रोमी 11:2 - मध्‍य पुरविया थारू

² परमेस्‍वर सुरुवेसे छानल आपन लोकसबके नै त्‍यागने छै। पबितर धरमसास्‍तरमे अगमबक्‍ता एलियाके कहल बात तोरासबके थाह नै छौ से? उ इजराएलीसबके बिरोधमे परमेस्‍वरसे अनङके बिन्‍ती करल्‍कै,

रोमी 11:2 ပူးပေါင်းရင်းမြစ်များ

मरकुस 12:26

कि तुसब जि उठैके बारेमे मोसाके किताबमे नै पढनेचिही? से बात जरैत पोथराके घटनामे परमेस्‍वर मोसाके कहल्‍कै, ‘हम अबराहमके परमेस्‍वर, इसहाकके परमेस्‍वर आ याकुबके परमेस्‍वर चियौ।’

लुका 4:1

येसु पबितर आत्‍मासे भरपुर भ्‍याके यरदन लदीसे जब घुम्‍लै तब पबितर आत्‍मा येसुके उजार जगहमे ल्‍यागेलै।

युहन्‍ना 4:11

तब उ सामरी जनी कहल्‍कै, “मालिक, अहाँसङे त पानी भरैले डोलो नै छै, इनार बहौत गैहर छै। जिबनके पानी अहाँ कतसे आन्‍बै?

परेरित 13:48

जब गैर-यहुदीसब यि बात सुनल्‍कै, तब उसब खुसी भेलै आ परमेस्‍वरके बचनके गुनगान करल्‍कै आ अनन्‍त जिबनके खातिर नियुक्‍त भेल्‍हा सबलोक बिस्‍बास करल्‍कै।

परेरित 15:18

“यि बात परमपरभु कहैछै, जे सिरिस्‍टीके सुरुवेसे यि बातसबके जानकारी कराइत एलछै।

परेरित 3:17

“पिरिय भाइसब, हमरा थाहछै कि तुसब अनजानमे अनङ करलिही आ तोरौरके सासकोसब अहिनङे करल्‍कौ।

परेरित 7:40

उसब मोसाके भैया हारुनके कहल्‍कै, ‘अहाँ हमरासबके खातिर कोनो देबता बना दिय, जे हमरासबके रस्‍ता देखाबे, कथिलेत यि मोसा हमरासबके मिसरदेससे निकालके आनल्‍कै, ओकरा कथी भेलै से हमसब नै जानैचियै।’

रोमी 6:16

तुसब जकर आग्‍यापालन करैचिही ओकर दास हैचिही से तोरासबके थाह छौ। तुसब पापके दास भ्‍याके ओकर आग्‍यापालन करबिही त मरबिही, महज परमेस्‍वरके आग्‍यापालन करबिही त, तुसब ओकर अगा धरमी ठहरबिही।

रोमी 9:23

उ अहैलेल अनङ करल्‍कै कि आपन दया करल लोकसबके महान महिमा देखाइले चाहल्‍कै। ओकर दया करल आ महिमाके लेल सुरुवेसे तैयार करल लोकसब हमसब चियै।

रोमी 9:6

इजराएलीसब खिरिस्‍टमे बिस्‍बास नै करल्‍कै कहतेमे, परमेस्‍वर ओकरासबसङे करल परतिग्‍या बिफल भेलै से बात नै चियै। कथिलेत इजराएलके कुलमे जलमल सब लोकसब त परमेस्‍वरके लोकसब नै चियै।

१ कोरन्‍थी 6:2

पबितर जनसब सन्‍सारके लोकसबके नियाइ करतै कैहके, कि तोरासबके थाह नै छौ? यदि तुसब सन्‍सारके लोकसबके नियाय करैचिही त, एहेन छोट से छोट झगरासब मिलाबैले नै सकैचिही?

१ कोरन्‍थी 8:3

महज जे लोक परमेस्‍वरके परेम करैछै, परमेस्‍वर ओकरा चिन्‍हैछै।

फिलिप्‍पी 1:22

यदि हम जिते रहबै त खिरिस्‍टके लेल असल काम करैले सक्‍बै। महज जिबन कि मरन हम कथि चुन्‍बै हमरा थाह नै छै।

हिबरु 1:1

पहिन्‍का जुगमे परमेस्‍वर अपनासबके पिता पुरखासङे अगमबक्‍तासब दुवारा बहुत बेर आ बहुत किसीमसे बोलल छेलै।

१ पतरुस 1:2

परमेस्‍वर पिता आपन पहिनेके योजना अनुसार तोरासबके छानल्‍कौ आ आपने पबितर आत्‍मासे पबितर बनेल्‍कौ। येसु खिरिस्‍टके आग्‍यापालन करैले आ ओकर लहुके छिटकासे सुध हेबे कैहके उ तोरासबके छानल्‍कौ। परमेस्‍वरके अनुगरह आ सान्‍ती तोरासबमे परसस्‍त हेबे।