परकास 5:5 - मध्‍य पुरविया थारू

⁵ तब धरमगुरुमेसे एक गोरा हमरा कहल्‍कै, “नै कान! देख, यहुदाके कुलसे एल एकटा सिंह, जे दाउदके सिंहासनके उतराधिकार छै, उ जितने छै आ सातटा मुठाके लाहट तोरके खोलैके योग्‍यके छै।”

परकास 5:5 ပူးပေါင်းရင်းမြစ်များ

लुका 23:28

तब येसु ओइसब दिसना घुइमके कहल्‍कै, “हे यरुसलेमके बेटीसब, हमर खातिर तोरौरके नै कान, महज तोरौरके आपन खातिर आ आपन धिया-पुताके खातिर कान।

लुका 7:13

जब परभु येसु ओइ बिधुवाके देखल्‍कै तब ओकर हिरदय दयासे भैरगेलै आ कहल्‍कै, “नै कान!”

लुका 8:52

ओइठाम भिर भेल्‍हा सब लोकसब कानैखिजै छेलै। येसु ओकरासबके कहल्‍कै, “नै कानै, उ नै मरल छौ, महज सुतल छौ।”

युहन्‍ना 20:13

उसब मरियमके पुछल्‍कै, “ऐ बहिन, तु कथिले काइनरहल चिही।” मरियम ओइसबके जबाब देल्‍कै, “उसब हमर परभुके उठ्‍याके ल्‍यागेलै आ कते घोसाइरके राखनेछै से हम नै जानैचियै।”

रोमी 1:3

उ सुसमाचार परमेस्‍वरके बेटा, येसु खिरिस्‍टके बिसयमे चियै। उ लोक भ्‍याके रजा दाउदके बंसमे जलम लेल्‍कै।

रोमी 15:12

दोसर ठाममे यसैया अगमबक्‍ता फेर कहैछै, “यिसैके बंससे एक गोरे एतै, उ गैर-यहुदीसब उपर सासन करतै आ उसब ओकरेमे आसा राख्‍तै।”

हिबरु 7:14

यि बात परस्‍टे छै कि, अपनासबके परभु त यहुदाके कुलसे जलम लेनेछै। यहुदाके कुलसे पुजारी हैबला बातके बारेमे मोसा किछो नै कहनेछै।

परकास 1:1

यि किताबमे भेल बातसब येसु खिरिस्‍ट परकट करने छै। परमेस्‍वर आपन सेबकसबके जल्‍दीए हैबला घटनासबके बारेमे बुझैले सके कैहके येसुके परकट करल्‍कै। येसु खिरिस्‍ट यि बात कहैके लेल एकटा स्‍वरगदुतके पठाके आपन सेबक युहन्‍नाके परकट करल्‍कै।

परकास 22:16

“हम येसु, तोरासबलग मन्‍डलीके लेल यि गबाही दैले आपन स्‍वरगदुतके पठाइने चियौ। हम्‍ही दाउद रजाके कुल, सन्‍तान आ अनगुतके चम्‍कैबला तरा चियौ।”

परकास 3:21

जे जित्‍तै, हम ओकरा हमर सिंहासनमे हमरसङे बैठैले हक देबै, जनङ हम जितलियै आ आपन पितासङे ओकर सिंहासनमे बैठल चियै।’

परकास 4:10

उसब गित गाबैतरहैत बेरमे सबदिन जिबित आ सिंहासनमे बिराजमान रहैबलाके अगा उ चौबिसटा धरमगुरुसब गोरलागल्‍कै आ आपन-आपन मुकुट ओकर सिंहासनके अगा राइखके अनङ कहल्‍कै,

परकास 4:4

उ सिंहासनके चारुओर चौबिसटा सिंहासनसब छेलै आ मुरमे सोनाके मुकुट आ उजर बस्‍तर पहिरने चौबिस गोरा धरमगुरुसब उ सिंहासनमे बैठल छेलै।

परकास 5:4

उ कागतके मुठा खोइलके ओइ भितरमे देखैके योग्‍य कोइ नै भेलासे हम खुबे कानलियै।

परकास 6:1

तकरबाद थुमा उ सातटा लाहटसब मेसे पहिन्‍काके तोरैत हम देखलियै, तब चार जिबित परानीसब मेसे एकटा मेघ गरजन जखा आबाजमे अनङ कहैत हम सुनलियै “अते या!”

परकास 7:13

तकरबाद एकटा धरमगुरु हमरा पुछल्‍कै, “यि उजर बस्‍तर लगाइबलासब के चियै आ कतेसे एलछै?”