परकास 22:18 - मध्‍य पुरविया थारू

¹⁸ हम युहन्‍ना, यि किताबके अगमबानीके बचन सुनैबलासबके हम चेताबनी दैचियौ कि, यदि जे कोइ अइमे थपैछै त ओकरा परमेस्‍वर यि किताबमे लिखल बिपतसब थैपदेतौ।

परकास 22:18 ပူးပေါင်းရင်းမြစ်များ

मतीके लिखल सुसमाचार 15:13

महज येसु जबाफ देल्‍कै, “स्‍वरगमे रहैबला हमर पिताके नै रोपल सब गाछ जैंरसे उखारलजेतै।

एफिसी 4:17

अहै खातिर हम परभुके देल अधिकारसे तोरासबके जोर द्‍याके कहैचियौ, आबसे तोरासबके चालचलन परमेस्‍वरके नै चिन्‍हैबलासब जखा नै हेबे। कथिलेत ओइसबके सोच-बिचार बेकार छै।

१ थेसलोनिकी 4:6

एहैन खराब काम कैरके कोनो लोक आपन बिस्‍बासी भाइसबसे नाजाएज फाइदा नै उठाबे। कथिलेकी एहेन पाप करैबलासबके परमेस्‍वर दन्‍ड दैछै। अइके बारेमे हमसब पहिने तोरासबके एकदमसे चेताइने चियौ।

परकास 1:3

उ धैनके चियै, जे अगमबानीके यि बचनसब जोरसे अबाज निकालके परहैछै, सुनैछै आ ओइमे लिखल बातके पालन करैछै, कथिलेकी यि बात पुरा हैबला समय लगचियागेलछै।

परकास 15:1

अकासमे हम फेनसे एकटा औरो महान आ अदभुतके चेन्‍हा देखलियै। सातटा स्‍वरगदुतसब एक एकटा बिपत बोक्‍ने छेलै। उ त परमेस्‍वरके करोधके सातटा आखिरी बिपत चियै।

परकास 15:6

साफ आ चमकदार बस्‍तर लगाके आ छातिमे सोनाके कबज बान्‍हने सात स्‍वरगदुतसब सात बिपत लेके मन्‍दिरसे बाहर निकल्‍लै।

परकास 19:20

महज उ जानबर आ ओकर अगा अचमके चेन्‍हा देखाइबला झुठा अगमबक्‍ता दुनु पकराउमे परलै। एहैन अचमके कामसे झुठा अगमबक्‍ता ओइ जानबरके छाप लगाइबला आ मुरती पुजा करैबलासबके बहकाइने छेलै। दुनुके जिबिते आइगके धिधरामे फेक देल्‍कै।

परकास 20:10

तब जाती-जातीके लोकसबके बहकाबैबला दुस्‍टके रजा सैतानके आइग आ गन्‍धकके खाइदमे फेकदेल्‍कै, जते जानबर आ झुठा अगमबक्‍तासबके फेकने छेलै। ओते उसब दिन-रात सबदिन दुख-कस्‍ट भोगैतरहतै।

परकास 20:15

जकर-जकर नाम जिबनके किताबमे लिखल नै भेटलै, ओकरासबके आइगके भठिमे फेकदेल्‍कै।

परकास 22:10

तब उ हमरा एहैन कहल्‍कै, “यि किताबके अगमबानीसब घोसाइरके नै राख, कथिलेत यि सब पुरा हैबला समय नजदिक चैलएल छै।

परकास 22:16

“हम येसु, तोरासबलग मन्‍डलीके लेल यि गबाही दैले आपन स्‍वरगदुतके पठाइने चियौ। हम्‍ही दाउद रजाके कुल, सन्‍तान आ अनगुतके चम्‍कैबला तरा चियौ।”

परकास 22:7

“देख, हम जल्‍दिए आइबरहल चियौ। धैनके चियै उ, जे यि किताबमे लिखल अगमबानीके बचन पालन करैछै।”

परकास 22:9

महज उ हमरा कहल्‍कै, “हमरा आराधना नै कर। हम त तोहर आ अगमबानी बोलैबला तोहर भाइ-भैया आ यि किताबके बचन पालन करैबलासब जखा परमेस्‍वरके सेबक मातरे चियै। परमेस्‍वरके मातरे आराधना कर!”

परकास 3:14

“लाउडिकियाके मन्‍डलीके देख-भाल करैबला दुतके यि लिख: ‘परमेस्‍वरके सिरिस्‍टीके सासक, जे बिस्‍बास योग्‍य, साँचो साक्‍छी आ आमेन चियै, उ अनङ कहैछै।