परकास 3:1 - मध्‍य पुरविया थारू

¹ “सारडिसके मन्‍डलीके देख-भाल करैबला दुतके यि बात लिख: ‘जरकसङे सातटा तरा आ परमेस्‍वरके सातटा आत्‍माछै, उ अनङ कहैछै। तोहर काम हमरा थाहछै, तुसब आत्‍मामे जिबित चिही कैहके नाम त चललछौ, महज बास्‍तममे तुसब आत्‍मामे कमजोर भ्‍याके मरल चिही।

परकास 3:1 ပူးပေါင်းရင်းမြစ်များ

लुका 15:24

कथिलेत यि हमर बेटा मरल छेलै, फेनो जियल छै, हराएल छेलै आ भेटलै।’ तब सबकोइ भोजमे खुसी मनाइले लाग्‍लै।

लुका 15:32

महज अपनासबके खुसी हेबैये परतै, कथिलेत तोहर यि भाइ मरल जखा छेलौ, जियल छौ, हर्‌याल छेलौ, भेटलौ।’”

युहन्‍ना 1:16

ओकरे अनुगरहसे उटुङ-टुटुङ भैरके आसिस उपर आसिस मिलरहल छै।

युहन्‍ना 1:33

साँचोके उ के चियै से हम नै चिन्‍है छेलियै, महज जे हमरा पानीसे बप्‍तिस्‍मा दैले पठाइल्‍कै ओह्‍या हमरा कहल्‍कै, जकर उपरमे पबितर आत्‍मा उतैरके बैठल देखबिही ओह्‍या पबितर आत्‍मासे बप्‍तिस्‍मा दैबलाहेतौ।

युहन्‍ना 20:22

अतेक कैहके उ ओकरासब उपर साँस फुकैत कहल्‍कै, “पबितर आत्‍मा ले।

युहन्‍ना 3:34

परमेस्‍वरसे पठाएल लोक परमेस्‍वरेके बात बाजैछै कथिलेत परमेस्‍वर ओकरा आपन आत्‍मा भरपुर कैरके दैछै।

परेरित 2:33

अहैसे परमेस्‍वर पिता आपन देहना हाथ कात बैठेल्‍कै आ आपन परतिग्‍या अनुसार ओकरा पबितर आत्‍मा देल्‍कै। ओह्‍या पबितर आत्‍मा हमरासबके देने छै, जे अहाँसब देखैचियै आ सुनैचियै।

एफिसी 2:1

तुसब बिस्‍बास करैसे पहिने अटेरीपन आ पापके कारन आत्‍मिक रुपमे मरल छेल्‍ही।

एफिसी 2:5

अपनासब अटेर कैरके आत्‍मिक तबरसे मरल छेलियै तैयो परमेस्‍वर खिरिस्‍टसङे अपनासबके जिबित करल्‍कौ। तुसब परमेस्‍वरेके अनुगरहसे बच्‍याल गेलचिही।

कलस्‍सी 2:13

तुसब पाप करलाके कारन आ बेबस्‍था अनुसार खतना नै करैबला गैर-यहुदी लोक भेलासे एक समय तुसब आत्‍मिक रुपमे मरल छेल्‍ही। महज आब त परमेस्‍वर तोरासबके खिरिस्‍टसङे जियाइनेछौ आ अपनासबके सब पाप छमा कैरदेनेछौ।

१ तिमोथी 5:6

महज जै मसोमातनी भोग-बिलासके जिबन बिताबैछै उ जिते रहतै तैयो मरल जखा चियै।

याकुब 2:26

जनङ परान बिनाके देह मरल रहैछै, तैहनङे कामबिनाके बिस्‍बास मरल रहैछै।

१ पतरुस 1:11

ओकरासबके भितरमे रहल खिरिस्‍टके आत्‍मा खिरिस्‍टके दुख भोगेपरतै आ पछा आबैबला महिमाके बारेमे पहिनेसे भबिसबानी करने रहै। तब उ समय कहिया आ कनङके एतै कैहके उसब खोज-तलास करने छेलै।

यहुदा 1:12

तोरासबके परेम भोजमे यि लोकसब कलंक चियौ। उसब दोसर गोराके वास्‍ता नै कैरके आपन पेट भरैके धियानमे रहैछै। उसब पानी बिनाके बादल जखाछै, जकरा हबा उराके ल्‍याजाइछै। उसब आपन समयमे फल नै फरैबला आ जैरसे उखैरके मरल गाछसब जखा चियै।

परकास 1:11

“तु जे देखैचिही, से एकटा किताबमे लिख आ सातो मन्‍डलीके अरथात एफिसस, इस्‍मुरना, परगामम, थिआटिरा, सारडिस, फिलाडेल्‍फिया आ लाउडिकियाके पठा।”

परकास 1:16

ओकर दहिना हाथसे सातटा तरा पकरने रहलै आ ओकर मुहसे चोखगर दुधारके तलबार निकलल छेलै। ओकर चेहरा दुपहरके सुरुजके रौद जखा चम्‍कैत छेलै।

परकास 1:20

हमर दहिना हाथमे तोहर देखल यि सात तरासब आ सोनाके डैठके रहस यि चियै, सात तरासब सात मन्‍डलीके देख-भाल करैबला स्‍वरगदुतसब आ सातटा डैठ सातटा मन्‍डलीसब चियै।”

परकास 1:4

एसिया परदेसमे भेल सातटा मन्‍डलीसबके युहन्‍नाके गोरलगी, परमेस्‍वर जे छै, जे छेलै आ जे एतै आ ओकर सिंहासनके अगा रहैबला सातटा परमेस्‍वरके आत्‍मासे तोरासबके अनुगरह आ सान्‍ती मिले।

परकास 2:13

हमरा थाहछै, तुसब सैतानके सिंहासन भेल ठाममे रहैचिही, तैयो तुसब हमर नाममे अस्‍थिर रहैचिही। तुसब हमर भक्‍त चिही आ हमरा बिस्‍बास करैले नै छोरनेचिही से हमरा थाहछै। हमर बिस्‍बासी साक्‍छी एन्‍टिपास सैतान रहैबला ठाममे मारलगेलै, ओहु समयमे बिस्‍बास करैले नै छोरलिही।

परकास 2:19

तुसब कि-कि करैचिही हमरा थाहछै। तोरासबके करल परेम, बिस्‍बास, सेबा आ तोरासबके करल धिरज हमरा थाहछै। तुसब पहिने जे करने छेल्‍ही ओहौसे बेसी अखैन करैचिही से हमरा थाहछै।

परकास 2:2

तोहर करल मेहनतके काम आ तोहर धिरज हमरा थाहछै। तु दुस्‍ट लोकसबके सहन करैले नै सकैचिही कैहके हमरा सेहो थाहछै। परेरित नै चियै तैयो आपनके परेरित कहैबलासबके तु जाँच कैरके झुठ साँच पता लगाइनेचिही सेहो थाहछै।

परकास 2:9

हमरा तोहर कस्‍ट आ तोहर गरिबी थाहछै। महज बास्‍तममे तु धनिक चिही। हम ओकरासबके चिन्‍हैचियै, जे आपनके यहुदी त चियै कहैछै, महज बास्‍तममे नै चियै। उसब तोहर बिरोध करल निन्‍दा हम जानैचियै। उसब त सैतानके लोकसब चियै।

परकास 3:15

तोरासबके काम हमरा थाहछै। तुसब नै त जुर चिही नै त गरम चिही। कि त तुसब जुर कि त गरम रहतिही त असल हेतियै।

परकास 3:2

जागल रह आ मरैले लागल कमजोर आत्‍मिक जिबनके सेहो बौकार बनाके राख, कथिलेकी परमेस्‍वरके अगा तोहर काम हम सिध भेल नै पाबनेचियै।

परकास 3:8

तोहर काम हमरा थाहछै। देख, हम तोहर अगा केबार खोलल छोरदेने चियौ, जकरा कोइ नै बन्‍द करैले सकैछै। तोरासङे कनहिक सक्‍तीछै कैहके हमरा थाहछै, तैयो तु हमर बचन पालन करनेचिही आ हमर नाउके इन्‍कार नै करनेचिही।

परकास 4:5

सिंहासनसे बिजुलीसब चम्‍कैछेलै आ मेघके गर-गर आबाज आबैछेलै। सिंहासनके अगा आइगके सातटा दियासब बरैत रहलै। उ परमेस्‍वरके सात आत्‍मासब चियै।

परकास 5:6

तकरबाद हम चारटा जिबित परानी आ धरमगुरुसबसे घेरल सिंहासनके बिचमे एकटा थुमा ठारभेल देखलियै। उ थुमा मारल जखा देखाइछेलै। ओकरा सातटा सिङ आ सातटा आँख छेलै। सातटा आँख पुरे पिरथिबीमे पठाल परमेस्‍वरके सात आत्‍मा चियै।