रोमी 14:10 - मध्‍य पुरविया थारू

¹⁰ अनङ छै त तुसब कथिले आपन बिस्‍बासी भाइसबके दोस लगाइचिही? कथिले आपन बिस्‍बासी भाइसबके तुच्‍छ ठानैचिही? कथिलेत अपनासब सबकोइ परमेस्‍वरके नियाय करैबला ठामके अगा खरा हैले परतौ।

रोमी 14:10 ပူးပေါင်းရင်းမြစ်များ

मतीके लिखल सुसमाचार 7:1

येसु कहल्‍कै, “ककरो दोस नै लगा तोरोसबके परमेस्‍वर दोस नै लगाइतौ।

लुका 18:9

तब आपनेमे भरोसा करैबला आ दोसरके निच सम्‍झैबला लोकसबके येसु यि खिसा सुनाइल्‍कै,

लुका 23:11

हेरोद आपन सेनासबसङे येसुके गिल्‍ला करैत ओकरा अपमान करल्‍कै। तकरबाद ओकरा रजासब जेहेन बस्‍तर लगाइछै तैहनङे बस्‍तर पिन्‍हाके पिलातसलग घुम्‍याके पठादेल्‍कै।

युहन्‍ना 5:22

कथिलेत पिता ककरो नियाइ नै करैछै, महज नियाइ करैबला सब अधिकार बेटाके देनेछै,

परेरित 10:42

सुसमाचार परचार करैले आ परमेस्‍वर येसुके जिबित आ मरलसबके नियाय करैले नियुक्‍त करने छै कैहके साक्‍छी दैले परमेस्‍वर हमरासबके आग्‍या करने छै।

परेरित 17:31

कथिलेत सन्‍सारके सब लोकसबके नियाइ करैके दिन उ तोइकदेने छै। ओइ दिन परमेस्‍वर आपनेसे छानल लोकसे सन्‍सारके उचित नियाय करतौ। ओइ लोकके नियाइ करैके अधिकार छै से परमान लोकसबके देबेखातिर परमेस्‍वर ओकरा मरलसे जियाइल्‍कै।”

परेरित 4:11

उ ओहे पथल चियै, ‘जे पथलके अहाँ मिसतिरीसब बेकार समैझके छाइटदेने छेल्‍ही, ओह्‍या पथल अखुन जगके मुल खम्‍हा भेल छौ।’

रोमी 2:16

यि बातसब ओइ दिन हेतै जै दिन परमेस्‍वर हमर करल सुसमाचार परचार अनुसार येसु खिरिस्‍ट दुवारा लोकसबके हिरदयमे रहल गुप्‍त बातसबके नियाय करतै।

१ कोरन्‍थी 4:5

तैखातिर परभु नै आबैतक ककरो दोस नै लगा। आब अन्‍हारमे घोसरल बातसब उ इजोतमे लाबतै आ लोकके मनभितरके बिचारसब परकट करतै। तब सबलोक परमेस्‍वरसे आपन परसन्‍सा पाबतै।

२ कोरन्‍थी 5:10

कथिलेकी हम सबगोरा खिरिस्‍टके नियाय आसनके सामने खरा हैलेपरतै। ताकी हमसब अइ देहमे करल असल या खराब काम अनुसारके परतिफल पाब्‍बै।