रोमी 16:2 - मध्‍य पुरविया थारू

² हम तोरासबके बिन्‍ती करैचियौ कि, ओकरा परमेस्‍वरके एकटा पबितर जन जखा परभुके नाममे स्‍वागत कर। तुसब सके जतहेक ओकर जरुरतमे सहायता कर, कथिलेत उ बहुतो लोकके आ हमरो सहायता करने छै।

रोमी 16:2 ပူးပေါင်းရင်းမြစ်များ

मतीके लिखल सुसमाचार 25:40

तैपर रजा ओइसबके जबाफ देतै, ‘साँचे हम तोरासबके कहैचियौ कि, जे कुछो तुसब यि भाइसबमेसे सबसे छोटके लेल करलिही, उ हमरे करलिही।’

परेरित 9:13

महज हननिया कहल्‍कै, “परभु, यि लोक यरुसलेममे अहाँके चेलासबके बहौत दुख देनेछै से हम बहौत लोकसबसे सुन्‍नेचियै।

परेरित 9:15

महज परभु ओकरा कहल्‍कै, “जो, कथिलेकी साउल गैर-यहुदीसब, रजासब आ इजराएलीसबके सामने हमर नामके परचार करैबला उ हमर छानल लोक चियै,

परेरित 9:36

योप्‍पा सहरमे एकटा तबिता नामके जनी बिस्‍बासी रहै, जकरा गिरिक भसामे “डोरकस” कहैछेलै। (जकर मतलब हरिनी चियै।) उ असल काम आ गरिबसबके दान द्‍याके हरदम सहयोग करैछेलै।

परेरित 9:39

तब पतरुस उइठके ओइसबसङे गेलै। ओते पहुचलाके बाद उसब ओकरा उपरका कोठलीमे ल्‍यागेलै। बिधवासब ओकर लगमे ठार भ्‍याके काने लाग्‍लै आ डोरकसमे ओइसबसङे रहैत बखत बन्‍याल कुरता आ औरो बस्‍तरसब देखेल्‍कै।

परेरित 9:41

पतरुस तबिताके हाथ पकैरके उठेल्‍कै। तब बिस्‍बासीसब आ बिधुवासबके बोलाइल्‍कै आ ओइसबके जिते छै कैहके देखेल्‍कै।

रोमी 15:7

जहिनङ खिरिस्‍ट परमेस्‍वरके महिमाके खातिर तोरासबके सुइकार करनेछौ तहिनङे तुहुसब एक-दोसरके सुइकार कर।

रोमी 16:15

फिलोलोगस, युलिया, नेरियस आ ओकर बहिनके, आ ओलिम्‍पास आ ओकरसङे भेल सब खिरिस्‍टके पबितर जनसबके हमर गोरलगी सुन्‍यादहै।

रोमी 16:23

हमरा आ पुरे मन्‍डलीके आपन घरमे स्‍वागत करैबला गायस सेहो तोरासबके गोरलगी कहनेछौ। यि सहरके कोसाध्‍यक्‍छ इरास्‍तस आ अपनासबके भाइ क्‍वारटस सेहो तोरासबके गोरलगी पठाइनेछौ।

रोमी 16:6

तोरासबके लेल जिजान लग्‍याके काम करैबाली मरियमके सेहो गोरलगी सुन्‍यादहै।

रोमी 16:9

खिरिस्‍टमे हमरसङे काम करैबला उरबानस आ हमर सङी स्‍ताखुसके सेहो हमर गोरलगी सुन्‍यादहै।

एफिसी 5:3

खिरिस्‍टके पबितर जनसब भेलासे तोरासबके बिचमे बेबिचार, सब किसिमके असुध बात आ लोभ-लालचके नाम लैले नै सुहाबैछै।

फिलिप्‍पी 1:27

मुख बात यह्‍या चियै कि तोरासबके चाल-चलन खिरिस्‍टके सुसमाचार अनुसार सोहाइबला हेबे। हम चाहे तोरासबके भेट-मुलकात करी, चाहे दुर रही तुसब एकेटा उदेस्‍य ल्‍याके अस्‍थिर चिही आ एकेटा मन भ्‍याके सुसमाचारके बिस्‍बासके लेल मेहनत कैररहल चिही कैहके हम सुनैले पाबी।

फिलिप्‍पी 2:29

परभुमे ओकरा भाइ समैझके खुसिसाथ स्‍वागत कर आ एहेन लोकसबके आदर करैले परैछै।

कलस्‍सी 4:10

हमरे सङे जहलमे रहलहा अरिस्‍तारखस तोरासबके गोरलगी पठाइनेछौ। बरनाबासके नातामे परैबला मरकुस सेहो गोरलगी पठाइनेछौ। ओकर बारेमे पहिने हम तोरासबके कैहदेनेचियौ, उ एतौ त असलसे स्‍वागत करिहे।

१ तिमोथी 2:10

बरु असल कामसे सुसोभित हेबे, जे परमेस्‍वरके भक्‍ति करैबला जनिसबके सोहाबैछै।

२ तिमोथी 1:18

परभु आबैबला दिनमे ओनेसिफरसके परभु किरपा करबै। तोरा निक जखा थाह छौ, एफिससमे उ हमरा बहौत सेबा करने रहै।

तितस 2:3

तहिनङे, बुढ जनिसबके परमेस्‍वरके आदर हैबला असल चालचलनके जिबन जियैके लेल सिखा। उसब बिना कारन ककरो निन्‍दा नै करे आ निसाबला चिजके बसमे नै परे बरु जे चिज असल छै उ औरो दोसर गोराके सिखाबे।

फिलेमोन 1:12

ओनेसिमस, जे हमर हिरदयके टुकरा चियै, हम ओकरा फेनसे तोहर लग पठारहल चियौ।

फिलेमोन 1:17

ओहैसे तु हमरा आपनसङे काम करैबला सम्‍झैचिही त हमरे जखा ओकरो स्‍वागत कर।

२ युहन्‍ना 1:10

यदि कोनो लोक तोरासबलग आइबके एहैन सिक्‍छा नै सिखाइछौ त ओइसबके देहरीयोमे टपैले नै दहै आ गोरलगीयो नै कर।