रोमी 1:12 - मध्‍य पुरविया थारू

¹² हमर बिस्‍बाससे तोरासबके आ तोरासबके बिस्‍बाससे हमरा उत्‍साह मिले कैहके हमर इक्‍छाछै।

रोमी 1:12 ပူးပေါင်းရင်းမြစ်များ

परेरित 11:23

बरनाबास ओते एलै आ परमेस्‍वर ओइसबके मन्‍डली उपर करल किरपा देखके खुसी भेलै। तुसब पुरा हिरदयसे परभुके बिस्‍बासमे बरहैत रह कैहके उत्‍साह देल्‍कै।

रोमी 1:11

पबितर आत्‍मासे मिलल आसिस तोरासबसङे बाइटके बिस्‍बासमे बलगर बनाइले सकी कैहके तोरासबसे भेटैके खुब इक्‍छाछै।

रोमी 1:13

हे हमर भाइ-भैयासब, तोरासबके यि थाह हेबे कैहके हम चाहैचियौ कि, तोरासबके लग बहुतो बेर आबैले चाहलियै, महज कोनो न कोनो कारनबस अखुनतक आबैले नै सकल चियै। हम औरो ठामके गैर-यहुदीसबके खिरिस्‍टमे बौकार बन्‍याल जखा तोरोसबके बौकार बनाइले खुब इक्‍छाछै।

रोमी 15:24

ओहैसे हम इस्‍पेन परदेस जाइबखत बाटेमे तोरासबके भेटैके आसा करनेचियौ आ कुछ समय तोरासबसङे बिताबैके इक्‍छा करनेचियै। तब हमरा तुसब इस्‍पेन परदेस जाइले सहायता करबिही से आसा हम करनेचियौ।

रोमी 15:32

यदि परमेस्‍वरके इक्‍छा हेतै त हम खुसीसे तोरासबलग एबौ आ तोरासबसङे संगती कैरके आनन्‍द मनाइबौ।

२ कोरन्‍थी 7:13

अहैकारन हमरासबके सान्‍तबना मिललछै। हमरासबके भेटल आपने सान्‍तबना बाहेक तितसके आनन्‍दमे हमसब बेसी रमाहट भेलियै, कथिलेकी तोरासबके बेबहारसे ओकर मनके सान्‍ती मिललछै।

एफिसी 4:5

एके परभु, एके बिस्‍बास आ एके बप्‍तिस्‍मा छै।

२ तिमोथी 1:4

जब तोहर चुबल लोरके याद आबैछौ, तब तोहरसे भेट करैले मन लागैछै ताकी तोहर सङे भेटके हम खुसी हेतियै।

तितस 1:4

तितस, हमे तोरा यि चिठी लिखैचियौ। साँचोके तु हमर आपने बेटा जखा चिही कथिलेकी तोहर आ हमर बिस्‍बास एके चियौ। परमेस्‍वर पिता आ अपनासबके मुक्‍तीदैबला येसु खिरिस्‍ट तोरा अनुगरह आ सान्‍ती देबे।

२ पतरुस 1:1

हम सिमोन पतरुस, येसु खिरिस्‍टके दास आ परेरितके तरफसे अपनासबके परमेस्‍वर आ मुक्‍ती दैबला येसु खिरिस्‍टके धारमिकतासे अपनेसब जखा अनमोल बिस्‍बास पाबैबलासबके लेल यि चिठी लिखरहल चियै।

२ युहन्‍ना 1:4

तोहर धियापुतासबमेसे कतहेक गोरा परमेस्‍वरके देल आग्‍या बमौजी सतके रस्‍तामे चलैत देखके हमरा बहौत खुसी लागल।

यहुदा 1:3

हे पिरिय भाइ-भैयासब, तोरासबके आ अपनासबके भेटल मुक्‍तीके बारेमे हमरा लिखैले बहौत बरका इक्‍छा छेलै, महज आब पबितर जनसबके सबदिनके लेल सोपल बिस्‍बासके रक्‍छा कर कैहके निबेदन करैले तोरासबके लिखैले हम आबसेक बुझलियै।