रोमी 12:10 - मध्‍य पुरविया थारू

¹⁰ एक-दोसरके आपने भाइ-भैया जखा परेम कर। अपनासे बेसी दोसरके आदर कर।

रोमी 12:10 ပူးပေါင်းရင်းမြစ်များ

मतीके लिखल सुसमाचार 20:26

महज तोरासबके बिचमे एहेन नै हेबे। बल्‍की, तोरासबमेसे जे पैध हैके इक्‍छा करैछौ, उ तोरासबके सेबक बने।

लुका 14:10

तैल्‍याके तुसब बियाह भोज जेबिही त सबसे निचा जगहमे बैठ आ नौता दैबला लोक आइबके तोरा कहतौ, ‘ए साथी, उपरमे आइबके बैठ।’ ओइ बखत तोहर सङे खाइले बैठल लोकसबके अगा तोहर इजत हेतौ।

युहन्‍ना 15:17

हम तोरासबके यि आग्‍या करैचियौ कि तुसब एक-दोसरके परेम कर।

युहन्‍ना 17:21

हम परथना करैचियै कि उ सबकोइ एक हेबे। हे पिता, जहिनङे अहाँ हमरमे आ हम अहाँमे चियै, तहिनङे ओहोसब अपनासबसङे एक हेबे, ताकि अहाँ हमरा पठाइनेचियै कैहके सन्‍सारके लोकसब बिस्‍बास करे।

परेरित 4:32

बिस्‍बास करैबलासब एकेमन आ एके परानके भेलरहै, ओइसबमेसे कोइ नै आपन धन-सम्‍पतीके आपन चियै कहैछेलै, महज सब चिजके सझिया मानैत रहै।

रोमी 13:7

तोरासबके तिरैबला चिज सबके तिरदहै। कर तिरैबलाके कर, महसुल तिरैबलाके महसुल, आदर करैबलाके आदर, इज्‍जत करैबलाके इज्‍जत कर।

गलाती 5:13

भाइ-भैयासब, तुसब स्‍वतन्‍तर हैले बोल्‍याल गेलचिही। यि स्‍वतन्‍तरताके आपन पाप स्‍वभाबके इक्‍छा पुरा करैले परयोग नै कर। बरु परेमसे एक दोसरके भलाइ कर।

गलाती 5:22

महज पबितर आत्‍माके फलसब- परेम, आनन्‍द, सान्‍ती, धिरज, दया, भलाइ, बिस्‍वस्‍तता,

गलाती 5:6

खिरिस्‍ट येसुमे नै त खतनाके नै त बेखतना कोनो मोल छै। महज एकेटा बातके मोल छै, उ यि चियै, अपनासब बिस्‍बासके कारन एक-दोसरके परेम करैचियै।

फिलिप्‍पी 2:3

आपन मातरे भलाइ नै खोज आ अहङकारमे कुछ नै कर, महज नमर्‌तामे एक दोसरके आपनसे बरका ठान।

कलस्‍सी 1:4

कथिलेत हमसब परभु येसु खिरिस्‍टमे तोरासबके बिस्‍बास आ ओकर सब पबितर लोकसबके करल तोहर परेमके बारेमे सुन्‍नेचियौ।

१ थेसलोनिकी 4:9

एक दोसरके परेम करे परैछै तैके बारेमे तोरासबके लेल लिखैके कोनो जरुरी नै छै, कथिलेकी परमेस्‍वर आपनेसे तोरासबके एक दोसरके परेम करे परैछै कैहके सिखाइने छौ।

२ थेसलोनिकी 1:3

भाइ-भैयासब, तोरासबके खातिर हरदम परमेस्‍वरके धन्‍यबाद देनाइ जरुरी छै। यि फेर योग्‍यकेभी चियै, कथिलेत तोरासबके बिस्‍बास परसस्‍त बरहैत ज्‍यारहलछौ आ तोरासबके परेम एक-दोसरमे बैढरहल छौ।

हिबरु 13:1

एक दोसरके भाइ-भैयासब जखा परेम करैतरह।

१ पतरुस 1:22

आब तुसब सतके माइनके आपन मन सुध कैरलेने चिही तहैलेल एक दोसर कोनो छलकपट नै कैरके भाइ-भैया आ दिदी-बहिन जखा परेम कर। हिरदयसे एक दोसरके परेम कर।

१ पतरुस 2:17

रजा आ सब लोकसबके आदर कर। खिरिस्‍टमे बिस्‍बास करैबलासबके परेम कर। परमेस्‍वरके डर मान।

१ पतरुस 5:5

तहिनङे जबानसब, बुढ लोकसबके अधिनमे रह। तुसब नम्‌र भ्‍याके एक दोसरके सेबा कर। कथिलेकी पबितर धरमसास्‍तरमे लिखल छै कि, “परमेस्‍वर घमन्‍डी लोकसबके बिरोध करैछै, महज नम्‌र लोकसबके अनुगरह करैछै।”

२ पतरुस 1:7

भक्‍तीमे भाइ-भैयाके इसनेह, भाइ-भैयारीके इसनेहमे परेम थप।

१ युहन्‍ना 4:11

हमर पिरिय सङिसब, परमेस्‍वर अपनासबके अतहेक परेम करने छै त अपनोसबके एक-दोसरके परेम करेपरतै।

१ युहन्‍ना 4:20

यदि कोइ परमेस्‍वरके परेम करैचियै कहैछै आ आपन भाइ-बहिनके घिरना करैछै त उ झुठ छै। आपनसे देखल भाइके परेम नै करैबला नै देखल परमेस्‍वरके कनङ परेम करे सक्‍तै?