रोमी 10:2 - मध्‍य पुरविया थारू

² उसब परमेस्‍वरके भितरी हिरदयसे जोसके साथ सेबा करैले चाहैछै, से बात हम कहैचियौ। महज कनङके सेबा करतै से बात उसब जान्‍बे नै करैछै।

रोमी 10:2 ပူးပေါင်းရင်းမြစ်များ

युहन्‍ना 16:2

उसब तोरासबके सभाघरसबसे निकाइल देतौ। तोरासबके उपर अहिनङो समय एतौ, जे तोरासबके जानोसे मारैबला ‘परमेस्‍वरके सेबा करैचियै’ कैहके सोच्‍तै।

परेरित 21:20

पावलके बात सुनलाके बाद उसब परमेस्‍वरके इस्‍तुती करल्‍कै। तकरबाद उसब पावलके कहल्‍कै, “हौ पाबल भाइ, अते हजारो-हजार यहुदीसब परभुमे बिस्‍बास कैरके मोसाके देल बेबस्‍थाके करा साथ पालन करैछै।

परेरित 21:28

चिच्‍याके कहेलाग्‍लै, “आबु, आबु इजराएली बाबु-भैयासब, मदत करु! एह्‍या लोक चियै जे, जते-तते ज्‍याके अपनासब इजराएलीसबके बिरोधमे बोलैबला! मोसाके नियमके नै मान आ मन्‍दिरमे पुजो नै कर कैहके सिखाइबला एह्‍या चियौ। अतबेहेकरा नै यि औरो जातीके लोकसबके मन्‍दिरमे ढुक्‍याके पबितरो जगहके अपबितर कैरदेनेछै।”

परेरित 22:22

लोकसब पावलके यि बात “हम तोरा दुर-दुर गैर-यहुदीसबके बिचमे पठाइबौ, सुनते मातर” उसब जोर-जोरसे हल्‍ला करैत कहेलाग्‍लै, “दुनियासे अकर नाम निसान मेटा दहै। कथिलेत यि जिबित रहैके योग्‍यके नै छै।”

परेरित 22:3

तब पावल कहल्‍कै, “हम किलिकियाके टारसस सहरमे जलमल यहुदी चियै, महज हमर अहै यहुदी सहरमे गुरु जी गमलिएलके चरनमे सिक्‍छा-दिक्‍छा भेलै। हमसब पिते-पुरखासे मानैत ऐल धरमसास्‍तरके सिक्‍छा हम असलसे सिख्‍ने चियै। आइ अहाँसब परमेस्‍वरिय सेबा परति जतहेक उत्‍साह देखेने चियै, हम्‍हु ओतबेहेक उत्‍साह देखेने रहियै।

रोमी 10:1

हे हमर भाइ-भैयासब, इजराएलीसब मुक्‍ती पाबे कैहके हमर भितरी चाहना छै। तैल्‍याके हम अकरासबके लेल परमेस्‍वरसे परथना करैचियै।

रोमी 10:3

कथिलेत परमेस्‍वर लोकसबके आपन अगा धरमी ठहराबैबला तरिकाके उसब जान्‍बे नै करैछेलै, तैल्‍याके उसब धरमी ठहराबैबला तरिकाके असुइकार करल्‍कै। उसब आपने तरिकासे परमेस्‍वरके अगा धरमी ठहरैले ताकल्‍कै।

२ कोरन्‍थी 4:4

सैतान, जे अइ सन्‍सारके देबता चियै से महिमीत सुसमाचारके इजोतके नै देखे कैहके खिरिस्‍टमे बिस्‍बास नै करैबला लोकसबके बुझैबला सक्‍तीके आन्‍हर बन्‍यादेनेछै।

२ कोरन्‍थी 4:6

“अन्‍हारमे इजोत चम्‍के” कहैबला परमेस्‍वरे हमरासबके हिरदयमे इजोत चमकाइनेछै। अहैलेल परमेस्‍वरके महिमा महान चियै कैहके हमसब जानैचियै। साँचोके उ महिमामय ग्‍यानके इजोत खिरिस्‍टके चेहरामेछै।

२ कोरन्‍थी 8:3

कथिलेकी हम गबाही दैचियै कि, उसब आपन औकात अनुसार मातरे नै महज औकातोसे बहौत बेसि आपन राजिखुसीसे देल्‍कै।

गलाती 1:14

हम आपन जातीमे आ आपन तुरियामे ओइसबसे अगा भ्‍याके यहुदी धरमके पालन करैछेलियै आ हमर पिता-पुरखाके परमपरासबमे एकदम जोसगर छेलियै।

गलाती 4:15

ओइ बखत तुसब कतहेक खुसी छेल्‍ही, यदि मिलतियौ त ओइ बखत तुसब आपन आँखो निकाइलके हमरा देबे परतियौ त दैले तैयार हेत्‍ही। हम अकर गबाही चियौ। महज अखुन कथी भेलौ?

फिलिप्‍पी 1:9

हमर परथना एह्‍या चियै, कि तुसब परेम आ ठिक-बेठिक छुटयाबैबला बुइधमे झन-झन परसस्‍त कैरके बैढते जाय,

फिलिप्‍पी 3:6

जोसके बिसयमे कहबै त मन्‍डलीके सताबैबला, धारमिकताके बिसयमे कहबै त बेबस्‍थामे भेल धारमिकतासे हम निस्‍खोट ठहरलचियै।

कलस्‍सी 4:13

उ तोरासबके खातिर, लाउडिकिया आ हिरापोलिसके लोकसबके खातिर बहौत मेहनत करनेछौ। हम यि बातके गबाही चियौ।