रोमी 16:25 - मध्‍य पुरविया थारू

²⁵ आब अपनासबके परमेस्‍वरके आदर आ सम्‍मान हेबे। हमर करल खिरिस्‍टके सुसमाचार परचारसे उ तोरासबके बिस्‍बासमे बलगर बनाइले सकलछै। येसु खिरिस्‍टके बारेमे हमर करल परचार, जे जुगो-जुगसे घोसाइरके राखल छेलै, आब परकट भेलछै।

रोमी 16:25 ပူးပေါင်းရင်းမြစ်များ

मतीके लिखल सुसमाचार 13:17

हम तोरासबके साँचोके कहैचियौ, तोरासबके देखलहा आ सुनलहा बातसब बहुतो अगमबक्‍ता आ धरमी लोकसब देखैके आ सुनैके इक्‍छा करने छेलै। महज उसब देखैयोले आ सुनैयोले नै पाबल्‍कै।

मतीके लिखल सुसमाचार 13:35

तब अहिनङे अगमबक्‍ताके कहल बचन पुरा भेल छै- “हम तोरासबसे खिसामे बात करबौ आ सन्‍सार सिरिस्‍टीके सुरुवेसे जे बातसब झापल छेलौ से बात हम कहबौ”।

मतीके लिखल सुसमाचार 20:7

उसब जबाब देल्‍कै, ‘हमरासबके अखुनतक कोइ नै बारीमे काम करैके लेल अरहाइल्‍कै।’ उ गिरहत ओइसबके कहल्‍कै, ‘तुहुसब हमर अङगुर बारीमे ज्‍याके काम कर।’

परेरित 20:32

“आब हम तोरासबके परमेस्‍वरके जिम्‍मा आ ओकर अनुगरहके बचनमे सौपदैचियौ, जैसे तोरासबके बिस्‍बासमे मजगुत बनाइले सक्‍तौ आ पबितर करल लोकसबके सङे उतराधिकार दैले सक्‍तौ।

परेरित 9:20

तब उ तुरन्‍ते सभाघरसबमे ज्‍याके परचार करे लाग्‍लै, “येसुवे परमेस्‍वरके बेटा चियै।”

रोमी 11:25

हे हमर भाइ-भैयासब, हम तोरासबके एकटा रहसके बात थाह हेबे कैहके चाहैचियौ। उ बात तोरासबके थाह हेतौ त तुसब आपनेके बुधिमान ठाइनके घमन्‍ड नै करबिही। उ रहसके बात यि चियै कि, खिरिस्‍टमे आबैबला गैर-यहुदीसब बिस्‍बास नै करैतक बहुतो इजराएलीसबके हिरदय कठोर हेतै।

रोमी 14:4

दोसरके नोकरके दोख लगाइबला तु के चिही? उ त ओकर मालिक आपन नोकर असल या खराब काम करल्‍कै कैहके नियाय करतै। परभुवे आपन नोकरके असल काम करैले सहायता करतै कथिलेत ओकरा सहायता करैबला सक्‍ति परभुमे छै।

रोमी 16:24

[अपनासबके परभु येसु खिरिस्‍टके अनुगरह तोरासबसङे सबदिन रहे। आमेन।]

रोमी 2:16

यि बातसब ओइ दिन हेतै जै दिन परमेस्‍वर हमर करल सुसमाचार परचार अनुसार येसु खिरिस्‍ट दुवारा लोकसबके हिरदयमे रहल गुप्‍त बातसबके नियाय करतै।

१ कोरन्‍थी 1:23

महज हमसब त कुरूसमे टाङल खिरिस्‍टेके परचार करैचियै, जे यहुदी लोकसबके लेल ठेस लागैबला बात चियै आ गैर-यहुदीसबके लेल मुरुख बात चियै।

१ कोरन्‍थी 2:7

महज हमसब त परमेस्‍वरके गुप्‍त आ घोसारल ग्‍यानके परचार करैचियै, जे सिरिस्‍टी हैसे पैहनिए परमेस्‍वर अपनासबके महिमाके खातिर नियुक्‍त करने छेलै।

१ कोरन्‍थी 4:1

तुसब हमरासबके खिरिस्‍टके सेबकसब आ परमेस्‍वरके रहसके बात परकट करैबला सम्‍झैले परतौ।

२ कोरन्‍थी 4:3

यदि हमरासबके करल सुसमाचार परचार झापल छै त, उ ओइसबके लेल झापल छै, जेसब नास हैले ज्‍यारहलछै।

२ कोरन्‍थी 4:5

हमसब आपने बारेमे परचार नै करैचियै, महज येसुके खातिर हमसब तोरासबके सेबक भ्‍याके, येसु खिरिस्‍टे परभु चियै कैहके परचार करैचियै।

गलाती 2:2

हमरा ओते जाइले परतै कैहके परमेस्‍वरके देख्‍याल अनुसार हम ओते गेलियै। हम ओते रहैबखत मन्‍डलीके मुल अगुवा मानलसबके एकान्‍तमे भेटघाट करलियै आ जे सुसमाचार हम गैर-यहुदीसबके सुनाइने छेलियै से बात सहि छै कैहके ओकरासबके परस्‍ट बत्‍यादेलियै। नै त हमर करल आ कैररहल काम बेरथ हेतै।

एफिसी 1:9

ओकरे सब ग्‍यान आ बुइधमे परमेस्‍वर खिरिस्‍टमे पुरा करबै कैहके सोचलहा गुप्‍त योजनो अपनासबके देखाइल्‍कै।

एफिसी 3:11

परमेस्‍वर यि बात आपन अनन्‍त योजनाके अनुसार अपनासबके परभु येसु खिरिस्‍टमे पुरा करल्‍कै।

एफिसी 3:9

सब चिजके सिरिस्‍टी करैबला परमेस्‍वरमे जुगो-जुगतक घोसाइरके राखल रहसके योजना कि चियै, से बात सबलोकके खुलस्‍त रुपमे बताइबला काम हमरा देने छै।

एफिसी 6:19

हमरो खातिर परथना कर। जखुन हम बाजैके लेल आपन मुह खोल्‍बै तखुन परमेस्‍वर हमरा बचन देबे आ हम निडर भ्‍याके सुसमाचारके रहस दोसरके बुझ्‍हाबे सकी।

कलस्‍सी 2:2

हम अनङ करनेचियै ताकी ओइसबके हिरदयमे साहस मिले आ परेममे सङे जुरल रहे। अनङ हेतै त उसब आत्‍मिक रुपसे एकदमसे धनिक भ्‍याके परमेस्‍वरके रहसके ग्‍यान जे येसु खिरिस्‍ट चियै ओकरा पुरा रुपसे बुझैले सक्‍तै।

कलस्‍सी 4:3

खिरिस्‍टके रहसके बात लोकसबके परचार करैले परमेस्‍वर केबार उघाइरदेबे कैहके हमरासबके लेल सेहो परथना कर। अहै रहसके परचार करैके कारनसे हम जहलमे परल चियै।

१ थेसलोनिकी 3:13

ओकर परेमसे तोरासबके मन नै डगमगाबे ताकि जब अपनासबके परभु येसु जहिया आपन पबितर जन सङे एतै तै बखत आपन परमेस्‍वर आ पिताके सामने तुसब पबितर आ निरदोस पाबे से हमरासबके परथना चियै।

२ थेसलोनिकी 2:14

अहै खातिर अपनासबके सुनाएल सुसमाचारसे परमेस्‍वर तोरासबके बोलाइल्‍कौ। हमरासबके परभु येसु खिरिस्‍टके महिमा तोरोसबके मिले कैहके उ तोरासबके बोलाइनेछौ।

२ थेसलोनिकी 3:3

महज परभु बिस्‍बास योग्‍य छै आ उ तोरासबके बौकार बनेतौ आ सैतानसे बचेतौ।

२ तिमोथी 1:9

परमेस्‍वरे हमरौरके बचेल्‍कै आ आपन पबितर बोलाबटसे बोलाइल्‍कै। हमरौरके काम देखके नै, महज उ आपन इक्‍छा आ अनुगरहसे करने छै, जे उ खिरिस्‍ट येसुमे जुगो-जुग पहिनेसे हमरासबके देने छेलै।

२ तिमोथी 2:8

मैरके जिबित भ्‍याल रजा दाउदके बंसके येसु खिरिस्‍टके याद कर। कथिलेत हमर परचार करल सुसमाचार एह्‍या चियै।

तितस 1:2

उ बिस्‍बास आ ग्‍यान अनन्‍त जिबन पाबैके आसमे अरल छै, यि जिबन कहियो झुठ नै बोलैबला परमेस्‍वर सन्‍सार सिरिस्‍टी हैसे पहिने अपनासबके दैले परतिग्‍या करने छेलै।

हिबरु 7:25

अहैलेल येसुमे बिस्‍बास कैरके परमेस्‍वरके लग आबैबलासबके उ सबदिन उधार करैले सकैछै, कथिलेत ओइसबके लेल परमेस्‍वरसङे परथना करैले सबदिन जिबितछै।

१ पतरुस 1:20

परमेस्‍वर सन्‍सारके सिरिस्‍टी करैसे पैहनिए ओकरा चुन्‍ने रहै महज तोरासबके भलाइके खातिर अन्‍तिम समयमे उ परगट भेलै।

१ पतरुस 5:10

तुसब कुछ समय कस्‍ट भोग्‍लाके बाद, अनुगरहसे भरल अपनासबके परमेस्‍वर, जे तोरासबके खिरिस्‍टमे अनन्‍त महिमामे सहभागी हैकेलेल बोलाइनेछौ। उ आपनेसे तोरासबके फेनसे अस्‍थापना करतौ, सिध करतौ, बलगर बनाके अस्‍थिर कराइतौ।

परकास 10:7

महज जब सातमा स्‍वरगदुत आपन तुरही फुक्‍तै तब परमेस्‍वर आपन सेबक अगमबक्‍तासबके कहल रहसके योजना पुरा हेतै।”