रोमी 2:28 - मध्‍य पुरविया थारू

²⁸ बाहरके रुपसे मातरे यहुदी देखाबैबला लोक पक्‍का यहुदी नै हैछै। ओहिने देहमे करल बाहरके देखाबटी खतना पक्‍का खतना नै चियै।

रोमी 2:28 ပူးပေါင်းရင်းမြစ်များ

मतीके लिखल सुसमाचार 3:9

‘हमसब अबराहमके सन्‍तान भेलासे बाँच्‍बै’ कैहके नै सोच। कथिलेत हम तोरासबके कहैचियौ, परमेस्‍वर यि पथलोसे अबराहमके खातिर धियापुता जलमा सकैछै।

युहन्‍ना 1:47

नथानेलेके आपन दिसन आबैत देखके येसु कहल्‍कै, “देख, उ पक्‍के इजराएली चियै, ओकरमे कोनो छलकपट नै छै।”

रोमी 2:17

महज तुसब आपनेके यहुदी चियै कैहके बेबस्‍थामे भर परैचिही आ परमेस्‍वरके चिन्‍हैचियै कैहके घमन्‍ड करैचिही।

गलाती 6:15

नै त खतनाके कोनो महत्‍व छै, नै त बेखतनाके, महज मुल बात यि चियै कि परमेस्‍वर अपनासबके नया लोक बनाइनेछै।

एफिसी 2:11

एक समय तुसब केहेन छेल्‍ही, से याद कर। तुसब गैर-यहुदी परिबारमे जलमल छेल्‍ही आ देहमे खतना भेल यहुदीसब तोरासबके खतना नै करल गैर-यहुदी लोक कहैछेलौ।

१ पतरुस 3:21

वह्‍या पानी बप्‍तिस्‍माके एकटा रुप चियै, जे तोरासबके बचाबैछौ। यि देहके मैल उगारनाइ नै चियै, महज सुध बिबेकसे परमेस्‍वरमे करलगेल समरपनता चियै। यि मिरतुसे भेल येसु खिरिस्‍टके पुनरुथानसे तोरासबके बचाइछौ।

परकास 2:9

हमरा तोहर कस्‍ट आ तोहर गरिबी थाहछै। महज बास्‍तममे तु धनिक चिही। हम ओकरासबके चिन्‍हैचियै, जे आपनके यहुदी त चियै कहैछै, महज बास्‍तममे नै चियै। उसब तोहर बिरोध करल निन्‍दा हम जानैचियै। उसब त सैतानके लोकसब चियै।