परकास 21:21 - मध्‍य पुरविया थारू

²¹ ओते बारह केबार बारह मोतिके छेलै। हरेक केबार एक-एक मोतिसे बनल छेलै। ओइ सहरके सरक चमकदार सिसा जखा निखुर सोनाके छेलै।

परकास 21:21 ပူးပေါင်းရင်းမြစ်များ

परकास 17:4

उ जनी बैजनी आ लाल रङके बस्‍तर लगाइने छेलै आ सोना, बहुमुल्‍य रत्‍न आ मोतिसबके गहना-गुरियासे सिङगारल छेलै। ओकर हाथमे सोनाके एकटा बाटी छेलै आ ओइमे बेबिचारके घिनलागैबला असुध चिजसबसे भरल छेलै।

परकास 18:16

कहतै, “धिक्‍कार, धिक्‍कार, हे महानगरी, मलमलके असल बस्‍तर, बैजनी आ चमकदार लाल बस्‍तर लग्‍याके सोना, बहुमुल्‍य रत्‍न आ मोतिके गहनासे सिङारल छेलै।

परकास 21:15

हमरसङे बोलैबला स्‍वरगदुतके हाथमे उ सहर, ओइके केबार आ दबाल नापैबला एकटा सोनाके लगी छेलै।

परकास 21:18

उ दबाल चमकदार पथलसे बनल छेलै आ सहर निखुर सोनासे बनल छेलै आ सफा सिसा जखा चम्‍कैछेलै।

परकास 22:2

उ लदी सहरके मुल रस्‍ताके बिचसे बहैछेलै। उ लदीके पखामे एकटा जिबनके गाछ छेलै, जे हरेक महिना बारह किसिमके फल फराइछेलै। उ गाछके पतासब जाती-जातीके लोकसबके निक करैबला दबाइ जखा छेलै।

परकास 4:6

सिंहासनके अगा समुन्‍दर जखा देखाइबला चिज छेलै। उ चिज सिसा जखा सफा देखाइछेलै। आँखे आँख भेल चारटा जिबित परानी सिंहासनके अगा आ पछा कैरके चारुकातसे घेरनेछेलै।