रोमी 2:21 - मध्‍य पुरविया थारू

²¹ अनङ तुसब दोसरके सिखाइचिही, महज आपने कथिले नै सिखैचिही? तुसब दोसरके चोरी करैले नै हैछै कहैचिही, महज आपने कथिले चोरी करैचिही?

रोमी 2:21 ပူးပေါင်းရင်းမြစ်များ

मतीके लिखल सुसमाचार 21:13

तब येसु उसबके कहल्‍कै “पबितर धरमसास्‍तरमे एहेन लिखल छै, ‘हमर घर परथनाके घर कहाइतै।’ महज तुसब त अकरा डाकुसबके अड्‍डा बनाइने चिही।”

लुका 11:46

येसु जबाब देल्‍कै, “तु धरमगुरुवोसबके धिक्‍कार! कथिलेत बोकैयोसे बेसी भारी लोकसबके उपर तुसब लाध्‍हैचिही, महज तुसब आपन एकटा औङरीयो के दुख नै दैले चाहैचिही।

लुका 12:47

“आपन मालिकके इक्‍छा जाइनके तयार नै रहै आ करैबला काम नै करैछै तेहन मुखियाके मालिक सजायके भागिदार बनेतै।

लुका 19:22

तब उ रजा ओइ नोकरके कहल्‍कै, ‘ऐ ठक नोकर! आब हम तोरे मुहके बातसे हम तोहर इन्‍साफ करबौ। जे नै देनेचियौ से माङबौ आ जे नै रोपने चियै ओकरे काटैबला हम कठोर मनके लोक चियै से बात तु सोच्‍ने छेल्‍ही।

लुका 4:23

तब येसु ओकरासबके कहल्‍कै, “साँचोके तुसब हमरा यि फोकरा कहबिही, ‘ए बैध, तु अपने आपके निक कर।’ तोहे कफरनहुममे जे जतेक करलिही से हमरासबके सुन्‍ने छेलियौ, से आपने गाम-ठाममे कर।”

१ कोरन्‍थी 9:27

हम आपन देहके बसमे राखैके लेल तालिम द्‍याके खेलारी जखा अनुसासनमे राखैचियै। नै त औरोके परचार करलाके बाद हम आपने अयोग्‍य ठहरबै।

गलाती 6:13

कथिलेत खतना करैबलासब आपने बेबस्‍था पालन नै करैछै। उसब तोरासबके खतना कराबैले चाहैछौ, जैसे तोरासबके देहमे यी बेबस्‍थाके पालन कराके घमन्‍ड करैले सके।