रोमी 2:20 - मध्‍य पुरविया थारू

²⁰ तुसब मुरुख लोकसबके सल्‍लाहकार तब परमेस्‍वरके बारेमे किछो नै जानैबलासबके सिक्‍छक चियै कैहके सोचैचिही, कथिलेत बेबस्‍थामे भेल सब बुइध आ सत बात पाबनेचियै कैहके दाबी करैचिही।

रोमी 2:20 ပူးပေါင်းရင်းမြစ်များ

मतीके लिखल सुसमाचार 11:25

ओहै बखत येसु कहल्‍कै, “हे पिता स्‍वरग आ पिरथिबीके मालिक, हम अहाँके धन्‍यबाद चरहाइचियै, कथिलेत यि बातसब अहाँ बातसब बुधिमान आ बिदवान सबसे घोसाइरके राखलियै, महज बच्‍चासबमे परगट करलियै।

रोमी 2:19

तुसब, मनके आन्‍हर भेल लोकसबके डोरियाबैचियै कैहके धाख लगाइचिही। तुसब अन्‍हारमे चलैबलासबके लेल अपनाके इजोत सम्‍झैचिही।

रोमी 3:31

तब कि अपनासबके अहै बिस्‍बास दुवारा बेबस्‍थाके बेरथ कैरदेबै? कदापी नै! बरु हमसब बेबस्‍थाके साँचोके मानैचियै।

रोमी 6:17

परमेस्‍वरके धन्‍यबाद हेबे, तुसब एकचोटी पापके दास छेल्‍ही महज तुसब अखुन आपन परमेस्‍वरसे सिखाल सिक्‍छा हिरदयसे पालन करैचिही।

१ कोरन्‍थी 3:1

हे हमर भाइ-भैयासब, हम तोरासबसङे बोलैतखिना आत्‍मिक लोकसबसङे बाजल जखा बाजैले नै सकलियौ महज सन्‍सारके लोकसबसङे बाजल जखा बाजल छेलियौ। खिरिस्‍टमे भरखर बिस्‍बास करल छोट बचासबसङे बाजल जखा बोललियै।

२ तिमोथी 1:13

खिरिस्‍ट येसुमे भेल बिस्‍बास आ परेममे अस्‍थिर रैहके हमरसे सिखल्‍हा असल सिक्‍छाके तु नमुना बैनके लोकसबके सिखा।

२ तिमोथी 3:5

उसब भक्‍ती करैबला रुप धारन त करैछै महज भक्‍तीके भितरी सक्‍तीके सुइकार नै करैछै। एहेन लोकसबसे दुरे रह।

तितस 1:16

उसब परमेस्‍वरके जानैछै कैहके दाबी करैछै महज ओइसबके बेबहारसे उसब परमेस्‍वरके इन्‍कार करैछै से बात देखाइछै। उसब घिनलागैबला आ अटेरी हैछै आ कोनो असल काम करे लाएकके नै छै।

हिबरु 5:13

माँके दुध मातरे पियैबला बच्‍चे रहैछै आ उ परमेस्‍वरके बचनमे परिपक नै रहैछै ओहैसे असल आ खराब छुटयाबैले नै जान्‍ने रहैछै।

याकुब 3:1

हे हमर भाइ-भैयासब, तोरासबमेसे बहौत गोरा मन्‍डलीमे बचन सिखाइबला हैले नै खोज, कथिलेकी सिक्‍छा दैबलाके नियाय दोसर लोकसे बेसी कठोरसे हेतै से तुसब जानैचिही।

१ पतरुस 2:2

भरखरे जलमल बच्‍चासब दुधके चाहना करल जखा तुहुसब सुध आत्‍मिक बचनके लेल पियासल रह। वेहन करैत जेब्‍ही त तुसब मुक्‍तीमे बरहैत जेब्‍ही।