रोमी 10:9 - मध्‍य पुरविया थारू

⁹ यदि तु येसुके हमर परभु चियै कैहके आपन मुहसे सुइकार करबिही आ परमेस्‍वर ओकरा मरलसे जिबित करल्‍कै कैहके आपन हिरदयमे बिस्‍बास करबिही त तोहर उधार हेतौ।

रोमी 10:9 ပူးပေါင်းရင်းမြစ်များ

लुका 12:8

“हम तोरासबके कहैचियौ, जेसब हमरा लोकसबके सामने परभु कैहके सुइकार करतै, ओकरा मानबोके बेटा परमेस्‍वरके स्‍वरगदुतसबके सामने सुइकार करतै।

युहन्‍ना 9:22

यहुदीसबके डरसे ओकर बाप-महताइर एहेन जबाब देल्‍कै कथिलेत येसुके मुक्‍ती दैबला रजा खिरिस्‍ट जेसब कहतै, तैसबके सभाघरसे निकाले परतै तै बातमे यहुदीसब पैहने सहमत भेलरहै।

परेरित 16:31

तब उसब कहल्‍कै, “परभु येसुमे बिस्‍बास कर तब तु आ अहिनङ कैरके तोहर घर-परिबार उदार पाबतौ।”

परेरित 2:24

महज ओकरा परमेस्‍वर मरनके दुखसे छुटकारा द्‍याके जिबित करल्‍कै। कथिलेत ओकरा मिरतुके अधिनमे रहनाइ असम्‍भब छेलै।

परेरित 2:32

“अहै येसुके परमेस्‍वर जिबित करल्‍कै। यि हम सबकोइ अकर साक्‍छी चियै।

परेरित 8:36

उसब रस्‍तामे जाइते-जाइते पानी भेल ठाममे पुग्‍लै। उ मुन्‍सी कहल्‍कै, “देखु, अते पानी छै, आब हमरा बप्‍तिस्‍मा लैले कोन चिज रोके सक्‍तै?”

रोमी 10:10

कथिलेत लोक आपन हिरदयसे बिस्‍बास कैरके परमेस्‍वरके अगा धरमी ठहरैछै आ बिस्‍बास करल बात आपन मुहसे सुइकार कैरके उधार पाबैछै।

रोमी 14:11

कथिलेत पबितर धरमसास्‍तरमे लिखल छै, “परमपरभु कहैछै, ‘जनङ हम जिबित चियौ तहिनङ सबलोक हमर अगा झुक्‍तै आ सबकोइ हमरा परमेस्‍वर कैहके पुकारतै।’”

रोमी 14:9

ओहैसे येसु खिरिस्‍ट मरलै आ फेर जिबित भेलै ताकी मरलसब आ जिबीतसब दुनुके परभु हेबे।

रोमी 4:24

महज अपनोसबके लेल लिखलगेल छै। जे कोइ अपनासबके परभु येसुके मरलसे जिबित करैबला परमेस्‍वरमे बिस्‍बास करैछै, ओकरा परमेस्‍वर धरमी ठहराइछै।

रोमी 8:34

तब के अपनासबके दन्‍ड दैले सक्‍तै? कोइ नै सक्‍तै, कथिलेत येसु खिरिस्‍ट अपनासबके लेल मरलै। ओतबे नै, परमेस्‍वर ओकरा मरलसे जियेल्‍कै आ अखुन परमेस्‍वरके दहिनाकात बैठलछै आ अपनासबके लेल परमेस्‍वरसे बिन्‍ती कैररहलछै।

१ कोरन्‍थी 12:3

तैखातिर हम तोरासबके यि बात बुझ कैहके चाहैचियौ, कि परमेस्‍वरके आत्‍माके अगुवाइमे चलैबला कोइ नै “येसु सरापित हेबे” कहतै आ पबितर आत्‍माके अगुवाइसे मातरे कोनो लोक “येसुवे परभु चियै” कैहके आपन मुहसे सुइकार करैले सक्‍तै।

फिलिप्‍पी 2:11

सबकोइ परमेस्‍वर पिताके महिमाके लेल येसु खिरिस्‍टके परभु कैहके सुइकार करेपरतै।

१ पतरुस 1:21

ओकरेसे तुसब परमेस्‍वरमे बिस्‍बास करलिही, जे ओकरा मरलसे जिबित करल्‍कै आ ओकरा महिमा देल्‍कै, तैल्‍याके तोरासबके आपन बिस्‍बास आ भरोसा परमेस्‍वरमे रहे।

१ युहन्‍ना 4:15

येसुवे परमेस्‍वरके बेटा चियै कैहके सुइकार करैबला लोकमे परमेस्‍वर बास करैछै आ उ लोक परमेस्‍वरमे बास करैछै।

२ युहन्‍ना 1:7

कथिलेत बहुतो धोखा दैबलासब सन्‍सारके बहुतो ठामसबमे पुइगगेल छै, जेसब येसु खिरिस्‍ट देहधारी भेल छै कैहके नै सुइकारैछै। एहैन लोकसब धोखा दैबला आ खिरिस्‍ट बिरोधी चियै।