परकास 7:2 - मध्‍य पुरविया थारू

² जिबित परमेस्‍वरके लाहट लेके एकटा स्‍वरगदुत पुरुबसे उपर दिसन आबैत हम देखलियै। पिरथिबी आ समुन्‍दरके नोक्‍सान करैबला अधिकार पाबलहा चारटा स्‍वरगदुतसबके उ जोरसे अनङ कहल्‍कै,

परकास 7:2 ပူးပေါင်းရင်းမြစ်များ

मतीके लिखल सुसमाचार 16:16

सिमोन पतरुस जबाफ देल्‍कै, “अहाँ त खिरिस्‍ट चियै, जिबित परमेस्‍वरके बेटा।”

मतीके लिखल सुसमाचार 26:63

महज येसु चुपचाप रहलै। तब फेनो परधान पुजारी सबाल करल्‍कै, “तु जिबित परमेस्‍वरके किरिया ख्‍याके कह, कि तु परमेस्‍वरके बेटा खिरिस्‍ट चिही त?”

युहन्‍ना 6:27

नास हैबला भोजनके खातिर मेहनत नै कर महज अनन्‍त जिबन तक रहैबला भोजनके लेल मेहनत कर, जे मानबके बेटा तोरासबके देतौ। कथिलेत परमेस्‍वर पिता ओकर उपर आपन छाप लगादेनेछै।”

२ कोरन्‍थी 1:22

अपनासबमे उ आपन छाप लगाइने छै आ बैनाके रुपमे पबितर आत्‍माके अपनासबके हिरदयमे बास करैले देने छै।

एफिसी 1:13

तहिनङे तु गैर-यहुदीसब मुक्‍ती दैबला सतके बचन अरथात सुसमाचार सुइनके खिरिस्‍टमे बिस्‍बास करलिही। आपन परतिग्‍या करलहा पबितर आत्‍माके छाप तोरासबके लग्‍यादेनेछौ।

एफिसी 4:30

परमेस्‍वरके पबितर आत्‍माके दुखी नै बना, कथिलेत पबितर आत्‍मा तोरासबके छुटकाराके दिनके खातिर भेटल छाप चियौ।

१ थेसलोनिकी 1:9

कथिलेकी जब हमसब तोरासबलग एलियौ त तुसब कनङके हमरासबके स्‍वागत कैल्‍ही आ जिबित आ सत परमेस्‍वरके सेबा करैके लेल कनङके मुरतिपुजा करैले छोइरदेल्‍ही से बात त लोकसब आपने कहैछै।

२ तिमोथी 2:19

महज तैयो परमेस्‍वरके आपनेसे बनेल्‍हा जग सबदिन अटल छै। ओइ जगमे एहेन लिखल छै: “परभु आपन लोकसबके चिन्‍हैछै” आ “परभुके नाम लैबला सब गोरा खराब कामसे दुर रहे परतै।”

हिबरु 12:22

महज तुसब त सियोन पहार अरथात जिबित परमेस्‍वरके सहर स्‍वरगिय यरुसलेममे एलचिही। जते अनगिन्‍ती स्‍वरगदुतसब आनन्‍द मनाबैछै।

परकास 1:3

उ धैनके चियै, जे अगमबानीके यि बचनसब जोरसे अबाज निकालके परहैछै, सुनैछै आ ओइमे लिखल बातके पालन करैछै, कथिलेकी यि बात पुरा हैबला समय लगचियागेलछै।

परकास 10:1

तकरबाद हम दोसर सक्‍तिसाली स्‍वरगदुतके स्‍वरगसे निचा उतरैत देखलियै। ओकर देह बादलसे झापल छेलै आ मुरी उपर पैनसोका छेलै। ओकर चेहरा सुरुजके जखा आ ओकर टाङसब आइगके खम्‍हा जखा छेलै।

परकास 10:4

जब सात चोटीके मेघ गरजलै त हम लिखैले लागल छेलियै, महज स्‍वरगसे एहेन आबाज हम सुनलियै, “सात बेर मेघ गरजलके आबाज नै लिख, महज यि बात मनेमे घोसारके राख।”

परकास 16:12

तकरबाद छठम स्‍वरगदुत आपन बाटी ल्‍याके बरका लदी युफरेटिसमे झाइक देल्‍कै आ लदीके पानी सुइख गेलै। तब पुरब दिसरसे आबैबला रजासबके लेल बाट तैयार भेलै।

परकास 5:2

तब हम एकटा बलबान स्‍वरगदुतके देखलियै, जे बरका अबाजमे अनङ कैहके पुछल्‍कै, “अकर लाहट तोइरके अकर मुठा खोलैले के योग्‍यके छै?”

परकास 8:3

सोनाके धुपदानी बोक्‍ने दोसर एकटा स्‍वरगदुत आइबके बेदीके कातमे ठार भेलै। सिंहासनके अगा भेल सोनाके बेदीमे परमेस्‍वरके जनसबके परथनासङे चरहाबैके लेल ओकरा बहुत गमकैबला धुप देल्‍कै।

परकास 9:14

उ अबाज छठम स्‍वरगदुतके अनङ कहल्‍कै, “युफरेटिस नाम भेल बरका लदीमे बान्‍हल चारटा स्‍वरगदुतसबके छोइरदहै।”

परकास 9:4

ओइसबके घास या गाछसबके कोनो हानी नै कर महज कपारमे परमेस्‍वरके छाप नै लागल लोकसबके मातरे नोक्‍सानी करिहे कैहके आदेस देल्‍कै।