी मनाबैछै।

युहन्‍ना 5:44

तुसब एक-दोसरसे आदर खोजैचिही, महज परमेस्‍वरसे ल्‍याल आदरके कोनो वस्‍ते नै करैचिही त, तुसब कनङके बिस्‍बास करे सकबिही?

रोमी 2:10

महज असल काम करैबला हरेक लोकके, आदर, इज्‍जत आ सान्‍ती मिल्‍तै, पहिने यहुदी तब गैर-यहुदीसबके सेहो मिल्‍तै।

रोमी 6:23

कथिलेत पाप करैबलाके बैन मिरतु चियै, महज फोक्‍टेमे देल परमेस्‍वरके बरदान त अनन्‍त जिबन चियै जे अपनासबके परभु येसु खिरिस्‍टमे देनेछै।

रोमी 8:18

हमर बिचारमे अइ जिबनमे अपनासबके भोगल दुख अपनासबमे पछा परकट हैबला महिमासे तुलना करतै त, अखुनके दुख त ओइके अगा किछो नै चियै।

रोमी 9:23

उ अहैलेल अनङ करल्‍कै कि आपन दया करल लोकसबके महान महिमा देखाइले चाहल्‍कै। ओकर दया करल आ महिमाके लेल सुरुवेसे तैयार करल लोकसब हमसब चियै।

१ कोरन्‍थी 15:42

मरल लोकसब जीके उठतै त तहिनङ हेतै। जे देह बिनासमे गारैछै, उ नास नै हैबला देह ल्‍याके जिबित हैछै।

१ कोरन्‍थी 15:50

हे हमर पिरिय भाइ-भैयासब, हम तोरासबके यि बात कहैले चाहैचियौ, कि मासु आ लहुसे बनल अपनासबके देह परमेस्‍वरके राजके हकदार हैले नै सक्‍तै। तहिनङे नास हैबला देह कहियो नास नै हैबला देहके हकदार हैले नै सक्‍तै।

१ कोरन्‍थी 15:58

तैखातिर हे हमर पिरिय भाइ-भैयासब, बिस्‍बासमे बलगर आ अस्‍थिर रह। तुसब परभुके काममे बरहैत जो, कथिलेत तुसब जानैचिही कि परभुमे तोरासबके मेहनत बेरथ नै हेतौ।

गलाती 6:9

भलाइ करैले नै थाक, कथिलेत अइमे लागल रहबिही त, ठिक समयमे तकर कटनी करबिही,

एफिसी 6:24

परभु येसु खिरिस्‍टके परेम करैबला सङे परमेस्‍वरके अनुगरह सबदिन रहे।

कलस्‍सी 1:27

यि महान रहसके बात गैर-यहुदीयो लोकसब बुझे कैहके परमेस्‍वरके योजना चियै। यि रहसके बात एह्‍या चियै, खिरिस्‍ट तोरासबमे बास करैछौ, जे गौरबके आसा चियौ।

१ तिमोथी 1:17

जुगो-जुगके रजा, अमर, देखा नै परैबला एक मातरे परमेस्‍वरके आदर-भाव आ महिमा सबदिन हैते रहे। आमेन।

२ तिमोथी 1:10

जे अनुगरह आब हमरासबके मुक्‍तीदाता येसु खिरिस्‍ट एलासे परकट भेल छै। परभु येसु मिरतुके नास कैरके सुसमाचारमे अजर-अमर जिबन परकट करने छै।

हिबरु 2:7

अहाँ ओकरा कुछ समयके लेल स्‍वरगदुतसबसे कनहिकरा छोट बनेलियै। अहाँ ओकरा महिमा आ आदरके मुकुट लग्‍यादेनेचियै।

हिबरु 6:12

तुसब कोढिया नै बन, महज एहैन लोक जखा बन, जे बिस्‍बास आ धिरजसे परतिग्‍या करल चिज पाबैछै।

हिबरु 6:15

तब अबराहम धिरज कैरके असियेलै आ परमेस्‍वरके परतिग्‍या करल आसिस पाबल्‍कै।

१ युहन्‍ना 2:25

उ अपनासबके एकटा परतिग्‍या करने छै, उ परतिग्‍या अनन्‍त जिबन चियै।