परकास 22:16 - मध्‍य पुरविया थारू

¹⁶ “हम येसु, तोरासबलग मन्‍डलीके लेल यि गबाही दैले आपन स्‍वरगदुतके पठाइने चियौ। हम्‍ही दाउद रजाके कुल, सन्‍तान आ अनगुतके चम्‍कैबला तरा चियौ।”

परकास 22:16 ပူးပေါင်းရင်းမြစ်များ

मतीके लिखल सुसमाचार 1:1

अबराहम आ दाउदके सन्‍तान येसु खिरिस्‍टके बंसाबली ऐनङके छै।

मतीके लिखल सुसमाचार 2:2

आ उसब लोकसबसे पुछल्‍कै, “यहुदीसबके रजा भ्‍याके जलमल कते छै? हमसब ओकर जलमके थाह दैबला तरा पुरुबमे उगल देखलियै आ ओकरा दरसन करैले एलचियै।”

मतीके लिखल सुसमाचार 22:42

“खिरिस्‍टके बारेमे तोरासबके कथी बिचार छौ? उ ककर बेटा चियै?” उसब जबाफ देल्‍कै, “दाउदके।”

मतीके लिखल सुसमाचार 22:45

“जब दाउद खिरिस्‍टके परभु कहल्‍कै त, कनङके दाउद ओकर बेटा भेलै?”

लुका 1:78

परमेस्‍वरके दयालु किरपाके कारन, स्‍वरगसे बिहन्‍का मुक्‍तीके इजोत हमरासबके लग पठाइतै।

लुका 20:44

“ऐहनङ दाउद खिरिस्‍टके ‘परभु’ कहैछै त, फेन उ कनङके दाउदके बेटा परलै?”

रोमी 15:12

दोसर ठाममे यसैया अगमबक्‍ता फेर कहैछै, “यिसैके बंससे एक गोरे एतै, उ गैर-यहुदीसब उपर सासन करतै आ उसब ओकरेमे आसा राख्‍तै।”

रोमी 9:5

इजराएलीसब नाम चलल पुरखासबके बेटा-बेटीसब चियै, येसु खिरिस्‍ट सेहो अहै जातीसे जलम लेल्‍कै। उ त सब जातीसबमे राज करैबला परमेस्‍वर चियै। ओकर परसन्‍सा सबदिन हैतरहे! आमेन।

२ पतरुस 1:19

अहै खातिर अगमबक्‍तासबके कहल बचन सत छै से हमसब निसचिन्‍त भ्‍याके बिस्‍बास करैचियै। बिहानके इजोत नै हेबेतलिक आ तोरासबके हिरदयमे भुरुकवा तरा नै उगैतलिक उ बचन अन्‍हारमे बरैबला चिरखा जखा ओइ बचनके धियान देब्‍ही त असल करबिही।

परकास 1:1

यि किताबमे भेल बातसब येसु खिरिस्‍ट परकट करने छै। परमेस्‍वर आपन सेबकसबके जल्‍दीए हैबला घटनासबके बारेमे बुझैले सके कैहके येसुके परकट करल्‍कै। येसु खिरिस्‍ट यि बात कहैके लेल एकटा स्‍वरगदुतके पठाके आपन सेबक युहन्‍नाके परकट करल्‍कै।

परकास 1:11

“तु जे देखैचिही, से एकटा किताबमे लिख आ सातो मन्‍डलीके अरथात एफिसस, इस्‍मुरना, परगामम, थिआटिरा, सारडिस, फिलाडेल्‍फिया आ लाउडिकियाके पठा।”

परकास 1:4

एसिया परदेसमे भेल सातटा मन्‍डलीसबके युहन्‍नाके गोरलगी, परमेस्‍वर जे छै, जे छेलै आ जे एतै आ ओकर सिंहासनके अगा रहैबला सातटा परमेस्‍वरके आत्‍मासे तोरासबके अनुगरह आ सान्‍ती मिले।

परकास 2:11

‘जकरा कान छै, उ पबितर आत्‍मा मन्‍डलीसबके कथी कहैछै से बात सुने। जे जित्‍तै, ओकरा दोसर मिरतु किछो हानी नै करतै।’”

परकास 2:17

‘जकरा कान छै, उ पबितर आत्‍मा मन्‍डलीसबके कथी कहैछै से बात सुने। जे जित हासिल करतै, तकरा हम गुप्‍तमे भेल खाइबला मन्‍न देबै। हम ओकरासबके एकटा उजर पथल देबै, जैमे लया नाम लिखल रहतै। यि उजर पथल पाबैबला मातरे उ नाम जान्‍तै।’”

परकास 2:7

जकरा कान छै, से पबितर आत्‍मा मन्‍डलीसबके कथी कहैछै से बात सुने। जे जित्‍तै ओकरा परमेस्‍वरके स्‍वरगलोकमे भेल जिबन दैबला गाछिके फल खाइले देबै।’”

परकास 22:1

तकरबाद स्‍वरगदुत हमरा इस्‍फटिक जखा चमकदार जिबनके पानीके लदी देखल्‍कै। उ लदी परमेस्‍वर आ थुमाके सिंहासनसे निकैलके,

परकास 22:11

दुस्‍ट काम करैबला दुस्‍ट काम कैरतेरहे, घिनलागैबला काम करैबला घिनलागैबला काम कैरते रहे, धरमीसब धारमिक काम कैरतेरहे आ पबितर जनसब पबितर हैतरहे।”

परकास 22:20

यि बातके गबाही दैबला कहैछै, “साँचोके हम जल्‍दिए आइबरहल चियौ।” आमेन। आबु, हे परभु येसु!

परकास 22:6

तकरबाद उ स्‍वरगदुत हमरा कहल्‍कै, “यि बचन बिस्‍बासयोग्‍य आ सत छै। अगमबक्‍तासबके पबितर आत्‍मा दैबला परभु परमेस्‍वर आपन सेबकसबके आब जल्‍दिए हैबला घटनासब देखाइके लेल स्‍वरगदुतके पठाइल्‍कै।”

परकास 3:13

‘जकरा कान छै उ सुने पबितर आत्‍मा, मन्‍डलीसबके कथी कहैछै।’”

परकास 3:22

‘जकरा कान छै उ सुने पबितर आत्‍मा, मन्‍डलीसबके कथी कहैछै।’”

परकास 3:6

‘जकरा कान छै उ सुने पबितर आत्‍मा, मन्‍डलीसबके कथी कहैछै।’”

परकास 5:5

तब धरमगुरुमेसे एक गोरा हमरा कहल्‍कै, “नै कान! देख, यहुदाके कुलसे एल एकटा सिंह, जे दाउदके सिंहासनके उतराधिकार छै, उ जितने छै आ सातटा मुठाके लाहट तोरके खोलैके योग्‍यके छै।”