परकास 21:14 - मध्‍य पुरविया थारू

¹⁴ ओइ सहरके देबालके बारहटा जग छेलै आ ओइमे थुमाके बारह परेरितसबके नाम लिखल छेलै।

परकास 21:14 ပူးပေါင်းရင်းမြစ်များ

मतीके लिखल सुसमाचार 16:18

आब हम तोरा कहैचियौ, हम तोहर नाम पतरुस राखैचियौ। हम एह्‍या चटानमे आपन मन्‍डली स्‍थापना करबै आ नरकके सक्‍तिसब ओइमे बिजय नै हेबे सक्‍तै।

परेरित 1:26

तब उसब ओइ दुइ गोरेके बिचमे चिठा खोलल्‍कै आ उ चिठा मतियासके नाममे परलै, तब उ एगारहो परेरितसबमे थपलगेलै।

गलाती 2:9

याकुब, पतरुस आ युहन्‍ना, जेसब मन्‍डलीके खम्‍हासब मानल छेलै, उसब हमरा परमेस्‍वरके देल अनुगरहके पहिचान करल्‍कै। उसब बरनाबास आ हमरा संगतीके लेल देहना हाथ बनाइल्‍कै। बरनाबास आ हम गैर-यहुदीसबके बिचमे आ उसब यहुदीसबके बिचमे काम करैले सहमत भेलियै।

एफिसी 2:20

परेरित आ अगमबक्‍तासबके खुनल जगमे बनल घर तुसब चिही। यि जगके मुल खम्‍हा येसु खिरिस्‍ट आपने चियै।

एफिसी 3:5

पहिने यि रहसके बात औरो कोनो लोकके थाह नै देनेरहै, महज अखुन यि रहसके बात आपन पबितर परेरित आ अगमबक्‍तासबके परमेस्‍वर आपन पबितर आत्‍मासे परकट कैरदेनेछै।

एफिसी 4:11

वह्‍या ककरो आपन परेरितसब, ककरो अगमबक्‍तासब, ककरो परचारकसब, ककरो मन्‍डलीके देख-भाल करैबला पास्‍टरसब आ ककरो सिक्‍छकसब नियुक्‍त करल्‍कै।

हिबरु 11:10

अबराहम सबदिन रहैबला जग भेल सहरके आस करैछेलै। ओइ सहरके योजना करैबला आ निरमान करैबला परमेस्‍वरे चियै।

यहुदा 1:17

महज, हे पिरिय भाइ-भैयासब, अपनासबके परभु येसु खिरिस्‍टके परेरितसबके पहिने कहलहा बातसब याद कर।

परकास 18:20

हे स्‍वरगमे भेल्‍हासब, उ सहर नास भेलासे खुस हो। हे परमेस्‍वरके पबितर जनसब, परेरितसब आ अगमबक्‍तासब सबकोइ आनन्‍द मना! कथिलेत तोरासबके सताबैके कारन परमेस्‍वर ओकर नियाय करने छै।

परकास 21:13

पुरब दिसन तिनटा, पछिम दिसन तिनटा, उतर दिसन तिनटा आ दछिन दिसन तिनटा केबारसब छेलै।