परकास 4:10 - मध्‍य पुरविया थारू

¹⁰ उसब गित गाबैतरहैत बेरमे सबदिन जिबित आ सिंहासनमे बिराजमान रहैबलाके अगा उ चौबिसटा धरमगुरुसब गोरलागल्‍कै आ आपन-आपन मुकुट ओकर सिंहासनके अगा राइखके अनङ कहल्‍कै,

परकास 4:10 ပူးပေါင်းရင်းမြစ်များ

मतीके लिखल सुसमाचार 2:11

तब उसब घर भितर ढुकलै आ माँ मरियम सङे बालकके देखल्‍कै। तब ठेङहुनिया द्‍याके ओकरा गोरलागल्‍कै आ तब आपन-आपन पेटी खोइलके सोना, सुगन्‍ध दैबला धुप आ महग अतरके तेल भेटी चरहेल्‍कै।

लुका 24:52

तब उसब ओकर आराधना करल्‍कै आ खुसी हैत यरुसलेममे घुइमके गेलै।

१ कोरन्‍थी 15:10

महज हम जे चियै, उ परमेस्‍वरके अनुगरहसे चियै आ हमर उपर करल ओकर अनुगरह बेकार नै भेलै। हम औरो परेरितसबसे बेसि मेहनत करलियै। बास्‍तममे काम करैबला हम नै, महज हमरसाथमे भेल परमेस्‍वरके अनुगरहसे काम करनेचियै।

परकास 10:6

जुगो-जुगतक जिबित रहैबला, अकास, पिरथिबी, समुन्‍दर आ ओइमे भेल सब चिज सिरिस्‍टी करैबला परमेस्‍वरके नाममे उ किरिया खाके कहल्‍कै, “आब देरी नै हेतै।

परकास 11:16

तब परमेस्‍वरके अगा आपन आपन सिंहासनमे बैठैबला उ चौबिस धरमगुरुसब भुइयामे निहैकके एहेन कहैत आराधना करल्‍कै,

परकास 15:4

हे परभु, अहाँके डर के नै मानैछै? आ अहाँके नामके महिमा के नै करैछै? कथिलेकी अहाँ मातरे पबितर चियै। सब जातीके लोकसब आइबके अहाँके अगा आराधना करतै, कथिलेत अहाँके धारमिक कामसब परकट भेलछै।”

परकास 15:7

तब उ चार जिबित परानीसबमेसे एकटा परानी सातटा सोनाके बाटी सातटा स्‍वरगदुतसबके देल्‍कै। उ सातटा बाटी सबदिन जिबित रहैबला परमेस्‍वरके करोधसे भरल छेलै।

परकास 19:4

तब उ चौबिस धरमगुरु आ चार जिबित परानीसब ठेङहुनिया द्‍याके सिंहासनमे बैठल परमेस्‍वरके आराधना करल्‍कै आ एहैन कैहके जयजयकार करल्‍कै, “आमेन, हालेलुयाह।”

परकास 4:2

हम तुरन्‍त परमेस्‍वरके आत्‍मासे भरलियै। स्‍वरगमे एकटा सिंहासन रहै आ ओइमे एक गोरा बैठल छेलै।

परकास 4:4

उ सिंहासनके चारुओर चौबिसटा सिंहासनसब छेलै आ मुरमे सोनाके मुकुट आ उजर बस्‍तर पहिरने चौबिस गोरा धरमगुरुसब उ सिंहासनमे बैठल छेलै।

परकास 4:9

सबदिन जिबित आ सिंहासनमे बिराजमान रहैबलाके उ चारटा जिबित परानी महिमा, आदर आ धन्‍यबादके गित गाबैतरहैछेलै।

परकास 5:14

तब उ चारु जिबित परानी कहल्‍कै, “आमेन” आ उ धरमगुरुसब निहैकके गोरलगी करल्‍कै।

परकास 5:8

तकरबाद उ चारटा जिबित परानीसब आ चौबिसटा धरमगुरुसब अगा आइबके निहुक गेलै। सबके हाथमे एक-एकटा बजाबैबला बिना आ धुप गमकसे भरल सोनाके बाटी छेलै, उ धुपके गमक त परमेस्‍वरके लोकसबके चरहाल बिन्‍ती परथना चियै।

परकास 7:11

सिंहासन, धरमगुरु आ चार जिबित परानीके चारुकात स्‍वरगदुतसब ठारभेल छेलै। उसब सिंहासनके अगा निहुकके अनङ कैहके परमेस्‍वरके आराधना करल्‍कै: