रोमी 15:18 - मध्‍य पुरविया थारू

¹⁸ येसु खिरिस्‍ट हमर जिबनसे करल कामके बारेमे मातरे हम बोलैले साहस करैचियै। उ हमर काम आ परचारसे गैर-यहुदीसब परमेस्‍वरके आग्‍यापालन करैले सिखनेछै।

रोमी 15:18 ပူးပေါင်းရင်းမြစ်များ

मतीके लिखल सुसमाचार 25:16

पाँचटा सोनाके डलर पाबैबला नोकर तुरन्‍त बेपारमे लगाइल्‍कै आ ओहैसे पाँचटा औरो सोनाके डलर कमाइल्‍कै।

मरकुस 16:20

तब चेलासब सब ठामसबमे ज्‍याके परचार करल्‍कै। परभु उसबके मदत करल्‍कै आ अचममे कामसबसे ओकरासबके बचनमे सत छै कैहके ठहरेल्‍कै।]

परेरित 14:27

बरनाबास आ पावल एन्‍टिओखियामे पुग्‍लै तब ओते मन्‍डलीके सब बिस्‍बासीके बोलाइल्‍कै। तब ओइसबके सुनाइल्‍कै जे परमेस्‍वर ओकरासबसङे केहन-केहन काम करल्‍कै आ कनङके उ गैर-यहुदीसबके खातिर बिस्‍बासके केबार खोइलदेल्‍कै।

परेरित 15:12

सभाके सबलोक चुप भेलै जब बरनाबास आ पावल ओइसबके परमेस्‍वर केहन-केहन आस्‍चरजके चेन्‍हा आ कामसब गैर-यहुदीसबके बिचमे ओइसबसे करने छै कहल्‍कै।

परेरित 15:4

जब उसब यरुसलेममे पहुचलै तब ओइसबके ओतेका मन्‍डली, परेरितसब आ मन्‍डलीके रेखदेख करैबलासब स्‍वागत करल्‍कै। तब बरनाबास आ पावल ओइसबके सुनाबे लाग्‍लै जे परमेस्‍वर ओकरासबसे केहन-केहन कामसब करने छै।

परेरित 21:19

पाबल ओइसबके गोरलगी करलाके बाद ओकर सेबकाइसे गैर-यहुदीसबके बिचमे सुसमाचार परचार करैबखत परमेस्‍वर केहन-केहन काम करल्‍कै, से सब बात ओकरासबके कहल्‍कै।

परेरित 26:20

पहिने दमस्‍कस आ यरुसलेममे तब सारा यहुदिया परदेसमे आ आनजातसबके सेहो हम ज्‍याके परचार करलियै कि आपन-आपन पाप माइनके पस्‍चाताप कैरके परमेस्‍वरमे बिस्‍बास करु आ आपन कामसबसे हिरदय परिबरतन भेल परमान देखाबैले सिखेलियै।

रोमी 1:5

अपनासबके परभु येसु खिरिस्‍ट दुवारा परमेस्‍वर अपनासबके अनुगरह कैरके परेरित बनेल्‍कै। सब जातीके लोकसब बिस्‍बास करे आ ओकर कहल बात माने कैहके हमरा ओकर नाउमे पठाइनेछै।

रोमी 16:26

अकर बारेमे अनन्‍त परमेस्‍वरके आग्‍या अनुसार अगमबक्‍तासबके लिखल बात सब जातिके लोकसब लग अखुन परकट भेल छै ताकी उसब बिस्‍बास करे आ ओकर आग्‍या पालन करे।

रोमी 6:17

परमेस्‍वरके धन्‍यबाद हेबे, तुसब एकचोटी पापके दास छेल्‍ही महज तुसब अखुन आपन परमेस्‍वरसे सिखाल सिक्‍छा हिरदयसे पालन करैचिही।

२ कोरन्‍थी 11:31

परभु येसुके परमेस्‍वर आ पिता, जे सबदिन धैनके चियै, उ जानैछै कि हम झुठ नै बाजैचियै।

२ कोरन्‍थी 12:6

यदि हम घमन्‍ड करबो करबै त हम मुरुख नै हेबै, कथिलेत हम सत बात बाजैचियै। महज लोकसब हमर जिबनमे देखल आ सुनलसे बेसि हमरा नै सम्‍झे कैहके चाहैचियै।

२ कोरन्‍थी 3:5

कोनोभी बात हमरासबके तरफसे एलछै कैहके हमसब दाबी करैके योग्‍यके नै चियै, महज हमरासबके योग्‍यता परमेस्‍वरसे आबैछै।

२ कोरन्‍थी 6:1

हमसब परमेस्‍वरसङे काम करैबलासब भेलाके कारन तोरासबके बिन्‍ती करैचियौ कि परमेस्‍वरसे भेटल अनुगरहके बेरथमे जाइले नै दहै।

गलाती 2:8

जनङ परमेस्‍वर पतरुसके यहुदीसबके बिचमे परचार करैले परेरित बनाइल्‍कै, तहिनङे हमरा गैर-यहुदीसबके बिचमे परचार करैले परेरित बनाइल्‍कै।

कलस्‍सी 3:17

तुसब किछो कहबिही तैयो, किछो करबिही तैयो सब बात परभु येसुके नाममे कर तब ओकरेसे परमेस्‍वर पिताके धन्‍यबाद चरहा।

२ थेसलोनिकी 2:17

तोरासबके ओकरेसबसे सब असल काममे साहस आ बचनमे सक्‍ती मिले।

हिबरु 11:8

बिस्‍बास दुवारा अबराहम परमेस्‍वरके कहल मानल्‍कै आ जो कैहके कहल ठामदिसन गेलै, जे ठाम परमेस्‍वर ओकरा देबौ कैहके परतिग्‍या करने छेलै। कते जेबै कैहके ओकरा थाहे नै छेलै तैयो उ आपन देस छोइरके गेलै।

हिबरु 5:9

अनङकैरके परमेस्‍वर ओकरा सिध बनेलाके बाद ओकर आग्‍यापालन करैबला सबके लेल उ अनन्‍ततक रहैबला मुक्‍तीके मुल बन्‍लै।

याकुब 1:22

तोरौरके बचन पालन करैबला बन, सुनैबला मातरे भ्‍याके आपनके धोखा नै दहै।

१ युहन्‍ना 3:18

हे हमर धियापुतासब, अपनासब खाली मुह आ बातसे मातरे परेम नै कर, महज अपनासब काम आ सत्‍यतासे परेम करैजो।

यहुदा 1:9

महज परधान स्‍वरगदुत मिखाएल सेहो मोसाके लहासके बारेमे सैतानसे तरक बितरक करैतखिना ओकरा अपमान कैरके दोख नै लगाइल्‍कै। खाली, “परभु तोरा फटकारतौ” कहल्‍कै।