परकास 9:4 - मध्‍य पुरविया थारू

⁴ ओइसबके घास या गाछसबके कोनो हानी नै कर महज कपारमे परमेस्‍वरके छाप नै लागल लोकसबके मातरे नोक्‍सानी करिहे कैहके आदेस देल्‍कै।

परकास 9:4 ပူးပေါင်းရင်းမြစ်များ

मतीके लिखल सुसमाचार 24:24

कथिलेत झुठा खिरिस्‍ट आ झुठा अगमबक्‍तासब देखा परतौ। सम्‍भब त अचमके कामसब आ चेन्‍हासब देख्‍याके परमेस्‍वरके छानल लोकसबके बहकेतौ।

एफिसी 4:30

परमेस्‍वरके पबितर आत्‍माके दुखी नै बना, कथिलेत पबितर आत्‍मा तोरासबके छुटकाराके दिनके खातिर भेटल छाप चियौ।

परकास 14:1

तब हम सियोन पहारमे थुमा ठारभेल देखलियै। ओकरसङे एक लाख चौबालिस हजार लोकसब छेलै, जकरासबके कपारमे ओकर नाम आ ओकर पिताके नाम लिखल छेलै।

परकास 6:6

उ चार जिबित परानीसबके बिचसे एकटा एहैन आबाज सुनलियै, “एक दिनके बोन एक किलो गहुम आ एक दिनके बोन तिन किलो जौ हैछै, महज जैतुनके तेल आ अङगुरके मधके नोकसानी नै करिहे।”

परकास 7:1

तकरबाद पिरथिबीमे, समुन्‍दरमे आ कोनो गाछ-बिरिछमे हबा नै लागे कैहके चारटा स्‍वरगदुतसब पिरथिबीके चारु कातके हबाके रोइकके पिरथिबीके चारु कोनमे ठारभेल हम देखलियै।

परकास 8:7

पहिल्‍का स्‍वरगदुत आपन तुरही फुकल्‍कै त लहुसङे मिझराइल पथल आ आइग पिरथिबीमे बरसलै। जकर कारन पिरथिबीके एक तिहाइ भाग, गाछसबके एक तिहाइ भाग आ सब हरियर घास-पतार डैहगेलै।