रोमी 11:17 - मध्‍य पुरविया थारू

¹⁷ तहिनङे कतहेक काम नै लागैबला ठाइर काइटके फेकल जखा कतहेक यहुदीसब परमेस्‍वरके छोइरके गेलै। महज तु गैर-यहुदीसब जङगली जैतुनके ठाइर जखा भेलोपरभी असल जैतुनके गाछमे कलमी बान्‍हल चिही। आब तुहुसब असल जैतुनके गाछसे सक्‍ति आ जिबनके रस पाबनेचिही।

रोमी 11:17 ပူးပေါင်းရင်းမြစ်များ

मतीके लिखल सुसमाचार 21:43

“तैखातिर हम तोरासबके कहैचियौ, परमेस्‍वरके राज तोरासबसे छिनल जेतौ आ एहेन जातीके जिम्‍मा देल जेतै, जे ओकर इछा अनुसार करतै।

युहन्‍ना 15:1

येसु आपन चेलासबके कहल्‍कै, “साँचो अङगुरके लती हम्‍ही चियै आ हमर पिता किसान चियै।

युहन्‍ना 15:2

हमरमे रहल सब ठाइर जे फल नै फराइछै, उ ओइसबके काइटदैछै आ फल फराइबला सब ठाइर औरो बेसीसे फराबे कैहके उ ओइसबके काटछाट करैछै।

युहन्‍ना 15:6

यदी कोइ हमरमे नै रहतै त, उ काटल ठाइर जखा बाहर फेकल जेतै आ उ सुइख जेतै। एहेन ठारइरसबके लोकसब एक ठाममे जम्‍मा कैरके आइगमे झोइक दैछै आ उ डैहजेतै।

परेरित 2:39

कथिलेत यि परतिग्‍या तोरासबके खातिर, तोरासबके धियापुताके खातिर आ दुर-दुरमे रहैबला सबके खातिर चियै, जकरा सबके परभु परमेस्‍वर बोलाइछै।”

रोमी 11:24

तु गैर-यहुदीसब जङगली जैतुनके गाछसे काटल ठाइरसब जखा चिही। तुसब परकिरती अनुसार नै मिलैबला भेलोपरभी असल जैतुनके गाछमे कलमी बान्‍हल चिही। इजराएलीसबके बारीमे रोपल जैतुनके ठाइर जखा चियै। ओइसबके फेरसे परमेस्‍वर कलमी बान्‍हैले सकैछै।

गलाती 2:15

हमसब जलमेसे यहुदीसब चियै आ हमसब “पापी” मानल गैर-यहुदी जखा नै चियै।

एफिसी 3:6

उ रहसके बात एह्‍या चियै कि, गैर-यहुदीयोसब सुसमाचारसे परमेस्‍वरके आसिस पाबैले सक्‍तै। उसब एक देहके अङसब आ खिरिस्‍ट येसुमे परमेस्‍वरके करल परतिग्‍याके साझेदार भेल छै।

कलस्‍सी 2:13

तुसब पाप करलाके कारन आ बेबस्‍था अनुसार खतना नै करैबला गैर-यहुदी लोक भेलासे एक समय तुसब आत्‍मिक रुपमे मरल छेल्‍ही। महज आब त परमेस्‍वर तोरासबके खिरिस्‍टसङे जियाइनेछौ आ अपनासबके सब पाप छमा कैरदेनेछौ।

परकास 11:4

उ दुइटा साक्‍छीसब, दुइटा जैतुनके गाछसब आ दुइटा डैठसब चियै जे पिरथिबीमे राज करैबला परभुके अगा ठार रहैछै।