रोमी 12:2 - मध्‍य पुरविया थारू

² अइ सन्‍सारके लोकसब जखा देखासेखी नै कर महज आपन सोच-बिचार परमेस्‍वरके परिबरतन करैले दहै। तब परमेस्‍वरके असल, मनपरैबला आ सिध इक्‍छा कथी चियै से तुसब जानबिही।

रोमी 12:2 ပူးပေါင်းရင်းမြစ်များ

मतीके लिखल सुसमाचार 13:22

काँटके झारमे परल बिचहन उ लोक जखा चियै, जे बचन सुनैछै, महज सन्‍सारके चिन्‍ता आ धन-सम्‍पतीके मोह-मायासे बचनके दाइब दैछै। उ बचन ओकर जिबनमे कोनो परकारके फल नै फराबैछै।

मरकुस 4:19

महज दुनियाके चिन्‍ता, धनके मोह आ औरो चिजके ललसा आइबके बचनके दाइब दैछै। तहैले उसब फल नै फराबैछै।

युहन्‍ना 14:30

आब हम तोरासबसङे बहुत बात नै करबौ, कथिलेकी अइ सन्‍सारके सासक आइबरहल छै। हमर उपर ओकर कोनो अधिकार नै छै।

युहन्‍ना 15:19

यदी तुसब अइ सन्‍सारके रहतिही त, सन्‍सारके लोकसब तोरा आपन कैहके परेम करतियौ। महज तुसब अइ सन्‍सारके नै चिही। हम तोरासबके सन्‍सारसे चुनलियौ, ओहैसे अइ सन्‍सारके लोकसब तोरासबके घिरना करैछौ।

युहन्‍ना 17:14

हम ओइसबके अहाँके बचन देलियै, महज सन्‍सारके लोकसब ओकरासबके घिरना करल्‍कै, कथिलेत उसब सन्‍सारके नै चियै, जहिनङे हम सन्‍सारके नै चियै।

युहन्‍ना 7:7

सन्‍सारके लोकसब तोरासबके घिरना नै करे सक्‍तौ, महज हमरा त घिरना करैछै, कथिलेत उसबके काम दुस्‍ट छै कैहके हम गबाही दैचियै।

रोमी 12:1

तैल्‍याके हे भाइ-भैयासब, परमेस्‍वरके दयाके धियानमे राइखके हम तोरासबके बिन्‍ती करैचियौ, तुसब आत्‍मिक आराधनाके रुपमे आपन-आपन देहके पबितर आ परमेस्‍वरके मनपरैबला जिबित बलीके रुपमे चरहा। ओकर आराधना करैबला सहि तरिका एह्‍या चियै।

रोमी 13:14

महज येसु खिरिस्‍टके स्‍वभाबके धारन कर आ पापी स्‍वभाबके इक्‍छा पुरा करैबला बातमे धियान नै दहै।

रोमी 7:12

बेबस्‍था अपनेमे पबितर छै। ओहैसे ओकर आग्‍यासब पबितर, नियाय सङहत आ असल छै।

रोमी 7:14

अपनासबके यि बात थाहेछै कि बेबस्‍था त आत्‍मिक चियै कथिलेकी यि परमेस्‍वरसे आबल छै। महज हम देहके पाप स्‍वभाब अनुसार चलैबला आ दास जखा पापमे बेचलगेल लोक चियै।

रोमी 7:22

कथिलेत हमर मन परमेस्‍वरके बेबस्‍थामे आनन्‍दित हैछै।

१ कोरन्‍थी 3:19

कथिलेत परमेस्‍वरके अगा सन्‍सारके बुइध त मुरुख बात चियै। जनङ पबितर धरमसास्‍तरमे लिखल छै, “उ बुधिमानसबके ओइसबके चतुराइमे पकरैछै।”

२ कोरन्‍थी 4:4

सैतान, जे अइ सन्‍सारके देबता चियै से महिमीत सुसमाचारके इजोतके नै देखे कैहके खिरिस्‍टमे बिस्‍बास नै करैबला लोकसबके बुझैबला सक्‍तीके आन्‍हर बन्‍यादेनेछै।

२ कोरन्‍थी 5:17

अहैलेल यदि कोइ खिरिस्‍टमे छै त उ लोक लया सिरिस्‍टी चियै। पुरना जिबन बितके चैलगेलै, देख, आब लया जिबन सुरु भेलछै।

गलाती 1:4

येसु खिरिस्‍ट अपनासबके अइ दुस्‍ट सन्‍सारसे बचाइके लेल परमेस्‍वर आ पिताके इक्‍छा मुताबिक पापके खातिर बली भेलै।

एफिसी 1:18

हम एहो परथना करैचियौ कि, तोरासबके हिरदयके आँख खुले आ कोन आसाके लेल उ तोरासबके बोलेल्‍कौ आ पबितर जनसबमे ओकर महिमीत उतराधिकारके सम्‍पैत कि चियै, से तुसब जानैले सक।

एफिसी 2:2

ओइ बखत तुसब सन्‍सारके पापी लोकसब जखा चलैछेल्‍ही आ अकासके सक्‍तीके मालिक, सैतानके मानैछेल्‍ही। जे परमेस्‍वरके नै मानैबला लोकसबके अखुन आपन बसमे राखनेछै।

एफिसी 5:17

तै खातिर मुरुख लोक नै बन महज परभु तोहरसे कोन आसा करनेछौ से जान।

कलस्‍सी 1:9

तैखातिर हमसब यि बात जहियासे सुन्‍नेचियै तहियेसे तोरासबके खातिर हरदम परथना करैत आइबरहलचियौ। पबितर आत्‍मासे मिलल पुरा आत्‍मिक ग्‍यान आ समझसे परमेस्‍वरके पुरा इक्‍छा जानैले सक कैहके हमरासबके परथना छै।

कलस्‍सी 3:10

आब त तुसब लया स्‍वभाब धारन करनेचिही। तुसब परमेस्‍वरके पुरा ग्‍यान पाबैले सक कैहके सिरिस्‍टीकरता आपन स्‍वरुपमे तोरासबके लया बन्‍यारहलछौ।

कलस्‍सी 4:12

तोरासबके एकटा भाइ, खिरिस्‍ट येसुके दास इपाफरास सेहो गोरलगी पठाइनेछौ। उ तोरासबके खातिर हरदम जोरतोरसे परथनामे सम्‍झैत रहैछौ ताकी तुसब बलगर हो आ परमेस्‍वरके सब इक्‍छा पुरा रुपसे मानैले सक।

१ थेसलोनिकी 4:3

तुसब पबितर रह कैहके परमेस्‍वरके इक्‍छाछै। अहैलेल तुसब बेबिचारसे अलग रह।

तितस 3:5

तब उ अपनासबके बचेल्‍कै। अपनासब कोनो धरम-करम करलाके कारन नै महज ओकर दया आपनसबमे भेलाके कारन बचेल्‍कै। ओकर पबितर आत्‍मासे अपनासबके पाप धुवाके अपनासबके नया जलम आ नया जिबन देल्‍कै।

याकुब 1:27

परमेस्‍वर पिताके मनपरैबला साँचोके धरम-करम एह्‍या चियै दुखमे परल बिधुवा आ टुगर-टापरसबके देखभाल करनाइ आ सन्‍सारके अधलाह बातसे अलग रहनाइ चियै।

याकुब 4:4

हे बेबिचारी लोकसब! परमेस्‍वरके छोइरके यि सन्‍सारके खराब चालचलनमे चलैबला लोकसब परमेस्‍वरके दुस्‍मन हैछै से बात तोरौरके थाह नै छौ? अहैलेल यदि कोनो लोक यि सन्‍सारके खराब चालचलनमे चल्‍तै, उ परमेस्‍वरके दुस्‍मन चियै।

१ पतरुस 1:14

तुसब आग्‍याकारी धिया-पुता जखा रह। अन्‍जानमे रहै बखत अधलाह इक्‍छा अनुसार जनङ करैछेल्‍ही तनङ नै कर।

१ पतरुस 1:18

तुसब जानैचिही कि परमेस्‍वर तोरासबके पिता-पुरखासे चलैत एल बेरथके चालचलनसे दाम तिरके तोरासबके छुटकरा देल्‍कौ। उ दाम सोना या चानी जखा नास हैबला चिज नै चियै।

१ पतरुस 2:3

कथिलेकी परभु कतहेक दयालु छै से बातके सबाद तुसब पाबनेचिही।

१ पतरुस 4:2

आबसे तुसब अइ पिरथिबीमे बाचै तलिक आपन जिबन लोकके जखा अधलाह इक्‍छामे नै, महज परमेस्‍वरके इक्‍छा अनुसारके जिबन बिता।

२ पतरुस 1:4

ओकर महिमा आ भलाइके कारन उ अपनासबके अनमोल आ महान परतिग्‍यासब उ अपनासबके देनेछै, ताकी अइ सन्‍सारके अधलाह इक्‍छासे आबैबला बेकार बातसे बाँइचके इस्‍वरीय स्‍वभावमे सहभागी हो।

२ पतरुस 2:20

महज उसब अपनासबके परभु आ मुक्‍तीदाता येसु खिरिस्‍टके चिन्‍हके सन्‍सारके घिनलागैबला बातसबसे छुटकरा पाबलाके बाद फेनसे पापमे परैछै त ओकरासबके दसा पहिनेसे औरो बेसी खराब हैछै।

१ युहन्‍ना 3:13

हे भाइ-भैयासब, जब सन्‍सारके लोकसब तोरासबके घिरना करतौ तब अचम नै मान।

१ युहन्‍ना 5:19

हमसब परमेस्‍वरके बेटा-बेटी चियै आ पुरे सन्‍सार दुस्‍ट सैतानेके बन्‍धनमे छै कैहके अपनासब जानैचियै।

परकास 12:9

अहिनङे उ अजेगर, जे पहिन्‍का साँप चियै, जकर नाम दुस्‍ट आत्‍मा आ सैतान सेहो चियै, जे पुरे सन्‍सारके भरमाके राखने छेलै, ओकरा आ ओकर दुतसबके सङे स्‍वरगसे पिरथिबीमे फेक्‍नेछेलै।

परकास 13:8

मारलगेल थुमाके जिबनके किताबमे सन्‍सारके सिरिस्‍टी हैसे पहिने नाम लिखल लोकसब बाहेक पिरथिबीमे रहैबला सबकोइ ओइ जानबरके पुजा करतै।