रोमी 11:1 - मध्‍य पुरविया थारू

¹ ओहैसे आब हम तोरासबके कहैचियौ, “कि परमेस्‍वर आपनेसे छानल इजराएलीसबके त्‍यागने छै त?” कहियो नै! कथिलेत हम्‍हु एक इजराएली आ अबराहमके बंसमे जलमल बेन्‍यामिन कुलके चियै।

रोमी 11:1 ပူးပေါင်းရင်းမြစ်များ

लुका 20:16

उ आइबके सब बटिदारसबके माइरदेतै आ अङगुर खेत औरो लोकसबके द्‍यादेतौ।” लोकसब यि बात सुइनके कहल्‍कै, “एहेन कहियो नै हेबे!”

परेरित 22:3

तब पावल कहल्‍कै, “हम किलिकियाके टारसस सहरमे जलमल यहुदी चियै, महज हमर अहै यहुदी सहरमे गुरु जी गमलिएलके चरनमे सिक्‍छा-दिक्‍छा भेलै। हमसब पिते-पुरखासे मानैत ऐल धरमसास्‍तरके सिक्‍छा हम असलसे सिख्‍ने चियै। आइ अहाँसब परमेस्‍वरिय सेबा परति जतहेक उत्‍साह देखेने चियै, हम्‍हु ओतबेहेक उत्‍साह देखेने रहियै।

परेरित 26:4

“हम आपन जातीके बिच आपन देसमे आ यरुसलेममे आपन बचपन कनङके बितेलियै से बात यहुदीसब निकसे जानैछै।

रोमी 11:11

तैल्‍याके हम तोरासबके पुछैचियौ, “कि इजराएलीसब ठेस लाइगके फेनसे उठैले नै सकैबला भेलछै से?” नै! उसब बिस्‍बास नै करलासे गैर-यहुदीसब मुक्‍ती पाबल्‍कै। यि देखके इजराएलीसब डाह करे कैहके परमेस्‍वरके इक्‍छा छेलै।

रोमी 3:4

पक्‍का पुरा करतै, सब लोक आपन बचन पुरा नै करतै तैयो परमेस्‍वर आपन बचनके पुरा करतै। जनङ पबितर धरमसास्‍तरमे लिखल छै, “बोलि-बचनमे अहाँ ठिक ठहरलचियै, नियाय हेतै त अहाँके जित हेतै।”

रोमी 9:3

यदि हमर आपने जातिके इजराएली लोकसब मुक्‍ती पाबैछै त, हम खिरिस्‍टके सराप सहैले आ ओकरसे अलगो हैले तयार चियै।

२ कोरन्‍थी 11:22

कि उसब हिबरु चियै? हँ हम्‍हु चियै। कि उसब इजराएली चियै? हँ हम्‍हु चियै। कि उसब अबराहमके खानदानके चियै? हँ हम्‍हु चियै।

फिलिप्‍पी 3:5

जलम भेलाके आठम दिनमे हमर खतना भेलै। हम इजराएल जातिके, बेन्‍यामिन कुलके खाटी हिबरु चियै। बेबस्‍थाके बिसयमे कहबै त हम एक फरिसी चियै।