रोमी 1:20 - मध्‍य पुरविया थारू

²⁰ सन्‍सारके सिरिस्‍टी हैतकालसे ओकर बन्‍याल चिजसबसे लोकसब परमेस्‍वरके जानैले सक्‍तै। परमेस्‍वरके अनन्‍त सक्‍ती आ इस्‍वरीय स्‍वभावसब जखा नै देखाइबला गुनसब सेहो उसब सिरिस्‍टी करल चिजसबसे साफ-साफ बुझैले सक्‍तै। ओहैसे ओइसबके बहाना बनाबैबला कोनो कारन नै छै।

रोमी 1:20 ပူးပေါင်းရင်းမြစ်များ

मतीके लिखल सुसमाचार 5:45

तब तुसब स्‍वरगमे रहैबला पिताके धियापुता हेब्‍ही। उ दुस्‍ट आ सज्‍जन दुनुके सुरुजके इजोत दैछै, तैहनङे धरमी आ पापी दुनु उपर पानी बरसाइछै।

मरकुस 10:6

महज परमेस्‍वर सुरुवेसे लोकके मरद आ जनी कैरके उसबके सिरिस्‍टी करने रहै।

युहन्‍ना 1:18

परमेस्‍वरके कोइ नै कहियो देखनेछै। महज पिताके लगमे रहैबला ओकर एकलौता बेटा ओकरा हमरासबलग परगट करने छै।

युहन्‍ना 15:22

“यदी हम आइबके नै कहने रहतियै त पापके दोसी नै हेतियै, महज आब आपन पापके लेल बहाना करैबला कोनो ठाम नै छै।

परेरित 17:29

अहिनङे अपनासब परमेस्‍वरके धियापुता भेलाके कारन, परमेस्‍वरके लोकसबके आपन बुधि आ कलासे बन्‍याल पथल, सोना आ चानीके मुरती जखा नै सम्‍झु।

परेरित 22:1

“हौ भाइ-भैयारी आ बाबुसब, अहाँसबके अगा हम आपन तरफमे जे कहैले चाहैचियै से सुनु।”

रोमी 1:19

परमेस्‍वरके बारेमे जानैबला बातसब ओइसबके थाहेछै, कथिलेकी परमेस्‍वर ओइसबके उ बात परस्‍ट कैरदेनेछै।

रोमी 16:26

अकर बारेमे अनन्‍त परमेस्‍वरके आग्‍या अनुसार अगमबक्‍तासबके लिखल बात सब जातिके लोकसब लग अखुन परकट भेल छै ताकी उसब बिस्‍बास करे आ ओकर आग्‍या पालन करे।

रोमी 2:1

हे लोकसब, कि तु दोसरके दोस लगाइचिही? तोरासबमेसे चाहे जे कोइ हेबे दोसी नै चियै कैहके बहाना करैबला कोनो कारन नै छौ। दोसरके दोस लगाइबला तु आपनेके दोसी ठहरबिही, कथिलेत जे कामके लेल दोसरके दोस लगाइचिही, उ काम तु आपने करैचिही।

रोमी 2:15

ओकरासबके हिरदयमे बेबस्‍थाके बातसब लिखलछै कैहके ओकरासबके चालचलनसे देखाबैछै। कथिलेत ओकरासबके बिबेकसे कोनोबेर आपनेके दोख लगाबैछै त कोनोबेर ठिक छै कहैछै।

१ कोरन्‍थी 1:20

बुधिमान लोक कते छै? धरमगुरु कते छै? अइ जुगके तरक-बितरक करैबला कते छै? कि परमेस्‍वर यि सन्‍सारके बुइधके मुरुख नै कैरदेल्‍कै?

कलस्‍सी 1:15

खिरिस्‍ट त नै देखैबला परमेस्‍वरके देखैबला रुप चियै। उ सारा सिरिस्‍टीके उपर अधिकार करैछै।

कलस्‍सी 2:9

कथिलेत परमेस्‍वरके सारा परिपुर्‌नता खिरिस्‍टके देहमे बास करैछै।

१ तिमोथी 1:17

जुगो-जुगके रजा, अमर, देखा नै परैबला एक मातरे परमेस्‍वरके आदर-भाव आ महिमा सबदिन हैते रहे। आमेन।

१ तिमोथी 6:16

उ अजर-अमर रहैबला आ उ एहेन इजोतमे बास करैछै जकर लगमे कोइ नै जाइले सकैछै। ओकरा कोइयो नै देखने छै आ नै देखे सक्‍तै। सब आदर आ सब सक्‍ति, सबदिन ओकरे चियै। आमेन।

हिबरु 11:27

रजाके करोधसे नै डगमगाके बिस्‍बासकेसाथ उ मिसरदेस छोरल्‍कै। कथिलेकी आँखसे देखैले नै सकैबला परमेस्‍वरके देखल जखा कैरके उ पछा दिसन नै घुमलै।

हिबरु 9:14

खिरिस्‍टके लहुसे औरो कतेक बेसीसे तोरासबके बिबेकके मरल कामसबसे सुध करतौ ताकि तुसब जिबित परमेस्‍वरके सेबा करैले सक। कथिलेत उ अनन्‍त आत्‍मासे आपनेके दाग नै लागल बलिके रुपमे परमेस्‍वरके अरपन करल्‍कै।