परकास 20:13 - मध्‍य पुरविया थारू

¹³ जे सब समुन्‍दरमे मरल छेलै ओइसबके समुन्‍दर ओकरा देल्‍कै। मिरतु आ पताल सेहो ओइमे भेल मरलसबके देल्‍कै। तब ओकरासबके करल काम अनुसार सबके नियाइ भेलै।

परकास 20:13 ပူးပေါင်းရင်းမြစ်များ

मतीके लिखल सुसमाचार 11:23

“हे कफरनहुमके लोकसब, कि तुसब स्‍वरग तक ज्‍याके आदर पैब्‍ही कैहके सोचैचिही? तुसब त पतालमे खसाएल जेब्‍ही। कथिलेत जे अजगुतके कामसब तोरासबके बिचमे करल गेल्‍छौ से कामसब सदोममे करने रहतियै त आइतक रहतियै।

मतीके लिखल सुसमाचार 16:27

कथिलेत जब मानबके बेटा आपन पिताके महिमामे स्‍वरगदुतसबके सङे एतै तब ओइ बखत सब लोकसबके आपन-आपन काज अनुसारके इनाम देतौ।

१ कोरन्‍थी 15:26

तैमे सबसे पछा नास हैबला दुस्‍मन त मिरतु चियै।

परकास 1:18

जिबित हैबला हम्‍ही चियै। हम मरल छेलियै महज आब सबदिनके लेल जिबित चियै, मिरतु आ पतालके कुजीसब हमर हाथमेछै।

परकास 2:23

ओकर पछा लागैबला बेटा-बेटीसबके हम खतम करबै। तब सब मन्‍डलीसब थाह पाबतै कि हम वहे चियै जे सबके मन आ हिरदयके जाँच करैचियै। हम तोरासबके काम अनुसारके इनाम देबौ।

परकास 20:12

हम बरका आ छोटका सब मरलसबके सिंहासनके सामने ठारभेल देखलियै आ किताबसब खोलल्‍कै। दोसर किताब खोलल्‍कै, जे जिबनके किताब छेलै। उ किताबमे लिखल अनुसार, ओकरासबके काम अनुसार मरलसबके नियाइ भेलै।

परकास 20:14

मिरतु आ पताल आइगके भठिमे फेकलगेलै। यि दोसर मिरतु चियै।

परकास 21:4

परमेस्‍वर ओकरासबके आँखके पुरे लोर पोइछदेतै। ओते मिरतु, सोक, बिलाप आ दुख नै हेतै। कथिलेत पुरन्‍का सब बात बित गेलछै।”

परकास 6:8

हम पियर रङके घोरा देखलियै जैमे सबार हैबलाके नाम “मिरतु” छेलै आ पताल ओकर पछा-पछा छेलै। ओकरा तलबार, अकाल, महामारी आ पिरथिबीके जङलिया जानबरके दुवारा पिरथिबी एक चौथाइके नास करैके अधिकार परमेस्‍वर देल्‍कै।