रोमी 1:1 - मध्‍य पुरविया थारू

¹ हम पावल, येसु खिरिस्‍टके दास, यि चिठी लिखैचियौ। परमेस्‍वर हमरा परेरित हैले बोलाइल्‍कै आ ओकर सुसमाचार परचार करैले अलग करने छै।

रोमी 1:1 ပူးပေါင်းရင်းမြစ်များ

मरकुस 1:14

जब युहन्‍ना जहलमे परलै तब येसु गालिल इलाकामे गेलै आ परमेस्‍वरके सुसमाचार परचार करल्‍कै।

युहन्‍ना 12:26

जे हमर सेबा करैले चाहैछै उ हमर पछा आबे आ हम जते रहबै ओते हमर सेबक सेहो रहतै। जे कोइ हमर सेबा करैछै हमर पिता तकरा आदर करतै।

युहन्‍ना 15:15

आबसे हम तोरासबके नोकर नै कहबौ, कथिलेकी मालिक कथी कैररहलछै से नोकर नै जानैछै। महज हम तोरासबके सङी कैहरहल चियौ, कथिलेकी हमर पितासे हम जे सुन्‍ने चियै से सब तोरासबके कैहदेने चियौ।

युहन्‍ना 15:20

हम जे बातसब कहलियौ तै बातसबमे गौरसे बिचार कर कि ‘नोकर आपन मालिकसे बरका नै हैछै।’ सन्‍सारके लोकसब हमरा त सतेल्‍कै उसब तोरोसबके सताइतौ। यदी सन्‍सारके लोकसब हमर बात मान्‍तै त, तोरोसबके बात सेहो मान्‍तौ।

परेरित 13:9

महज साउल, जकरा पावल सोहो कहैछेलै, उ पबितर आत्‍मासे भरपुर भ्‍याके ओइ जादुगरके एकटक लग्‍याके ताकैत कहल्‍कै,

परेरित 20:24

महज हम आपन जिबनके कोनो मोलके नै मानैचियै। अतबेहेक मातर चाहैचियै कि, परमेस्‍वर लोकसबके अनुगरह देने छै से सुसमाचार करैले हम अन्‍ततक दौरबरहा करी आ परभु येसुसे मिलल सेबाके काम पुरा करेसकी।

परेरित 21:40

सेनापती अनुमति देल्‍कै तब पावल सिरहीमे ठार भ्‍याके हाथसे सान्‍त हैले इसरा करल्‍कै। जब लोकसब सान्‍त भेलै तब पावल हिबरु भसामे बोलैले लाग्‍लै।

परेरित 22:21

महज परभु हमरा कहल्‍कै, ‘तु जो, कथिलेत हम तोरा दुर-दुर गैर-यहुदीसबके बिचमे पठाइबौ।’”

परेरित 22:7

हम भुइयामे खैस परलियै। तहै बखत हम एकटा एहेन अबाज सुनलियै, ‘साउल, ऐ साउल तोहे हमरा कथिले सताबैचिही?’

परेरित 26:1

तकरबाद अगरिपास पावलके कहल्‍कै, “अहाँके आपन पक्‍छमे बोलैके अनुमति छै।” तब पावल आपन हाथ पसारके आपन सफाइ देबेलाग्‍लै-

परेरित 26:14

सबगोरे जमिनपर खैस परलियै। तहै बखत हम हिबरु भसामे एहेन कहैत सुनलियै, ‘साउल, ऐ साउल, तु हमरा कथिले सताइचिही? तु हमर बिरोध कैरके आपनेमे कथिले दुख उठ्‍यारहल चिही।’

परेरित 27:23

आइएके रातमे, हम जै परमेस्‍वरके चियै आ जेकर हम सेबा करैचियै ओकर स्‍वरगदुत हमरलग खरा भ्‍याके कहल्‍कै कि,

परेरित 9:15

महज परभु ओकरा कहल्‍कै, “जो, कथिलेकी साउल गैर-यहुदीसब, रजासब आ इजराएलीसबके सामने हमर नामके परचार करैबला उ हमर छानल लोक चियै,

रोमी 1:16

हमरा यि सुसमाचार सुनाइले लाज नै लागैछै, कथिलेकी बिस्‍बास करैबला सबलोकके मुक्‍ती दैकेलेल यि सुसमाचार परमेस्‍वरके सक्‍ती चियै, जे पहिने यहुदीसबके लेल आ बादमे गैर-यहुदीयोसबके लेल चियै।

रोमी 1:5

अपनासबके परभु येसु खिरिस्‍ट दुवारा परमेस्‍वर अपनासबके अनुगरह कैरके परेरित बनेल्‍कै। सब जातीके लोकसब बिस्‍बास करे आ ओकर कहल बात माने कैहके हमरा ओकर नाउमे पठाइनेछै।

रोमी 1:9

हम आपन पुरे मनसे परमेस्‍वरके बेटाके बारेमे सुसमाचार परचार कैरके सेबा करैचियै। हम आपन परथनामे तोरासबके सबदिन सम्‍झैचियौ से बातके साक्‍छी परमेस्‍वर आपने चियै।

रोमी 11:13

आब हम गैर-यहुदीसबके कहैचियौ, हम त गैर-यहुदीसबमे सुसमाचार परचार करैके लेल खिरिस्‍टके एक परेरित चियै। हम आपन यि सेबाके बिसेस महत्‍व दैचियै।

रोमी 15:16

आ हमरा गैर-यहुदीसबके सुसमाचार सुनाइले खिरिस्‍टके सेबक बनाइनेछै। जनङ पुजारी परमेस्‍वरके अगा मनपरैबला भेटी चरहाबैछै तहिनङे हम्‍हु पुजारीके सेबा पुरा करैचियै। गैर-यहुदीसबके परमेस्‍वर लग लाबैले आ उसब पबितर आत्‍मासे सुध भ्‍याके परमेस्‍वरके मनपरैबला भेटी हेबे कैहके हम परमेस्‍वरके सुसमाचार सुनाबैचियै।

रोमी 15:29

जब हम तोरासबलग एबौ, तब येसु खिरिस्‍टके देल भरपुर आसिस ल्‍याके एबौ।

रोमी 16:18

कथिलेत एहेन लोकसब अपनासबके परभु येसु खिरिस्‍टके नै महज आपन पेटके लेल सेबा करैछै। उसब निक-निक बात बन्‍याके सिधासाधा लोकसबके ठगैछै।

रोमी 16:25

आब अपनासबके परमेस्‍वरके आदर आ सम्‍मान हेबे। हमर करल खिरिस्‍टके सुसमाचार परचारसे उ तोरासबके बिस्‍बासमे बलगर बनाइले सकलछै। येसु खिरिस्‍टके बारेमे हमर करल परचार, जे जुगो-जुगसे घोसाइरके राखल छेलै, आब परकट भेलछै।

१ कोरन्‍थी 1:1

हम पावल, परमेस्‍वरके इक्‍छासे खिरिस्‍ट येसुके परेरित हैकेलेल बोल्‍याल गेल चियै। हमरसङे अपनासबके भाइ सोस्‍थेनेसके तरफसे सेहो यि चिठी लिखैचियौ।

१ कोरन्‍थी 9:1

कि हम स्‍वतन्‍तर नै चियै से? कि हम परेरित नै चियै से? कि हम परभु येसु खिरिस्‍टके नै देखलियै से? कि तुसब परभुमे हमर कामके परतिफल नै चिही से?

२ कोरन्‍थी 1:1

हम पावल, परमेस्‍वरके इक्‍छासे खिरिस्‍ट येसुके परेरित हैकेलेल बोल्‍याल आ अपनासबके भाइ तिमोथीसे सेहो, कोरिन्‍थ सहरमे रहल परमेस्‍वरके मन्‍डलीके आ अखैया परदेसके चारुदिसन रहैबला खिरिस्‍टके पबितर जनसबके यि चिठी लिखैचियौ।

२ कोरन्‍थी 11:5

आपनके “महान परेरितसब” सम्‍झैबला ककरोसे हम कम नै सोचैचियै।

२ कोरन्‍थी 11:7

तोरासबके बरका बनाबैके लेल हम आपनके छोट बैनके परमेस्‍वरके सुसमाचार फोकटमे सुनाइलियौ त कि हम पाप करलियै?

२ कोरन्‍थी 12:11

हम त मुरुख जखा भेलियै, महज तुहिसब हमरा एहेन करैले कर लगेलिही। बास्‍तममे तोरेसबके हमर पक्‍छमे निक बात बोलैले परतियौ, कथिलेत हम किछो नै छेलियै तैयो महान परेरितसबसे त हम कम नै चियै।

२ कोरन्‍थी 2:12

जब हम तरोआस सहरमे खिरिस्‍टके बारेमे सुसमाचार परचार करैले एलियै तब परभु हमर लेल दुवार खोइलदेने छेलै।

२ कोरन्‍थी 4:5

हमसब आपने बारेमे परचार नै करैचियै, महज येसुके खातिर हमसब तोरासबके सेबक भ्‍याके, येसु खिरिस्‍टे परभु चियै कैहके परचार करैचियै।

गलाती 1:1

हम पावल, परेरित हैले लोकसबसे या कोनो लोकसे नै एलचियै, महज येसु खिरिस्‍टसे आ ओकरा मरलसे जियाइबला परमेस्‍वर पितासे पठालगेल चियै।

एफिसी 1:1

हम पावल, परमेस्‍वरके इक्‍छासे येसु खिरिस्‍टके परेरित, एफिसस सहरमे रहैबला आ येसु खिरिस्‍टमे बिस्‍बास करैबला पबितर लोकसबके यि चिठी लिखैचियौ।

एफिसी 1:13

तहिनङे तु गैर-यहुदीसब मुक्‍ती दैबला सतके बचन अरथात सुसमाचार सुइनके खिरिस्‍टमे बिस्‍बास करलिही। आपन परतिग्‍या करलहा पबितर आत्‍माके छाप तोरासबके लग्‍यादेनेछौ।

एफिसी 4:11

वह्‍या ककरो आपन परेरितसब, ककरो अगमबक्‍तासब, ककरो परचारकसब, ककरो मन्‍डलीके देख-भाल करैबला पास्‍टरसब आ ककरो सिक्‍छकसब नियुक्‍त करल्‍कै।

फिलिप्‍पी 1:1

हम पावल आ तिमोथी, येसु खिरिस्‍टके दास, फिलिप्‍पी सहरमे रहैबला परमेस्‍वरके पबितर जनसब, मन्‍डलीके रेख-देख करैबलासब आ डिकनसबके यि चिठी लिखैचियै।

फिलिप्‍पी 2:11

सबकोइ परमेस्‍वर पिताके महिमाके लेल येसु खिरिस्‍टके परभु कैहके सुइकार करेपरतै।

कलस्‍सी 1:1

हम पावल, परमेस्‍वरके इक्‍छासे येसु खिरिस्‍टके परेरित आ अपनासबके भाइ तिमोथीके तरफसे,

कलस्‍सी 1:25

परमेस्‍वर हमरा तोरासबके भलाइके खातिर सेबक बनाइनेछै आ ओकर बचन पुरा-पुरी परचार करैके जिम्‍मा देनेछै।

१ थेसलोनिकी 2:2

तोरासबलग आबैसे पहिने हमसब फिलिप्‍पी सहरमे कनङके दुख भोगलियै आ अपमानित भेलियै से तोरासबके थाहे छौ। तैयो बहौत गोरा बिरोधी रहितोपरभी परमेस्‍वरमे साहस कैरके हमसब तोरासबके सुसमाचार सुनेलियौ।

१ थेसलोनिकी 2:8

हमसब तोरासबके बेसी परेम करलाके कारन परमेस्‍वरके सुसमाचार मातरे नै बल्‍की आपन परानो तक दैले तयार भेलियै। कथिलेकी तुसब हमरासबके लेल कतेक पिरिय भेल छेल्‍ही।

१ थेसलोनिकी 2:9

भाइसब, हमरासबके कस्‍ट आ मेहनत तोरासबके थाहे छौ। तुसब परमेस्‍वरके सुसमाचार सुनाइबखत ककरो उपर भार नै परौक कैहके हमसब आपन खर्‌च-बर्‌च करैले दिन-रात खैटके काम करलियै।

१ तिमोथी 1:1

हमरा मुक्‍ती दैबला परमेस्‍वर आ आसा दैबला येसु खिरिस्‍टके आग्‍या अनुसार नियुक्‍त भेल हम पावल, येसु खिरिस्‍टके परेरित यि चिठी

१ तिमोथी 2:7

अहै बातके परचार करैके लेल परमेस्‍वर हमरा एकटा परचारक आ परेरित हैकेलेल चुनल्‍कै। गैर-यहुदीसब येसुमे बिस्‍बास करे तै उदेस्‍यसे ओइसबके सत बात सिखाइके लेल उ हमरा पठेल्‍कै। हम एकोरती बरह्‍या-चरह्‍याके नै कहैचियौ, हम त सत बात कहैचियौ।

२ तिमोथी 1:11

एह्‍या सुसमाचार सुनाइके खातिर हम परचारक, परेरित आ गुरु नियुक्‍त भेलचियै।

तितस 1:1

हम पावल परमेस्‍वरके सेबक आ येसु खिरिस्‍टके परेरित यि चिठी लिखरहलचियै। परमेस्‍वरके चुनल लोकसबके बिस्‍बासमे बलगर बनाइले आ ओइसबके सतके ग्‍यान दैले परमेस्‍वर हमरा पठेल्‍कै। उ ग्‍यान परमेस्‍वरके इक्‍छा अनुसार जिबन जियैले सहायता करैछै।

हिबरु 5:4

कोइ नै आपनेसे परधान पुजारी भ्‍याके आदर पाबैले सक्‍तै, महज परधान पुजारी हारुने जखा परमेस्‍वरके बोल्‍याल लोकसब मातरे पाबैले सक्‍तै।

हिबरु 7:26

अपनासबके लेल अहिनङे परधान पुजारीके आबसेक्‍ता छै। जे पबितर, निरदोस, सुधछै। परमेस्‍वर ओकरा पापी लोकसबसे छुटियाके सबसे उपर स्‍वरगमे राखल्‍कै।

याकुब 1:1

हम याकुब, परमेस्‍वर आ परभु येसु खिरिस्‍टके सेवक यि चिठी चारुदिसन तितर-बितर भेल्‍हा यहुदी खिरिस्‍टीयनसबके लिखैचियौ। तोरासबके हमर गोरलगीछौ।

१ पतरुस 4:17

नियाय हैबला समय आइबगेल छै आ यि नियाय परमेस्‍वरके आपने लोकसबसे सुरु हेतै। हमरासबके नियाय हैछै त, परमेस्‍वरके सुसमाचार कहियो नै बिस्‍बास करैबलाके दसा केहन हेतै?

२ पतरुस 1:1

हम सिमोन पतरुस, येसु खिरिस्‍टके दास आ परेरितके तरफसे अपनासबके परमेस्‍वर आ मुक्‍ती दैबला येसु खिरिस्‍टके धारमिकतासे अपनेसब जखा अनमोल बिस्‍बास पाबैबलासबके लेल यि चिठी लिखरहल चियै।

यहुदा 1:1

हम यहुदा, येसु खिरिस्‍टके सेबक आ याकुबके भाइ, परमेस्‍वर पितासे बोल्‍याल आ येसु खिरिस्‍टसे रक्‍छा पाबलहासबके यि चिठी लिखैचियै।

परकास 1:1

यि किताबमे भेल बातसब येसु खिरिस्‍ट परकट करने छै। परमेस्‍वर आपन सेबकसबके जल्‍दीए हैबला घटनासबके बारेमे बुझैले सके कैहके येसुके परकट करल्‍कै। येसु खिरिस्‍ट यि बात कहैके लेल एकटा स्‍वरगदुतके पठाके आपन सेबक युहन्‍नाके परकट करल्‍कै।

परकास 22:6

तकरबाद उ स्‍वरगदुत हमरा कहल्‍कै, “यि बचन बिस्‍बासयोग्‍य आ सत छै। अगमबक्‍तासबके पबितर आत्‍मा दैबला परभु परमेस्‍वर आपन सेबकसबके आब जल्‍दिए हैबला घटनासब देखाइके लेल स्‍वरगदुतके पठाइल्‍कै।”

परकास 22:9

महज उ हमरा कहल्‍कै, “हमरा आराधना नै कर। हम त तोहर आ अगमबानी बोलैबला तोहर भाइ-भैया आ यि किताबके बचन पालन करैबलासब जखा परमेस्‍वरके सेबक मातरे चियै। परमेस्‍वरके मातरे आराधना कर!”