रोमी 13:8 - मध्‍य पुरविया थारू

⁸ एक-दोसरके परेम करै बाहेक औरो कोनो चिजमे ककरो रिनी नै हो। कथिलेत जे आपन परोसियाके परेम करैछै उ बेबस्‍था पुरा करैछै।

रोमी 13:8 ပူးပေါင်းရင်းမြစ်များ

मतीके लिखल सुसमाचार 7:12

“लोकसब तोरासबसे जेहन बेबहार करे कैहके चाहैचिही त, तुहुसब ओइसबसे तहिना बेबहार कर, कथिलेत मोसाके बेबस्‍था आ अगमबक्‍तासबके सिक्‍छाके मुल बात एह्‍या चियै।

युहन्‍ना 13:34

आब हम तोरासबके एकटा लबका आग्‍या दैचियौ, तुसब एक-दोसरके परेम कर। जहिनङ परेम हम तोरासबके करनेचियौ तहिनङे तुहुसब एक-दोसरके परेम कर।

रोमी 13:10

परेम करैबला आपन परोसियाके खराबी नै करैछै। तैखातिर परेम करनाइके मतलब बेबस्‍था पुरा करनाइ चियै।

रोमी 13:7

तोरासबके तिरैबला चिज सबके तिरदहै। कर तिरैबलाके कर, महसुल तिरैबलाके महसुल, आदर करैबलाके आदर, इज्‍जत करैबलाके इज्‍जत कर।

गलाती 5:14

कथिलेत सब बेबस्‍थाके निचोर एकेटा आग्‍यामे पुरा हैछै, “आपन परोसियासबके आपने जखा परेम कर।”

कलस्‍सी 3:14

यि सब गुनसबसे बेसी परेमके धारन कर कथिलेत परेमे सब बातके पुरा एकतामे आनैछै।

१ तिमोथी 1:5

हमर कहैके उदेस्‍य त यि चियै कि बिस्‍बासीसब एक दोसरके परेम करे, जे परेम सुध हिरदय, असल बिबेक आ साँचोके बिस्‍बाससे मातरे आबैछै।

याकुब 2:8

यदि तुसब “आपन परोसियासबके आपने जखा परेम कर” कैहके पबितर धरमसास्‍तरमे लिखल परमेस्‍वरके राजकिय नियमके पालन करैचिही त तोरौरके असले करैचिही।

१ युहन्‍ना 3:10

परमेस्‍वरके बेटा-बेटी आ सैतानके बेटा-बेटी अहिनङके चिन्‍हैले सकैचियै कि धारमिकतामे नै चलैबला आ आपन भाइ-भैयासबके परेम नै करैबला परमेस्‍वरके बेटा-बेटी नै हैछै।