रोमी 1:9 - मध्‍य पुरविया थारू

⁹ हम आपन पुरे मनसे परमेस्‍वरके बेटाके बारेमे सुसमाचार परचार कैरके सेबा करैचियै। हम आपन परथनामे तोरासबके सबदिन सम्‍झैचियौ से बातके साक्‍छी परमेस्‍वर आपने चियै।

रोमी 1:9 ပူးပေါင်းရင်းမြစ်များ

मरकुस 1:1

परमेस्‍वरके बेटा येसु खिरिस्‍टके सुसमाचार अनङके सुरु हैछै।

लुका 18:1

तकरबाद चेलासबके सबदिन परथना करे आ निरास नै हेबे कैहके येसु ओइसबके एकटा खिसा कहल्‍कै,

परेरित 12:5

पतरुस जहलमे छेलै महज ओकरलेल मन्‍डलीके सबकोइ गम्‍भीर भ्‍याके परमेस्‍वरसे निरन्‍तर परथना कैररहल छेलै।

परेरित 19:21

तकरबाद पावल पबितर आत्‍माके अगुवाइमे माकेडोनिया आ अखैया इलाका हैत यरुसलेम जाइके निरनय करल्‍कै। उ कहल्‍कै, “ओते पुग्‍लाकेबाद हमरा रोम सहरमे जाइए परतै।”

परेरित 24:14

हँ, हम सुइकार करैचियौ कि, परभुके रस्‍तामे हम चलैचियै, जकरा उसब झुठा पन्‍थ कहैछै। हम आपन पुरखासबके परमेस्‍वरके आराधना करैचियै आ मोसाके देल बेबस्‍था आ अगमबक्‍ताके किताबमे लिखल बमौजी सब बातमे बिस्‍बास करैचियै।

परेरित 27:23

आइएके रातमे, हम जै परमेस्‍वरके चियै आ जेकर हम सेबा करैचियै ओकर स्‍वरगदुत हमरलग खरा भ्‍याके कहल्‍कै कि,

परेरित 3:26

तैहनङे परमेस्‍वर आपन सेबक येसुके ठार कैरके सबसे पहिने अहैसब लग पठेल्‍कै जैसे उ ओइसबके पापके रस्‍तासे घुम्‍याके आसिस देल्‍कै।”

रोमी 9:1

हमर कहल बात सत छै, झुठ नै, कथिलेत हम खिरिस्‍टके लोक चियै। पबितर आत्‍माके अधिनमे रहल हमर बिबेक हम झुठ नै बोलैचियै कैहके साक्‍छी दैछै।

२ कोरन्‍थी 1:23

हम परमेस्‍वरके साक्‍छी माइनके कहैचियौ कि, तोरासबके हपकाइले नै परे कैहके हम फेरसे कोरिन्‍थ सहरमे नै एलियै।

२ कोरन्‍थी 11:31

परभु येसुके परमेस्‍वर आ पिता, जे सबदिन धैनके चियै, उ जानैछै कि हम झुठ नै बाजैचियै।

गलाती 1:20

हमर लिखल बात साँच चियै आ हम झुठ नै बोलैचियै से परमेस्‍वर जानैछै।

एफिसी 6:18

तुसब पबितर आत्‍माके सक्‍तीमे हर बखत परमेस्‍वरसे परथना कर। होसियार आ लगनसिल भ्‍याके हरदम खिरिस्‍टके पबितर जनसबके खातिर परथना करैतरह।

फिलिप्‍पी 1:3

जब हम तोरासबके याद करैचियौ तब हम आपन परमेस्‍वरके धन्‍यबाद दैचियै।

फिलिप्‍पी 1:4

हम तोरासबके लेल परथना करैबेर खुसीसे सबदिन परथना करैचियौ।

फिलिप्‍पी 2:22

तोरासबके थाहे छौ, कि तिमोथीके बेबहार असल छै। जनङ बेटा आपन बाबुके साथ दैछै तहिनङे उ हमरसङे सुसमाचार परचारके काममे हमरा साथ देल्‍कै।

फिलिप्‍पी 3:3

सत हिसाबसे खतना करैबला त हम्‍हीसब चियै कथिलेत पबितर आत्‍मासे परमेस्‍वरके आराधना करैचियै आ खिरिस्‍ट येसुमे हमसब गर्‌ब करैचियै। हमसब बाहरके कोनो रितिथितीमे भरोसा नै करैचियै।

१ थेसलोनिकी 1:2

तोरा सबगोराके लेल हमसब परमेस्‍वरमे सबदिन परथनामे याद करैत धन्‍यबाद दैचियै।

१ थेसलोनिकी 3:10

तोरासबसे फेनु आमने-सामने भेटके औरो सिखाबेसकी ताकि तोरासबमे जे-जे बातके कमि छौ उ बात पुरा हेबे से उदेस्‍यसे हमसब रातदिन जोरदारसे परथना करैचियै।

१ थेसलोनिकी 5:17

लगातार परथना करैतरह।

१ तिमोथी 2:7

अहै बातके परचार करैके लेल परमेस्‍वर हमरा एकटा परचारक आ परेरित हैकेलेल चुनल्‍कै। गैर-यहुदीसब येसुमे बिस्‍बास करे तै उदेस्‍यसे ओइसबके सत बात सिखाइके लेल उ हमरा पठेल्‍कै। हम एकोरती बरह्‍या-चरह्‍याके नै कहैचियौ, हम त सत बात कहैचियौ।

२ तिमोथी 1:3

हम तोरा आपन परथनामे याद करैचियौ आ हम हरदम परमेस्‍वरके धन्‍यबाद दैचियै। जनङ हमर पुरखासब परमेस्‍वरके सेबा-टहल करने छेलै, तैहनङ हम्‍हु सुध बिबेकसे करैचियै।

फिलेमोन 1:4

जब-जब हम आपन परथनामे तोरा याद करैचियौ तब-तब परमेस्‍वरके हरदम धन्‍यबाद दैचियै।