परकास 2:22 - मध्‍य पुरविया थारू

²² देख, हम ओकरा बिमारसे बिछोनामे थला परादेबै आ ओकरसङे बेबिचार करैबलासब एकदम दुख आ कस्‍ट पाबतै। उसब पस्‍चाताप कैरके ओहन दुस्‍ट काम नै छोरतै त, हम ओइसबके बरका सजाय देबै।

परकास 2:22 ပူးပေါင်းရင်းမြစ်များ

लुका 13:3

हम तोरासबके कहैचियौ, नै! महज तुसब आपन पाप माइनके पस्‍चाताव नै करबिही त ओहिनङके तोहेसब नास हेब्‍ही।

लुका 13:5

हम तोरासबके कहैचियौ, नै! महज तुसब आपन पाप माइनके पस्‍चाताव नै करबिही त ओहिना तुहुसब नास हेब्‍ही।”

२ कोरन्‍थी 12:21

तोरासबके भेटैले फेर एबौ त परमेस्‍वर हमरा तोरासबके अगा निच बनाइतै कैहके हमरा डर लागैछै। जेसब पहिने पाप करने छेलै आ तोरासब आपनेसे करल असुध काम, बेबिचार, घिनलागैबला छाडा कामसे पस्‍चताप नै करनेचिही त हमरा निच बनैले परतै।

परकास 17:2

ओकरसङे सन्‍सारके रजासब बेबिचार करने छेलै आ सन्‍सारके लोकसब ओकर बेबिचारके नसासे मातल छेलै।”

परकास 18:3

कथिलेत सब जातीसबके लोकसब ओकर बेबिचारके मध पिके मातल छै आ सन्‍सारके रजासब ओकरसे बेबिचार करने छेलै आ सन्‍सारके बेपारियोसब ओकर बरका मोज-मज्‍जाके कारन धनिक भेल छेलै।”

परकास 18:9

ओकरसे बेबिचार करैबला आ सुख-बिलास करैबला सन्‍सारके रजासब जब उ जरैत सहरके धुवाँ देखतै तब ओकरलेल कान्‍तै आ सोक करतै।

परकास 2:5

अहैलेल तु कतहेक गिरल चिही, से याद कर। पस्‍चाताप कर आ पहिनेके करल जखा परेम कर। यदि तुसब पस्‍चाताप नै करबिही त, हम आइबके तोरासबके डैठ उ जगहसे हटादेबौ।