रोमी 10:10 - मध्‍य पुरविया थारू

¹⁰ कथिलेत लोक आपन हिरदयसे बिस्‍बास कैरके परमेस्‍वरके अगा धरमी ठहरैछै आ बिस्‍बास करल बात आपन मुहसे सुइकार कैरके उधार पाबैछै।

रोमी 10:10 ပူးပေါင်းရင်းမြစ်များ

मरकुस 9:23

तब येसु ओकरा कहल्‍कै, “कथिले सक्‍बै कहैचिही? बिस्‍बास करैबलाके लेल सबकुछ सम्‍भब हैछै।”

लुका 8:15

महज हलगर माटीमे परैबला उसब चियै, जे कोइ परमेस्‍वरके बचन सुनैछै आ आग्‍याकारी भ्‍याके मनेमे राखैछै आ दुख सहियोके बहौतरा फल फराइछै।”

परेरित 8:37

[फिलिप जबाब देल्‍कै, “यदी अहाँ पुरा मनसे बिस्‍बास करैचियै त बप्‍तिस्‍मा ल्‍यासकैचियै।” उ कहल्‍कै, “हम बिस्‍बास करैचियै जे येसु खिरिस्‍टे परमेस्‍वरके बेटा चियै।”]

रोमी 10:11

कथिलेत पबितर धरमसास्‍तरमे एहेन लिखल छै, “ओकरमे बिस्‍बास करैबला कहियो लाजमे नै परतै।”

रोमी 10:9

यदि तु येसुके हमर परभु चियै कैहके आपन मुहसे सुइकार करबिही आ परमेस्‍वर ओकरा मरलसे जिबित करल्‍कै कैहके आपन हिरदयमे बिस्‍बास करबिही त तोहर उधार हेतौ।

गलाती 2:16

तैयो लोक बेबस्‍था पालन कैरके धरमी नै ठहरैछै महज खिरिस्‍ट येसुमे भेल बिस्‍बास दुवारा धरमी ठहरैछै कहैबला बात जाइनके हमसब आपनेसे सेहो बेबस्‍थाके काम दुवारा नै बरु खिरिस्‍टके बिस्‍बास दुवारा धरमी ठहरलचियै कैहके येसु खिरिस्‍टमे बिस्‍बास करलियै कथिलेकी बेबस्‍थाके काम दुवारा कोइयो नै धरमी ठहरल जेतै।

फिलिप्‍पी 3:9

ताकी पुरा रुपसे हम ओकरमे एक भ्‍यासकी। बेबस्‍था पालन कैरके परमेस्‍वरके अगा हम धरमी हैले नै सक्‍बै महज आब खिरिस्‍टमे बिस्‍बास करलासे परमेस्‍वरे हमरा धरमी ठहराइल्‍कै। यि धारमिकता बिस्‍बासमे अरल छै।

हिबरु 10:22

उ आपन लहुके छिटकासे अपनासबके हिरदयके सुध करने छै आ सुध पानीसे अपनासबके देहके धुवाइनेछै। ओहैसे अपनासब साँचो हिरदय आ पक्‍का भरोसाके साथ परमेस्‍वरके लग चल।

हिबरु 3:12

हे पिरिय भाइ-भैयासब, होसियार रह। तोरासबमेसे ककरोमे भेल दुस्‍ट आ अबिस्‍बासी हिरदय तोरासबके जिबित परमेस्‍वरसे दुर नै लजाबे।

१ युहन्‍ना 4:15

येसुवे परमेस्‍वरके बेटा चियै कैहके सुइकार करैबला लोकमे परमेस्‍वर बास करैछै आ उ लोक परमेस्‍वरमे बास करैछै।

परकास 2:13

हमरा थाहछै, तुसब सैतानके सिंहासन भेल ठाममे रहैचिही, तैयो तुसब हमर नाममे अस्‍थिर रहैचिही। तुसब हमर भक्‍त चिही आ हमरा बिस्‍बास करैले नै छोरनेचिही से हमरा थाहछै। हमर बिस्‍बासी साक्‍छी एन्‍टिपास सैतान रहैबला ठाममे मारलगेलै, ओहु समयमे बिस्‍बास करैले नै छोरलिही।