रोमी 16:26 - मध्‍य पुरविया थारू

²⁶ अकर बारेमे अनन्‍त परमेस्‍वरके आग्‍या अनुसार अगमबक्‍तासबके लिखल बात सब जातिके लोकसब लग अखुन परकट भेल छै ताकी उसब बिस्‍बास करे आ ओकर आग्‍या पालन करे।

रोमी 16:26 ပူးပေါင်းရင်းမြစ်များ

मरकुस 16:15

तब येसु उसबके कहल्‍कै, “जो आ सरा सन्‍सारमे ज्‍याके सरा सिरिस्‍टीके सब लोकसबके सुसमाचार परचार कर!

परेरित 10:43

सब अगमबक्‍तासब येसुके बारेमे गबाही देनेछै, जे कोइ ओकर उपर बिस्‍बास करतै ओइसबके पाप ओकर नाममे छमा हेतै।”

परेरित 6:7

अहिनङ परमेस्‍वरके बचन पसरैत गेलै। यरुसलेममे बिस्‍बासीसबके संख्‍या बरहैत गेलै। पुजारीसब मेसे बहुत गोरे बचनके सुइकार कैरके परभुमे बिस्‍बास करल्‍कै।

रोमी 1:2

जे सुसमाचार बहुत बरिस पहिने परमेस्‍वर देबै कैहके परतिग्‍या करने छेलै। अकरे बारेमे ओकर अगमबक्‍तासब पबितर धरमसास्‍तरमे लिखने छेलै।

रोमी 1:20

सन्‍सारके सिरिस्‍टी हैतकालसे ओकर बन्‍याल चिजसबसे लोकसब परमेस्‍वरके जानैले सक्‍तै। परमेस्‍वरके अनन्‍त सक्‍ती आ इस्‍वरीय स्‍वभावसब जखा नै देखाइबला गुनसब सेहो उसब सिरिस्‍टी करल चिजसबसे साफ-साफ बुझैले सक्‍तै। ओहैसे ओइसबके बहाना बनाबैबला कोनो कारन नै छै।

रोमी 1:5

अपनासबके परभु येसु खिरिस्‍ट दुवारा परमेस्‍वर अपनासबके अनुगरह कैरके परेरित बनेल्‍कै। सब जातीके लोकसब बिस्‍बास करे आ ओकर कहल बात माने कैहके हमरा ओकर नाउमे पठाइनेछै।

रोमी 15:18

येसु खिरिस्‍ट हमर जिबनसे करल कामके बारेमे मातरे हम बोलैले साहस करैचियै। उ हमर काम आ परचारसे गैर-यहुदीसब परमेस्‍वरके आग्‍यापालन करैले सिखनेछै।

रोमी 15:4

पबितर धरमसास्‍तरमे पहिने लिखल बातसब अपनासबके सिक्‍छा दैकेलेल छेलै। धरमसास्‍तरमे भेल बातसे अपनासबके सहैबला सक्‍ति आ हौसला दैछै ताकी अपनासबके आसा बनल रहे।

रोमी 3:21

महज अखुन बेबस्‍था पालन नै कैरके परमेस्‍वर लोकसबके धरमी ठहराइबला बाट देखाइनेछै। अकर बारेमे बेबस्‍थाके किताब आ अगमबक्‍तासब गबाही देनेछै।

गलाती 3:8

परमेस्‍वर अबराहमके कहल्‍कै, “तोरेसे पिरथिबीके सब जातिके लोकसब आसिस पाबतै।” अनङ परमेस्‍वर गैर-यहुदीसबके बिस्‍बाससे धरमी ठहराइतै कैहके पबितर धरमसास्‍तर पहिनेसे असल समाचार सुनाइने छेलै।

एफिसी 1:9

ओकरे सब ग्‍यान आ बुइधमे परमेस्‍वर खिरिस्‍टमे पुरा करबै कैहके सोचलहा गुप्‍त योजनो अपनासबके देखाइल्‍कै।

एफिसी 2:20

परेरित आ अगमबक्‍तासबके खुनल जगमे बनल घर तुसब चिही। यि जगके मुल खम्‍हा येसु खिरिस्‍ट आपने चियै।

कलस्‍सी 1:26

यि बात जुगो-जुग आ पुस्‍तो-पुस्‍ताके लोकसब बुझैले नै सकल छेलै महज आब उ खिरिस्‍टके पबितर जनसबके परकट कैरदेनेछै।

१ तिमोथी 1:17

जुगो-जुगके रजा, अमर, देखा नै परैबला एक मातरे परमेस्‍वरके आदर-भाव आ महिमा सबदिन हैते रहे। आमेन।

१ तिमोथी 3:16

परमेस्‍वरके परकट करल सत्‍यके सन्‍देस अचमके चियै आ अकरा कोइ नै इन्‍कार करे सक्‍तै। खिरिस्‍ट मानब बैनके परगट भेलै आ पबितर आत्‍मासे धरमी ठहरल गेलै। स्‍वरगदुतसब ओकरा देखल्‍कै आ जाती-जातीके बिचमे ओकर बारेमे परचार भेलै। सन्‍सारमे लोकसब ओकरा बिस्‍बास करल्‍कै आ उ महिमाके सङे स्‍वरगमे उठ्‍यालगेलै।

२ तिमोथी 1:10

जे अनुगरह आब हमरासबके मुक्‍तीदाता येसु खिरिस्‍ट एलासे परकट भेल छै। परभु येसु मिरतुके नास कैरके सुसमाचारमे अजर-अमर जिबन परकट करने छै।

हिबरु 13:8

येसु खिरिस्‍ट काइल, आजु आ सबदिन एकसमान रहैछै।

हिबरु 9:14

खिरिस्‍टके लहुसे औरो कतेक बेसीसे तोरासबके बिबेकके मरल कामसबसे सुध करतौ ताकि तुसब जिबित परमेस्‍वरके सेबा करैले सक। कथिलेत उ अनन्‍त आत्‍मासे आपनेके दाग नै लागल बलिके रुपमे परमेस्‍वरके अरपन करल्‍कै।

१ युहन्‍ना 5:20

अपनासब जानैचियै कि परमेस्‍वरके बेटा आइबगेल छै आ सत परमेस्‍वरके चिन्‍हैले उ अपनासबके समझसक्‍ती देने छै। हमसब ओकर बेटा येसु खिरिस्‍टमे भेलासे सत परमेस्‍वरमे चियै। ओह्‍या सत परमेस्‍वर आ अनन्‍त जिबन चियै।

परकास 1:17

ओकरा देखके हम मरल जखा भेलियै आ ओकर टाङमे खैस परलियै। तखन उ हमर मुरमे दहिना हाथ राखैत कहल्‍कै, “नै डेरा, सुरु आ अन्‍त हम्‍ही चियै।

परकास 19:10

तब हम ओकरा आराधना करैले ठेङहुनिया देलियै महज उ हमरा कहल्‍कै, “तु एहेन नै कर। हम त तोहर आ तोहर भाइ-भैयासबसङे येसुके गबाही दैबला परमेस्‍वरके सेबक मातरे चियै। परमेस्‍वरके मातरे आराधना कर। कथिलेत जे कोइ परभु येसु खिरिस्‍टके गबाही दैछै ओकरा परमेस्‍वरसे अगमबक्‍तासबके हौसला दैछै।”