रोमी 16:4 - मध्‍य पुरविया थारू

⁴ हमरा बचाबैले उसब आपन जिबन जोखिममे पारनेछेलै। ओइसबके हम मातरे नै महज सारा गैर-यहुदीयोके मन्‍डलीसब धन्‍यबाद दैछै।

रोमी 16:4 ပူးပေါင်းရင်းမြစ်များ

युहन्‍ना 15:13

साथि-सङीके लेल आपन परान देनाइसे बरका परेम औरो किछो नै छै।

परेरित 15:26

यि दुनुगोरा एहेन लोकसब चियै, जे परभु येसु खिरिस्‍टके सेबाके खातिर आपन जानो तकके परबाह नै करने छै।

परेरित 15:41

उसब सिरिया आ किलिकिया परदेसमे घुइम-घुइमके ओतेका बिस्‍बासीसबके बिस्‍बासमे मजगुत बनाइत गेलै।

परेरित 16:5

अहिनङे मन्‍डलीके लोकसब बिस्‍बासमे मजगुत हैतगेलै आ दिन-दिने बिस्‍बास करैबला लोकसब बरहैत गेलै।

परेरित 9:31

तकरबाद सारा यहुदिया, गालिल आ सामरियाके मन्‍डलीसबमे सताबटसे सान्‍ती भेलै। परभुके डर मानैत बिस्‍बासमे मजगुत भेलै। परमेस्‍वरके पबितर आत्‍माके जोस पाइबके मन्‍डलीसब बरहैत गेलै।

रोमी 16:3

हमर सङे-सङे येसु खिरिस्‍टके काम करैबला सङी पिरिस्‍किला आ अकिलासके हमर गोरलगी सुन्‍यादहै।

रोमी 16:5

ओइसबके घरमे भेला हैबला बिस्‍बासीसबके हमर गोरलगी सुन्‍यादहै। हमर पिरिय सङी, इपेनितसके सेहो गोरलगी सुन्‍यादहै। उ एसिया परदेसमे सबसे पहिने खिरिस्‍टमे बिस्‍बास करैबला लोक चियै।

रोमी 5:7

धरमी लोकके लेल मरैले चाहैबला लोक पाबैले कठिनछै। असल लोकके लेल कोइ-कोइ मरैले साहस करियोसकैछै।

१ कोरन्‍थी 16:1

यरुसलेममे रहल परमेस्‍वरके जनसबके लेल भेटी जम्‍मा करैके बिसयमे हम गलातियाके मन्‍डलीसबके जे कहने छेलियौ तहिनङे तुहुसब कर।

१ कोरन्‍थी 7:17

चाहे जे हेबे, परभु जकरा जनङके खटाइनेछौ आ जे बरदान देनेछौ, उ तहिनङके जिबन बिताबे। सब मन्‍डलीसबके लेल हमर नियम एह्‍या चियै।

फिलिप्‍पी 2:30

कथिलेकी उ खिरिस्‍टके काम करैके लेल मिरतुके मुहमे परल छेलै। तुसब हमर लेल पुरा करैले नै सकल सेबा उ पुरा करल्‍कै।

१ थेसलोनिकी 2:14

यि बात हमरासबके थाहछै भाइ-भैयासब कथिलेकी तोरासबके जे समस्‍या भेलौ उ समस्‍या यहुदियामे रहल परमेस्‍वरके मन्‍डली अरथात खिरिस्‍ट येसुमे बिस्‍बास करैबला लोकसबके भेलै। उसब आपन जाती यहुदीसे जनङ सताबट पाबल्‍कै तहिने तुहुसब आपने जातीके लोकसबसे सताबट पाबनेचिही।

१ युहन्‍ना 3:16

खिरिस्‍टके परेम हमसब जानैचियै कि उ अपनासबके खातिर आपन परान देल्‍कै। तैल्‍याके अपनोसबके आपन भाइके लेल आपन परान दैलेपरतै।

परकास 1:4

एसिया परदेसमे भेल सातटा मन्‍डलीसबके युहन्‍नाके गोरलगी, परमेस्‍वर जे छै, जे छेलै आ जे एतै आ ओकर सिंहासनके अगा रहैबला सातटा परमेस्‍वरके आत्‍मासे तोरासबके अनुगरह आ सान्‍ती मिले।