परकास 6:11 - मध्‍य पुरविया थारू

¹¹ परमेस्‍वर ओइसब हरेकके एकटा-एकटा उजर बस्‍तर देल्‍कै आ ओकरासबके अनङ कहल्‍कै कि तोरासबके सङी सेबक आ भाइसबके तोरेसबके गन्‍ती जतहेक नै मारैतक बिसराम कर।

परकास 6:11 ပူးပေါင်းရင်းမြစ်များ

मतीके लिखल सुसमाचार 10:21

“एक भाइ दोसर भाइके, बाबु आपन धियापुताके आ धियापुता आपन माँ-बाबुके बिरोधमे उठतौ आ एक-दोसरके मारे लगाइतौ।

लुका 15:22

महज बाबु आपन नोकरसबके बोल्‍याके कहल्‍कै, ‘झट दबर सबसे असल बस्‍तर आइनके अकरा पिन्‍हादहै। ओकर हाथमे औंठी आ टाङमे जुता लगादहै,

युहन्‍ना 16:2

उसब तोरासबके सभाघरसबसे निकाइल देतौ। तोरासबके उपर अहिनङो समय एतौ, जे तोरासबके जानोसे मारैबला ‘परमेस्‍वरके सेबा करैचियै’ कैहके सोच्‍तै।

परेरित 20:24

महज हम आपन जिबनके कोनो मोलके नै मानैचियै। अतबेहेक मातर चाहैचियै कि, परमेस्‍वर लोकसबके अनुगरह देने छै से सुसमाचार करैले हम अन्‍ततक दौरबरहा करी आ परभु येसुसे मिलल सेबाके काम पुरा करेसकी।

२ थेसलोनिकी 1:7

परमेस्‍वरमे दुख सहैबला तोरासबके आ हमरासबके छुटकारा देतौ। यि त तब हेतै, जब परभु येसु स्‍वरगसे धधकैत आइगमे आपन सक्‍तीसाली स्‍वरगदुतसबसङे परगट हेतै तब यि सब करतै।

२ तिमोथी 4:7

हम उत्‍तम लराइ लरने चियै। हम आपन दौर पुरा करनेचियै आ आपन बिस्‍बासमे अटल चियै।

हिबरु 11:40

कथिलेत परमेस्‍वर अपनासबके लेल अहौसे उतम चिजके योजना करने छेलै। अपनासबसङे उसब सेहो सि‍द्‍व हेबे कैहके ओकर इक्‍छा छेलै।

हिबरु 12:23

तुसब त परमेस्‍वरके पहिन्‍का जलमल अरथात ओकर सन्‍तानसबके सभामे एलचिही, जकर नाम स्‍वरगमे लिखलछै। उसब धरमीसबके आत्‍मा चियै, जे सिध करलगेलछै। तुसब सबके नियाय करैबला परमेस्‍वरकते एलचिही।

हिबरु 4:10

जहिनङ परमेस्‍वर आपन काम पुरा कैरके बिसराम लेल्‍कै तहिनङ बिसराम पाबैबला ठाममे ढुकैबलासब सेहो आपन-आपन कामसे बिसराम पाबतै।

परकास 10:6

जुगो-जुगतक जिबित रहैबला, अकास, पिरथिबी, समुन्‍दर आ ओइमे भेल सब चिज सिरिस्‍टी करैबला परमेस्‍वरके नाममे उ किरिया खाके कहल्‍कै, “आब देरी नै हेतै।

परकास 13:15

पहिन्‍का जानबरके मुरती बोले आ उ मुरतिके पुजा नै करैबला लोकसबके माइरदेबे कैहके ओइ जानबरके मुरतिमे साँस फुइकदैके अधिकार अजेगर दोसर जानबरके देल्‍कै।

परकास 14:13

तब स्‍वरगसे हम एकटा एहेन अबाज सुनलियै, “यि बात लिख: आबसे परभुके सेबा करैत-करैत मरैबला लोक धन्‍यके चियै।” पबितर आत्‍मा अनङ जबाफ देल्‍कै, “साँचेके! उसब आपन आपन मेहनतसे आराम पाबतै, कथिलेत उसब आपन करल काम अनुसार इनाम पाबतै।”

परकास 17:6

तब हम उ जनीके परमेस्‍वरके पबितर जनसब आ येसु खिरिस्‍टके साक्‍छी दैबलासबके लहु पिके मातल देखके हम एकदम छक परलियै।

परकास 7:14

हम ओकरा कहलियै, “गुरु जी, हमरा थाह नै छै। अहिके थाहछै।” उ हमरा कहल्‍कै, “उसब त बरका भारी सताबट सैहके एलछै आ उसब आपन-आपन बस्‍तर थुमाके लहुसे धोइबके उजर बनाइनेछै।

परकास 7:9

तकरबाद हम ताकलियै त कोइ नै गनैले सकैबला लोकसबके एकटा बरका भिर देखलियै। उसब हरेक जाती, हरेक कुल, हरेक देस आ हरेक भसाके लोक छेलै। उसब उजर बस्‍तर पिन्‍हके हाथमे खजुरके ठाइर लेके सिंहासन आ थुमाके अगा ठारभेल हम देखलियै।