रोमी 16:9 - मध्‍य पुरविया थारू

⁹ खिरिस्‍टमे हमरसङे काम करैबला उरबानस आ हमर सङी स्‍ताखुसके सेहो हमर गोरलगी सुन्‍यादहै।

रोमी 16:9 ပူးပေါင်းရင်းမြစ်များ

रोमी 16:21

हमरसङे काम करैबला तिमोथी तोरासबके गोरलगी पठाइनेछौ। तहिनङ कैरके हमर यहुदी भाइसब लुकियस, यासोन आ सोसिपातरोस सेहो तोरासबके गोरलगी पठाइनेछौ।

रोमी 16:7

हमर सङी एनडरोनिकस आ युनियसके हमर गोरलगी सुन्‍यादहै। परेरितसबके बिचमे ओकरासबके नाम चलल छै आ हमरसे पहिने उसब खिरिस्‍टके बिस्‍बास करने छेलै। ओहोसब हमरसङे जहलमे छेलै।

रोमी 16:8

परभुमे हमर पिरिय सङी एम्‍प्‍लीआतसके हमर गोरलगी सुन्‍यादहै।

रोमी 8:11

यदि येसुके मरलसे जिबित करैबला परमेस्‍वरके पबितर आत्‍मा तोरासबमे बास करैछौ त, येसु खिरिस्‍टके मरलसे जिबित करैबला वह्‍या आत्‍मा तोरासबके नास हैबला देहके सेहो जिबन देतौ।

२ कोरन्‍थी 12:2

हम खिरिस्‍टमे बिस्‍बास करल एक गोरे लोकके चिन्‍हैचियै, जे चौद बरिससे पहिने तेसर स्‍वरगमे उठ्‍यालगेलै। उ देहमे या बिना देहमे उठ्‍यालगेलै, से हम नै जानैचियै, उ परमेस्‍वर मातरे जानैछै।

२ कोरन्‍थी 5:17

अहैलेल यदि कोइ खिरिस्‍टमे छै त उ लोक लया सिरिस्‍टी चियै। पुरना जिबन बितके चैलगेलै, देख, आब लया जिबन सुरु भेलछै।

गलाती 1:22

तै बखत तक यहुदिया परदेसमे भेल मन्‍डलीके भाइ-भैयासब कोइने हमरा देख्‍ने छेलै।

फिलिप्‍पी 2:25

आपनसबके भाइ, इपाफोरोडिटसके हम तोरासबलग पठाबैके आबसेक देखलियै। हमसब दुनु सङे-सङे काम करलियै आ सुसमाचार सुनाइबला काममे दुख भोगलियै। उ तोरेसबके दुत चियौ, जकरा हमर सहायताके लेल तुसब पठाइने छेल्‍ही।