परकास 2:5 - मध्‍य पुरविया थारू

⁵ अहैलेल तु कतहेक गिरल चिही, से याद कर। पस्‍चाताप कर आ पहिनेके करल जखा परेम कर। यदि तुसब पस्‍चाताप नै करबिही त, हम आइबके तोरासबके डैठ उ जगहसे हटादेबौ।

परकास 2:5 ပူးပေါင်းရင်းမြစ်များ

मतीके लिखल सुसमाचार 5:14

“तुसब सन्‍सारके इजोत चिही। पहारमे रहल सहर घोसरैले नै सकैछै।

मतीके लिखल सुसमाचार 5:15

लोकसब डिबिया नेसके ढकियासे नै झापैछै, महज डैठमे राखैछै आ उ डिबिया घरमे रहैबला सबके खातिर इजोत दैछै।

मरकुस 12:9

तब येसु पुछल्‍कै, “आब अङगुर खेतके मालिक ओइसबके कथी करतै? उ आइबके बटिदारसबके माइरदेतै आ अङगुर खेत दोसर लोकसबके ददेतै।

लुका 1:17

उ एलिया जखा सक्‍ती आ पबितर आत्‍मासे भरल लोक बन्‍तै। उ परभु आबैके लेल लोकसबके हिरदय तैयार करतै। बाबुसबके मन धियापुता दिसन आ थेथरसबके मन धरमीसबके बुइधमे तैयार कैरके घुम्‍याके लाबतै।”

लुका 20:16

उ आइबके सब बटिदारसबके माइरदेतै आ अङगुर खेत औरो लोकसबके द्‍यादेतौ।” लोकसब यि बात सुइनके कहल्‍कै, “एहेन कहियो नै हेबे!”

गलाती 5:4

बेबस्‍था पालन कैरके परमेस्‍वरके नजरमे धरमी ठहरैले चाहैबला खिरिस्‍टसे अलग भेलचिही आ ओकर अनुगरहसे दुर भेलचिही।

फिलिप्‍पी 2:15

अहिनङ तुसब पापी आ दुस्‍ट पुस्‍ताके बिचमे दाग नै भेल परमेस्‍वरके बेटा-बेटी जखा निरदोस आ सुध हेब्‍ही। जनङ तरासब अकासमे चमचम चम्‍कैछै, तहिनङे तुहुसब यि सन्‍सारमे ओइसबके बिचमे चम्‍कैले परतौ।

हिबरु 10:32

बितलहा दिनसबके याद कर, ओइ बखत परमेस्‍वरके ग्‍यान पाइबके तुसब बहुत दुख कस्‍ट भोगलिही, तैयो तुसब हार नै मानलिही।

२ पतरुस 3:17

महज हे हमर पिरियसब, तुसब त यि बातसब पहिनेसे बुझलाके कारन होसियार रह। तब दुस्‍ट लोक तोरासबके अलमलमे नै परेसक्‍तौ आ तोरासबके बौकार बिस्‍बास कमजोर नै हेतौ।

यहुदा 1:24

तोरासबके पापमे परैसे बचाइले सकैबला आ आनन्‍दसाथ आपन महिमाके अगा तोरासबके निरदोस ठहराइले सकैबला परमेस्‍वरके परसन्‍सा हेबे।

परकास 1:20

हमर दहिना हाथमे तोहर देखल यि सात तरासब आ सोनाके डैठके रहस यि चियै, सात तरासब सात मन्‍डलीके देख-भाल करैबला स्‍वरगदुतसब आ सातटा डैठ सातटा मन्‍डलीसब चियै।”

परकास 16:9

लोकसब सुरुजके टहटह रौदसे डहलै आ यि दुख-कस्‍टसे उसब परमेस्‍वरके नामके धिक्‍कारल्‍कै महज उसब आपन पापसे पस्‍चताप करैले आ ओकरा महिमा दैले इन्‍कार करल्‍कै।

परकास 2:16

ओहै खातिर पापसे पस्‍चाताप कर, नै त हम जल्‍दिए तोरासबलग एबौ आ हमर मुहसे निकलल तलबारसे उ दुस्‍ट काम करैबलासबसङे लराइ करबौ।

परकास 2:19

तुसब कि-कि करैचिही हमरा थाहछै। तोरासबके करल परेम, बिस्‍बास, सेबा आ तोरासबके करल धिरज हमरा थाहछै। तुसब पहिने जे करने छेल्‍ही ओहौसे बेसी अखैन करैचिही से हमरा थाहछै।

परकास 2:2

तोहर करल मेहनतके काम आ तोहर धिरज हमरा थाहछै। तु दुस्‍ट लोकसबके सहन करैले नै सकैचिही कैहके हमरा सेहो थाहछै। परेरित नै चियै तैयो आपनके परेरित कहैबलासबके तु जाँच कैरके झुठ साँच पता लगाइनेचिही सेहो थाहछै।

परकास 3:19

जकरा हम परेम करैचियै, तकरा डाटै चियै आ सजाय द्‍याके सुधारैचियै। साच्‍चेके पाप करैले छोर आ हमरलग या।