रोमी 14:2 - मध्‍य पुरविया थारू

² कोइ-कोइ बिस्‍बासी सबचिज खाइले हैछै कैहके बिस्‍बास करैछै, महज बिस्‍बासमे कमजोर भेल्‍हा लोक सागपात मातरे खाइले हैछै कैहके बिस्‍बास करैछै।

रोमी 14:2 ပူးပေါင်းရင်းမြစ်များ

रोमी 14:1

बिस्‍बासमे कमजोर भेल्‍हा लोकसबके सुइकार कर आ उसब जे बिचार करने छै, तैमे दोस लग्‍याके ओइसबसङे तरक नै कर।

रोमी 14:14

परभु येसुमे बिस्‍बास कैरके हम यि बात पक्‍का जानैचियै कि, खाइबला कोनो चिज आपनेमे असुध नै रहैछै। महज जे लोक असुध माइनके खाइछै, उ ओकरलेल असुधे हैछै।

रोमी 14:20

खाइबला चिजके कारन परमेस्‍वरके कामके नास नै कर। सब चिज खाइले हैछै महज औरो लोकके बाधा हैबला हिसाबसे खेनाइ खराब चियै।

रोमी 15:1

अपनासब बिस्‍बासमे बौकार भेल लोकसब आपने मातरे खुसी नै बल्‍की बिस्‍बासमे कमजोर भेल लोकसबके धिरजसाथ सहायता करैले परतौ।

१ कोरन्‍थी 10:25

मासुके दोकानमे कथी बेचैछै, बिबेकके खातिर कोनो सबाल नै कैरके खो।

१ कोरन्‍थी 8:9

महज तुसब होसियार रह, तोरासबके खाइ-पियैबला चिजसबके स्‍वतन्‍तरतासे बिस्‍बासमे कमजोरसबके लेल बाधाके कारन नै बने।

१ कोरन्‍थी 9:22

हम कमजोर लोकसबके बिचमे काम करैबखत उसब खिरिस्‍टमे बिस्‍बास करे कैहके हम्‍हु कमजोर भेलियै। हम सबके लेल सबकुछ बैन गेलियै ताकि हरतरहसे लोकसबके खिरिस्‍टमे बचाबैले सकी।

गलाती 2:12

जब पतरुस पहिने गैर-यहुदी बिस्‍बासीसबसङे बैठके खाइछेलै, जेसबके खतना नै भेल छेलै। महज पछा जब याकुबके पठेल्‍हा लोकसब एलै तब उ ओइसबसङे खाइले छोइरदेल्‍कै। कथिलेत खतनाबला लोकसबसे उ डर्‌याल छेलै।

१ तिमोथी 4:4

परमेस्‍वरके सिरिस्‍टी करल सब चिज एकदम असल छै। अपनासब परमेस्‍वरके धन्‍यबाद द्‍याके लैचियै त इन्‍कार करैबला कोनो चिज नै छै।

तितस 1:15

सुध मन भेल लोकसबके लेल सब चिज सुध रहैछै। महज पतित आ अबिस्‍बासीसबके लेल कोनोभी चिज सुध नै रहैछै, कथिलेकी ओइसबके मन आ सोचबिचार असुध रहैछै।

हिबरु 13:9

अनेक किसिमके अचमके सिक्‍छाके भरममे नै पर। खाइ पियैबला नियमसे नै महज परमेस्‍वरके अनुगरहसे हिरदय बौकार भेल असल चियै। ओहेन बिधी पालन कैरके ककरो उपकार नै भेलछै।

हिबरु 9:10

यि सब खाइ-पियैबला आ अनेक धारमिक बिधीसे सुध हैबला नियम मातरे छेलै। परमेस्‍वरके लया बेबस्‍था नै आबैतलिक करैबला धारमिक बिधी मातरे चियै।