परकास 2:9 - मध्‍य पुरविया थारू

⁹ हमरा तोहर कस्‍ट आ तोहर गरिबी थाहछै। महज बास्‍तममे तु धनिक चिही। हम ओकरासबके चिन्‍हैचियै, जे आपनके यहुदी त चियै कहैछै, महज बास्‍तममे नै चियै। उसब तोहर बिरोध करल निन्‍दा हम जानैचियै। उसब त सैतानके लोकसब चियै।

परकास 2:9 ပူးပေါင်းရင်းမြစ်များ

मतीके लिखल सुसमाचार 4:10

तब येसु फेनो ओकरा जबाब देल्‍कै, “ऐ सैतान, तु हमर नजरसे दुर भ्‍याजो! कथिलेत लिखल छै, ‘तु परमपरभु आपन परमेस्‍वरके गोर लाग आ ओकरेटा सेबा कर।’”

लुका 12:21

तब येसु फेनो ओकरा कहल्‍कै, “आपन खातिर कतबो धन समपैत जमा कैरले, महज परमेस्‍वरके नजरमे धनिक नै भेल लोकके दसा ऐहनङ हैछै।”

लुका 22:65

उसब येसुके बिरोधमे बहौतरा गाइर परहैत बेजत करैबला बातसब कहल्‍कै।

लुका 4:18

“परमपरभुके आत्‍मा हमर उपरछै, गरिबसबके सुसमाचार सुनाइले उ हमरा अभिसेक कैरके पठाइने छै। बन्‍धनमे परलसबके छुटकाराके लेल, अन्‍हरासबके आँख देखैके लेल, अत्‍याचारमे परलाहासबके सोतन्‍तर करैके लेल,

लुका 6:20

येसु आपन चेलासबके ताकल्‍कै आ कहल्‍कै, “धैन तुहे, दीन-दुखीसब कथिलेत परमेस्‍वरके राज तोरेऔरके लेल चियौ!

युहन्‍ना 16:33

“हम तोरासबके यि बात अहै खातिर कहनेचियौ, कि हमरमे रैहके तोरासबके सान्‍ती हेबे। सन्‍सारमे तोरासबके सङकट हेतौ, महज साहस कर, हम सन्‍सारके जितलेने चियै।”

परेरित 14:22

उसब ओइठाम परभुके बिस्‍बासीसबके हिम्‍मत बरहाइत ओइसबके बिस्‍बासमे अस्‍थिर रहैले हौसला दैत रहलै आ कहैत रहलै, “परमेस्‍वरके राजमे पुगैसे पैहने अपनासबके बहौत दुख सहे परत।”

परेरित 26:11

बेर-बेर सभाघरसबमे ज्‍याके ओकरासबके दन्‍ड द्‍याके उसब परभु नै माने कैहके कोसिसो करलियै। हम तामससे चुर भ्‍यागेलियै आ ओकरासबके आनो देसके सहरसबमे ज्‍याके सताबैले लागलियै।

रोमी 12:12

आपन आसामे आनन्‍द कर, दुख-कस्‍टमे धिरज कर आ निरन्‍तर परथना करैतरह।

रोमी 2:17

महज तुसब आपनेके यहुदी चियै कैहके बेबस्‍थामे भर परैचिही आ परमेस्‍वरके चिन्‍हैचियै कैहके घमन्‍ड करैचिही।

रोमी 5:3

अतबेक नै, हमसब आपन दुख-कस्‍टमे सेहो आनन्‍द मनाबैचियै कथिलेत हमसब जानैचियै कि दुख-कस्‍टसे सहनसिलता उतपन कराबैछै,

रोमी 8:35

कोन बातसे अपनासबके खिरिस्‍टके परेमसे अलग करैले सक्‍तै? अपनासबके दुख, कठिनाइ, सताबट, नाङट आ भुखल रहैबला अबस्‍था आबैले सक्‍तै। अपनासब कोनो भारी बिपतमे या मरैयोले सक्‍बै महज यि कोनो चिजसे अपनासबके खिरिस्‍टके परेमसे अलग करैले नै सक्‍तै।

रोमी 9:6

इजराएलीसब खिरिस्‍टमे बिस्‍बास नै करल्‍कै कहतेमे, परमेस्‍वर ओकरासबसङे करल परतिग्‍या बिफल भेलै से बात नै चियै। कथिलेत इजराएलके कुलमे जलमल सब लोकसब त परमेस्‍वरके लोकसब नै चियै।

२ कोरन्‍थी 6:10

सोकमे रहितोपरभी हरसमय आनन्‍दमे रहैचियै। गरिब रहितोपरभी बहुतोके आत्‍मिकी रुपमे धनिक बनाबैचियै। कुछो नै रहितोपरभी हमरासबसङे सब चिज छै।

२ कोरन्‍थी 8:2

उसब एकदम संकटके परिक्‍छामे रहितोपरभी परसस्‍त आनन्‍दित भेलै आ गरिबीमे सेहो उसब उदार चितसे भेटी देल्‍कै।

२ कोरन्‍थी 8:9

कथिलेकी अपनासबके परभु येसु खिरिस्‍टके अनुगरह तोरासबके थाहे छौ, उ धनिक छेलै तयौ तोरासबके लेल उ गरिब भेलै ताकि ओकर गरिबीसे तुसब धनिक बनैले सक।

१ थेसलोनिकी 3:4

कथिलेकी तोरासबसङे रहै बखत अपनासब सताबट पैबे कैहके बेर-बेर कहने छेलियौ। हमर कहल बात हाथ लाग्‍बे कैलौ, से बात थाहे छौ।

१ तिमोथी 1:13

एक समयमे हम्‍हु परमेस्‍वरके निन्‍दा करैबला आ ओकरमे बिस्‍बास करैबलासबके सताइबला आ दुरछिया करैबला लोक छेलियै। महज परमेस्‍वर हमरा दया करल्‍कै कथिलेकी उ कामसब हम अन्‍जानमे करलियै आ ओइ बखत हम परभुके नै चिन्‍है छेलियै।

१ तिमोथी 6:18

आन लोकके भलाइ करैले, असल काममे धनिक हैले, खाचोमे परलहा लोकसबके सहायता करैले आ आपनसङे भेल चिज औरोसबके दैले ओइसबके कह।

परकास 1:9

हम युहन्‍ना, खिरिस्‍टमे तोरासबके भैया चियौ। येसुमे बिस्‍बास करलाके कारन हम तोरासबसङे धिरज होके सहने चियै, जे दुख ओकर राजमे हैबलासबमे सेहो आबैछै। परमेस्‍वरके बचन आ येसु खिरिस्‍टके करल सतके बारेमे परचार करलाके कारन हमरा पत्‍मोस टपुमे कैद कैरके राखने छेलै।

परकास 2:13

हमरा थाहछै, तुसब सैतानके सिंहासन भेल ठाममे रहैचिही, तैयो तुसब हमर नाममे अस्‍थिर रहैचिही। तुसब हमर भक्‍त चिही आ हमरा बिस्‍बास करैले नै छोरनेचिही से हमरा थाहछै। हमर बिस्‍बासी साक्‍छी एन्‍टिपास सैतान रहैबला ठाममे मारलगेलै, ओहु समयमे बिस्‍बास करैले नै छोरलिही।

परकास 2:2

तोहर करल मेहनतके काम आ तोहर धिरज हमरा थाहछै। तु दुस्‍ट लोकसबके सहन करैले नै सकैचिही कैहके हमरा सेहो थाहछै। परेरित नै चियै तैयो आपनके परेरित कहैबलासबके तु जाँच कैरके झुठ साँच पता लगाइनेचिही सेहो थाहछै।

परकास 2:24

महज एहेन खराब सिक्‍छामे नै लागल आ सैतानके भितरी रहसके बात नै मानैबला थिआटिरामे भेल औरो लोकके कहैचियौ कि, हम तोरासबके औरो कोनो भारी आग्‍या नै देबौ।

परकास 3:9

देख, हमसब यहुदी चियै कैहके झुठा बोलैबला अतेछै। उसब सैतानके गुटके चियै। ओकरासबके हम तोहर गोर लागैले लगाइबै आ हम तोरा परेम करैचियौ कैहके उसब थाह पाबतै।

परकास 7:14

हम ओकरा कहलियै, “गुरु जी, हमरा थाह नै छै। अहिके थाहछै।” उ हमरा कहल्‍कै, “उसब त बरका भारी सताबट सैहके एलछै आ उसब आपन-आपन बस्‍तर थुमाके लहुसे धोइबके उजर बनाइनेछै।