रोमी 14:4 - मध्‍य पुरविया थारू

⁴ दोसरके नोकरके दोख लगाइबला तु के चिही? उ त ओकर मालिक आपन नोकर असल या खराब काम करल्‍कै कैहके नियाय करतै। परभुवे आपन नोकरके असल काम करैले सहायता करतै कथिलेत ओकरा सहायता करैबला सक्‍ति परभुमे छै।

रोमी 14:4 ပူးပေါင်းရင်းမြစ်များ

परेरित 11:17

हमसब परभु येसु खिरिस्‍टमे बिस्‍बास करलियै आ परमेस्‍वरसे पबितर आत्‍मा पाबलियै। तैहनङे ओहोसब ओकरा बिस्‍बास करल्‍कै आ ओकरसे पबितर आत्‍मा पाबल्‍कै। अहिनङे परमेस्‍वर आपनेसे पबितर आत्‍मा दैछै त ओकरा रोके सकैबला हम के चियै?”

रोमी 11:23

तहिनङे यदि इजराएलीसब पस्‍चताप कैरके बिस्‍बास करतै त परमेस्‍वर ओकरासबके फेरसे पहिनेके ठाममे कलमी बान्‍हतै। कथिलेत परमेस्‍वर ओकरासबके फेरसे कलमी बान्‍हैले सक्‍तै।

रोमी 14:3

जे लोक सब चिज खाइछै, उ सागपात खाइबलासबके घिरना नै करे। तहिनङे सागपात खाइबलासब नै खाइबलाके दोस नै लगाबे। कथिलेत परमेस्‍वर दुनुके सुइकार करने छै।

रोमी 16:25

आब अपनासबके परमेस्‍वरके आदर आ सम्‍मान हेबे। हमर करल खिरिस्‍टके सुसमाचार परचारसे उ तोरासबके बिस्‍बासमे बलगर बनाइले सकलछै। येसु खिरिस्‍टके बारेमे हमर करल परचार, जे जुगो-जुगसे घोसाइरके राखल छेलै, आब परकट भेलछै।

रोमी 9:20

हे लोकसब, परमेस्‍वरके मुहे-मुहे लागैबला तुसब के चिही? कि माटिके बरतन बनाबैबलाके “हमरा कथिले एहेन बनेलियै” कहैछै से?

हिबरु 7:25

अहैलेल येसुमे बिस्‍बास कैरके परमेस्‍वरके लग आबैबलासबके उ सबदिन उधार करैले सकैछै, कथिलेत ओइसबके लेल परमेस्‍वरसङे परथना करैले सबदिन जिबितछै।

१ पतरुस 1:5

तुसब बिस्‍बास करलाके कारन परमेस्‍वरके सक्‍तिसे सुरक्‍छित रहलचिही। उ मुक्‍ती तोरासबके खातिर तैयार करनेछौ जे अन्‍तिम समयमे परगट हेतौ।

यहुदा 1:24

तोरासबके पापमे परैसे बचाइले सकैबला आ आनन्‍दसाथ आपन महिमाके अगा तोरासबके निरदोस ठहराइले सकैबला परमेस्‍वरके परसन्‍सा हेबे।