रोमी 15:19 - मध्‍य पुरविया थारू

¹⁹ उसब परमेस्‍वरके आत्‍माके सक्‍ती, अचमके चेन्‍हासब आ कामसब दुवारा बिबस करलगेल छेलै। अहिनङे हम यरुसलेमसे इल्‍लुरिकन परदेसतक पुरे खिरिस्‍टके सुसमाचारके परचार करने चियै।

रोमी 15:19 ပူးပေါင်းရင်းမြစ်များ

मतीके लिखल सुसमाचार 12:28

महज हम परमेस्‍वरके आत्‍मासे भुतसब निकालैचियौ त परमेस्‍वरके राज तोरासबमे आइबगेलछौ से जान।

युहन्‍ना 4:48

येसु ओकरा कहल्‍कै, “तुसब जाबे तलिक अजगुतके कामसब आ चेन्‍हासब नै देखबिही ताबे तलिक कहियो नै बिस्‍बास करबही।”

परेरित 1:8

महज पबितर आत्‍मा तोरासबके उपर एतौ तब तुसब सक्‍ती पाबबिही आ यरुसलेममे, सरा यहुदिया इलाकामे, सामरिया इलाकामे आ पिरथिबीके अन्‍ततक हमर साक्‍छी हेब्‍ही।”

परेरित 13:14

महज उसब परगासे निकैलके पिसिदियाके एन्‍टिओखिया सहरमे एलै। ओते उसब बिसराम दिनमे यहुदीसबके सभाघरमे ज्‍याके रहलै।

परेरित 13:51

महज पावल आ बरनाबास आपन टाङके गरदा ओइसबके बिरोधमे झाइरके आइकोनियन सहर दिसन चैलगेलै।

परेरित 14:10

आ जोरसे अबाज निकाइलके कहल्‍कै, “तोहर टाङके भरमे ठार हो!” तब उ लोक सुनैत मातर उइठके चलेलाग्‍लै।

परेरित 14:20

महज जब ओते बिस्‍बासीसब ओकर कात-करौतमे जम्‍मा भेलै तब उ उइठके सहर दिसन गेलै। तकर बिहानके उ आ बरनाबास सङे निकैलके डरबी चैलगेलै।

परेरित 14:25

ओहै परदेसके परगा सहरमे सुसमाचार सुन्‍याके उसब अटालिया सहरमे गेलै।

परेरित 14:6

महज यि बात पावल आ बरनाबास बुझ लेल्‍कै, तब तुरन्‍त लुकोनिया इलाकाके लुस्‍तरा आ डरबीके सहर दिसन भाइगके गेलै,

परेरित 15:12

सभाके सबलोक चुप भेलै जब बरनाबास आ पावल ओइसबके परमेस्‍वर केहन-केहन आस्‍चरजके चेन्‍हा आ कामसब गैर-यहुदीसबके बिचमे ओइसबसे करने छै कहल्‍कै।

परेरित 16:18

उ छौरी बहौत दिनतक ओहिनङ करैत रहलै। बादमे पावल एक दिन दिक्‍क भ्‍यागेलै तब ओकर दिसन घुइमके भुत आत्‍माके कहल्‍कै, “हम येसु खिरिस्‍टके नाममे हम तोरा आग्‍या दैचियौ, तु यि छौरीसे निकैलके चैलजो।” पावल यि बात कहैत मातर उ भुत आत्‍मा ओइ छौरीसे निकैलके चैलगेलै।

परेरित 17:10

ओहै दिन अन्‍हार हैत परभुमे बिस्‍बास करैबला भाइ-भैयारीसब पावल आ सिलासके बेरिया सहरमे पठाइल्‍कै। ओते पुग्‍लाकेबाद उसब यहुदी सभाघरमे गेलै।

परेरित 17:15

पावलके पुगाइले जाइबलासब ओकरा एथेन्‍स तक पुगादेल्‍कै। ओते पुइगके पावल ओइसबके हाथे सिलास आ तिमोथी सकभर जल्‍दीए आबे कैहके खबर पठाइल्‍कै।

परेरित 18:1

तकरबाद पावल एथेन्‍स सहर छोइरके कोरिन्‍थ सहरमे गेलै।

परेरित 18:19

जब उसब एफिसस सहरमे पहुचलै तब पावल पिरिस्‍किला आ अकिलासके ओते रहैले छोइरदेल्‍कै। तकरबाद पावल एफिससके सभाघरमे ढुइकके यहुदीसबसङे बात-चित करे लाग्‍लै।

परेरित 19:1

जखुन अपोल्‍लोस कोरिन्‍थ सहरमे छेलै तखुन पावल एसिया इलाकाके बिच रस्‍ता हैत एफिसस सहरमे पुग्‍लै। ओते उ बिस्‍बासीके भेटलै।

परेरित 20:20

तोरासबके सहायता हैबला कामसब सब लोकसबके बिचमे परचार करैले आ तोरासबके घर-घरमे सेहो ज्‍याके सिक्‍छा दैले नै छोरलियौ।

परेरित 20:6

तब हमसब अखमिरी रोटी पाबैनके बाद फिलिप्‍पी सहरसे बिदा भ्‍याके पानी जहादके यातरा कैरके पाँच दिनमे तरोआस सहरमे पहुचलियै आ ओते हमसब सात दिनतक रहलियै।

रोमी 15:13

तुसब आसा दैबला परमेस्‍वरमे बिस्‍बास करनेचिही। ओह्‍या तोरासबके आनन्‍द आ सान्‍तीसे भैरदेबे। तहिनङे पबितर आत्‍माके सक्‍तिसे तोरासबके आसा बैढते जाय।

रोमी 15:16

आ हमरा गैर-यहुदीसबके सुसमाचार सुनाइले खिरिस्‍टके सेबक बनाइनेछै। जनङ पुजारी परमेस्‍वरके अगा मनपरैबला भेटी चरहाबैछै तहिनङे हम्‍हु पुजारीके सेबा पुरा करैचियै। गैर-यहुदीसबके परमेस्‍वर लग लाबैले आ उसब पबितर आत्‍मासे सुध भ्‍याके परमेस्‍वरके मनपरैबला भेटी हेबे कैहके हम परमेस्‍वरके सुसमाचार सुनाबैचियै।

रोमी 15:24

ओहैसे हम इस्‍पेन परदेस जाइबखत बाटेमे तोरासबके भेटैके आसा करनेचियौ आ कुछ समय तोरासबसङे बिताबैके इक्‍छा करनेचियै। तब हमरा तुसब इस्‍पेन परदेस जाइले सहायता करबिही से आसा हम करनेचियौ।

१ कोरन्‍थी 2:4

हमर सिक्‍छा आ परचार घत लागैबला बुइधके बरका-बरका बातसब नै बाजलियै, महज पबितर आत्‍माके सक्‍तीके सबुत द्‍याके हम परचार करलियै,

२ कोरन्‍थी 12:12

हम पुरा धिरजकेसाथ सक्‍तिसाली आ अचमके कामसब कैरके तोरासबके बिचमे खिरिस्‍टके परेरित भेल परमान देनेचियौ।

गलाती 3:5

परमेस्‍वर तोरासबके पबितर आत्‍मा देल्‍कौ आ तोरासबके बिचमे अजगुतके कामसब करल्‍कौ। कि तुसब बेबस्‍था पालन कैरके भेलौ? ओनङ त नै महज सुसमाचार सुइनके बिस्‍बास करलासे भेलौ।

कलस्‍सी 1:25

परमेस्‍वर हमरा तोरासबके भलाइके खातिर सेबक बनाइनेछै आ ओकर बचन पुरा-पुरी परचार करैके जिम्‍मा देनेछै।

१ थेसलोनिकी 1:5

कथिलेकी जे सुसमाचार हमसब सुनेलियै उ सब्‍द मातरे नै महज सक्‍तीके साथ, पबितर आत्‍माके साथ आ पुरे निस्‍चयताके साथ एलै। जखन हमसब तोरासबके सङे रहलियै त केहेन चालचलनके जिबन जिलियै से तोरासबके थाहे छौ।

२ तिमोथी 4:17

तैयो परभु हमरसङे रैहके हमरा सक्‍ती देल्‍कै। तहैले हम गैर-यहुदी लोकसबके परमेस्‍वरके सुसमाचार निकसे सुनाबे सकलियै। अहिनङे परभु हमरा सिंहके मुहसे बचेल्‍कै।

हिबरु 2:4

परमेस्‍वर बहुतरा चेन्‍हासब देखाके बहुत किसिमके आस्‍चरजके कामसब आ सक्‍तीसाली कामसब करैत उ आपन इक्‍छा बमोजिम पबितर आत्‍माके दान-बरदानसब द्‍याके यि बातके गबाही देल्‍कै।

१ पतरुस 1:12

तै बखत अगमबक्‍तासबके करलहा यि सेबा ओइसबके फाइदाके खातिर नै महज तोरेसबके खातिर चियौ कैहके परमेस्‍वर ओइ अगमबक्‍तासबके देखाइने छेलै। यि बात स्‍वरगसे पठेल्‍हा पबितर आत्‍माके सक्‍तीसे सुसमाचार सुनाबैबला दुवारा अखैन तोरासबके घोसना करनेछौ। यि बात स्‍वरगदुतोसब जानैले चाहैछै।