रोमी 2:10 - मध्‍य पुरविया थारू

¹⁰ महज असल काम करैबला हरेक लोकके, आदर, इज्‍जत आ सान्‍ती मिल्‍तै, पहिने यहुदी तब गैर-यहुदीसबके सेहो मिल्‍तै।

रोमी 2:10 ပူးပေါင်းရင်းမြစ်များ

मतीके लिखल सुसमाचार 10:13

यदी उ घरके लोकसब सान्‍ती पाबैके योग्‍यके छै त, तोरासबके सान्‍ती ओइ घरमे रहे महज यदी योग्‍यके नै छै त तोरासबके देल सान्‍ती तोरेसबसङे घुइमके एतौ।

लुका 1:79

अन्‍हारमे बैठलहा आ मिरतुके छाहमे परलाहासबके मुक्‍तीके इजोत देतौ आ हमरासबके सान्‍तीके रस्‍तामे ल्‍याजेतै।”

लुका 12:37

उ नोकरसब धैनके चियै, जब मालिक घर आबैछै त उसबके जागल देखैछै। साच्‍चे हम तोरासबके कहिचियौ, उ आपन डाँर कैसके ओकरासबके खियाइले बैठेतै आ आइबके सेबा करतै।

लुका 19:42

“कनङके सान्‍ती आबैछै से बात तु आइयोके जाइन लेतिही त हेतियौ! महज आबसे सब बात तोहर नजरसे दुर छौ।

लुका 22:14

जब भोज खाइबला समय भेलै तब येसु आपन बारहो परेरितसबसङे खाइले बैठलै।

लुका 9:48

आ चेलासबके कहल्‍कै, “जे कोइ हमर नामसे अइ बालकके सुइकार करतै, उ हमरा सुइकारतै, जे हमरा सुइकार करतै, उ हमरा पठाइबलाके सुइकार करतै। कथिलेत जे कोइ सबसे छोट छै, ओहे सबसे बरका हेतै।”

युहन्‍ना 12:26

जे हमर सेबा करैले चाहैछै उ हमर पछा आबे आ हम जते रहबै ओते हमर सेबक सेहो रहतै। जे कोइ हमर सेबा करैछै हमर पिता तकरा आदर करतै।

युहन्‍ना 14:27

“हम सान्‍ती तोरासबके छोइरदैचियौ, हम आपन सान्‍ती तोरासबके दैचियौ। सन्‍सारके देल जखा हम तोरासबके नै देबौ। तोरासबके मन बेचैन नै हेबे आ तुसब नै डरा।

युहन्‍ना 16:33

“हम तोरासबके यि बात अहै खातिर कहनेचियौ, कि हमरमे रैहके तोरासबके सान्‍ती हेबे। सन्‍सारमे तोरासबके सङकट हेतौ, महज साहस कर, हम सन्‍सारके जितलेने चियै।”

परेरित 10:35

महज कोनो जातीके लोक हेबे, असल काम करैबला आ ओकर डर मानैबलासबके परमेस्‍वर मन पराइछै।

रोमी 14:17

कथिलेत परमेस्‍वरके राज खाइ-पियैबला चिज नै, महज पबितर आत्‍मासे आबैबला धारमिकता, सान्‍ती आ आनन्‍द चियै।

रोमी 15:13

तुसब आसा दैबला परमेस्‍वरमे बिस्‍बास करनेचिही। ओह्‍या तोरासबके आनन्‍द आ सान्‍तीसे भैरदेबे। तहिनङे पबितर आत्‍माके सक्‍तिसे तोरासबके आसा बैढते जाय।

रोमी 2:7

जे लोकसब निरन्‍तर भलाइके काम कैरके आदर, इज्‍जत आ अनन्‍त जिबनके खोजी करैछै, ओइसबके परमेस्‍वर अनन्‍त जिबन देतै।

रोमी 2:9

खराब काम करैबला हरेक लोकमे दुख आ सङकट एतै, पहिने यहुदी तब गैर-यहुदीसबमे सेहो एतै।

रोमी 5:1

ओहैसे हमसब खिरिस्‍टमे बिस्‍बास करलाके कारन परमेस्‍वरके अगा धरमी ठहरलचियै आ अपनासबके परभु येसु खिरिस्‍ट दुवारा परमेस्‍वरसङे अपनासबके मिलाप भेलछै।

रोमी 8:6

पाप स्‍वभाबके इक्‍छामे चलैबला लोकके मिरतु हेतै, महज जे पबितर आत्‍मामे मन लगेतै, उ अनन्‍त जिबन आ सान्‍ती पाबतै।

रोमी 9:21

कुम्‍हार आपन सानल माटिसे आपन इक्‍छा अनुसार बरतन बनाइछै। कि माटिके एकटा ढेरिसे कोनोके एकदमसे काम लागैबला छनगर आ कोनोके साधारन काम लागैबला बनाबैके कुम्‍हारके आपन इक्‍छाके बात नै चियै से?

रोमी 9:23

उ अहैलेल अनङ करल्‍कै कि आपन दया करल लोकसबके महान महिमा देखाइले चाहल्‍कै। ओकर दया करल आ महिमाके लेल सुरुवेसे तैयार करल लोकसब हमसब चियै।

गलाती 5:22

महज पबितर आत्‍माके फलसब- परेम, आनन्‍द, सान्‍ती, धिरज, दया, भलाइ, बिस्‍वस्‍तता,

गलाती 5:6

खिरिस्‍ट येसुमे नै त खतनाके नै त बेखतना कोनो मोल छै। महज एकेटा बातके मोल छै, उ यि चियै, अपनासब बिस्‍बासके कारन एक-दोसरके परेम करैचियै।

फिलिप्‍पी 4:7

तब लोकके समझसे बाहर रहल परमेस्‍वरके सान्‍तीसे तोरासबके हिरदय आ मनके खिरिस्‍ट येसुमे रक्‍छा करतौ।

१ तिमोथी 1:17

जुगो-जुगके रजा, अमर, देखा नै परैबला एक मातरे परमेस्‍वरके आदर-भाव आ महिमा सबदिन हैते रहे। आमेन।

हिबरु 2:7

अहाँ ओकरा कुछ समयके लेल स्‍वरगदुतसबसे कनहिकरा छोट बनेलियै। अहाँ ओकरा महिमा आ आदरके मुकुट लग्‍यादेनेचियै।

याकुब 2:22

बिस्‍बास आ काम सङ-सङे रहैछै से बात नै देखलिही? ओकर आग्‍या पालनसे ओकर बिस्‍बास परमानित भेलै।

याकुब 3:13

तोरासबमेसे बुधिमान आ बुझहैबला लोक के छै? उ आपन असल चालचलनसे बुइधके नमरतासे निक काम कैरके देखाबे।

१ पतरुस 1:7

नास हैबला सोनाके आइगमे खाइरके सुध करल जखा तोरासबके बिस्‍बास ओहौसे मुल्‍यबान छौ। अहै खातिर तोरासबके बिस्‍बास सच ठहरे आ येसु खिरिस्‍ट परगट हैबला दिनमे परसन्‍सा, महिमा आ आदरके योग्‍य बने।

१ पतरुस 5:4

जब परधान चरबाहा परगट हेतै, तब तुसब सबदिन चम्‍कैबला मुकुट पाबबिही जकर सोभा कहियो नै घटतौ।