रोमी 12:16 - मध्‍य पुरविया थारू

¹⁶ एक-दोसरसङे मिल-जुइलके रह, घमन्‍डी नै हो, महज साधारन लोकसबसङे सङहत कर। अपनाके बुधिमान नै ठान।

रोमी 12:16 ပူးပေါင်းရင်းမြစ်များ

मतीके लिखल सुसमाचार 11:5

अन्‍हरासब देखैछै, नेङरासब चलैछै, कोढि-कुस्‍टी लागलसब सुध हैछै, बैहरासब सुनैछै, मरलसब जिजाइछै आ दुखी गरिबसबके सुसमाचार सुनाइछै।

मतीके लिखल सुसमाचार 26:11

कथिलेत गरिबसब सबदिन तोरेसबसङे रहतौ, महज हम त सबदिन नै रहबौ।

लुका 14:13

महज तुसब भोज करबिही त गरिब, लुल्‍हा-नेङरा आ अन्‍हरासबके बोला।

लुका 6:20

येसु आपन चेलासबके ताकल्‍कै आ कहल्‍कै, “धैन तुहे, दीन-दुखीसब कथिलेत परमेस्‍वरके राज तोरेऔरके लेल चियौ!

परेरित 4:32

बिस्‍बास करैबलासब एकेमन आ एके परानके भेलरहै, ओइसबमेसे कोइ नै आपन धन-सम्‍पतीके आपन चियै कहैछेलै, महज सब चिजके सझिया मानैत रहै।

रोमी 11:20

यि बात सत चियै कि, इजराएलीसब बिस्‍बास नै करलासे ठाइर जखा काइटके फेकल रहै। तुसब बिस्‍बास करलासे कलमी बान्‍हल गेलचिही। ओहैसे घमन्‍ड नै कर बरु परमेस्‍वरके डर मान।

रोमी 11:25

हे हमर भाइ-भैयासब, हम तोरासबके एकटा रहसके बात थाह हेबे कैहके चाहैचियौ। उ बात तोरासबके थाह हेतौ त तुसब आपनेके बुधिमान ठाइनके घमन्‍ड नै करबिही। उ रहसके बात यि चियै कि, खिरिस्‍टमे आबैबला गैर-यहुदीसब बिस्‍बास नै करैतक बहुतो इजराएलीसबके हिरदय कठोर हेतै।

रोमी 12:3

परमेस्‍वरके देल अनुगरहसे हम तोरासबके चेताबनी दैचियौ कि, तुसब आपनके बरका नै समझ महज परमेस्‍वरके देल बिस्‍बासके नाप अनुसार तुसब जहिनङ चिही तहिनङे सोच।

रोमी 15:5

सहैबला सक्‍ति आ हौसला दैबला परमेस्‍वर तोरासबके येसु खिरिस्‍टके जिबन जखा जियैले आ एके मनके हैले सक्‍ति देबे।

रोमी 6:2

अहँ, ओनङ करनाइ ठिक नै छै। पापेके खातिर अपनासब मरल चियै, तब कनङके पाप करैत जियैले सक्‍बै?

१ कोरन्‍थी 1:10

हे हमर भाइ-बहिनसब हम तोरासबके परभु येसु खिरिस्‍टके नाममे बिन्‍ती करैचियौ कि, तुसब एक दोसरसङे मिलजुइलके रह। तोरासबके बिचमे कोनो किसिमके मनमोटाब नै हेबे, महज तुसब एके मनके आ एके बिचारके हो।

१ कोरन्‍थी 3:18

कोइ आपनेके धोखा नै देबे। यदि कोइ अइ सन्‍सारके हिसाबसे आपनेके बुधिमान ठानैछै त, उ साँचेके बुधिमान हैले आपनेके मुरुख बनाबे।

१ कोरन्‍थी 4:10

हमसब खिरिस्‍टके सेबक भेलासे लोकसबके नजरमे मुरुख भेलचियै, महज तुसब त खिरिस्‍टके लेल बुधिमान चिही। हमसब कमजोर चियै, महज तुसब बौकार चिही। लोकसब त तोरासबके आदर करैछौ महज हमरासबके अनादर करैछै।

१ कोरन्‍थी 6:5

तोरासबके लाजमे पारैके लेल हम यि कहैचियौ। कि तोरासबके बिचमे भाइ-भैयारीके झगरा मिलाबैबला एकोटा बुधिमान लोक नै छौ से?

१ कोरन्‍थी 8:2

यदि कोनो लोक “हम जानैचियै” कहैछै त, बास्‍तममे उ जतेक जानैके चाही, उ जान्‍ने नै रहैछै।

२ कोरन्‍थी 13:11

अन्‍तमे हमर पिरिय भाइ-भैयासब, आब हम बिदा हैत बेर, तोरासबके यि कहैले चाहैचियौ, कि जीजानसे सिध हैले कोसिस कर। हमर बिन्‍ती सुन, एक-दोसरके बात सुन आ सान्‍तीमे रह। सान्‍ती आ परेम दैबला परमेस्‍वर तोरासबसङे रहे।

फिलिप्‍पी 1:27

मुख बात यह्‍या चियै कि तोरासबके चाल-चलन खिरिस्‍टके सुसमाचार अनुसार सोहाइबला हेबे। हम चाहे तोरासबके भेट-मुलकात करी, चाहे दुर रही तुसब एकेटा उदेस्‍य ल्‍याके अस्‍थिर चिही आ एकेटा मन भ्‍याके सुसमाचारके बिस्‍बासके लेल मेहनत कैररहल चिही कैहके हम सुनैले पाबी।

फिलिप्‍पी 3:16

चाहे जे हेबे, हमसब जे बात पाबनेचियै तैमे बौकार भ्‍याके रह।

फिलिप्‍पी 4:2

हम इयोदिया आ सुन्‍तुखेके परभुमे तु दुनु दिदी-बहिन एके मनके हो कैहके बिन्‍ती करैचियौ।

हिबरु 13:5

तुसब आपन जिबनके रुपैया पैसाके मोहसे दुर राख। तोरासबसङे जे छौ ओहैमे सन्‍तोख कर, कथिलेकी परमेस्‍वर कहनेछै, “हम तोरा कोनो हालतमे नै छोरबौ, हम तोरा कोनो हालतमे नै त्‍यागबौ।”

१ पतरुस 3:8

अन्‍तमे हम यि कहैले चाहैचियौ, तुसब एके मनके हो, एक दोसरके पिर मरका बुझ, एक दोसरके भाइ दाखिल माइनके परेम कर। तुसब दयालु आ नम्‌र बन।

१ पतरुस 5:3

तोरासबके जिम्‍मामे देल बिस्‍बासीसब उपर हुकुम नै चला महज ओइसबके लेल एकटा उदाहरन बन।

३ युहन्‍ना 1:9

हम मन्‍डलीके चिठीमे यि बातसब लिखने छेलियै। महज तोरासबके बिचमे मन्‍डलीके अगुवा हैले चाहैबला डियोतिरिफास हमर अधिकार सुइकार नै करैछै।